. اللى اتكسر مبيتصلحش ؟! كل يوم بيمر شبه اللى قبله .عدى عليا عرايس كتير .كل واحدة منهم كان ليها طلبات مختلفه عن التانيه لكن الغايه واحده في الاخر هى الجواز والفرح . عيشت كل لحظه اى بنت بتتمناها مع كل عروسه عندى اوقات كنت بتمنى اكون مكان كل واحدة منهم ومعايا اهلى وصحابى والعريس اللى المفروض يبقى حبيبى وأوقات تانيه كان نفسي اخليهم يرجعوا عن قرارهم ده وأنهم ميتجوزوش . عندى فلوس وحلوة لكن معنديش قلب ولا مشاعر باردة يعنى فى كل حاجه حتى ردود افعالى فى المواقف الكبيرة تقريبا كده اتعودت على المشاكل أو يمكن اكون مريضه نفسيا .زى ما بسمعهم بيقولوا عنى فى الشركه مش مهم .المهم انهم مش بيقدروا يقولوه فى وشي . يمكن بعد اللى عملته مع بابا ريحنى شويه بس ما صلحش اللى اتكسر فيا .
