نزوة دائمة 🔥 ( روايات ليبية )

حلقة 1🔥

#نزوة_دائمة🔥🔥

روااااايات ايوتة 😍😍😍

الحلقة الأولى
بين يوم وليلة بدون سابق انذار لقيت روحي بفيلو كبييير مكبرني الف سنة مكياج قوي مع تسريحة مكانتش لعمري ابدا وبين دموع الناس تحسابها دموع الفرح بس كانت دموع حزن والم ونراجي ف اللي جاي وشن حيصير ف مستقبلي
نعرفكم بروحي...
اني اسمي نيرز عمري 16سنة قاعدة نقرا ونبي نكمل حلمي ونكمل قرايتي
بين يوم وليلة احلامي ادمرت امتسحت من الوجود بكلمة(فيه واحد متقدملك وافقنا)
مكنتش نعرف هلبا حاجات ع الزواج واصلا كنت نشوف ف هلبا ناس متزوجين بس مش متفاهمين ف حياتهم
قعدت فكرة ان لو تزوجت بيكون مصيري زيهم راسخة ف راسي متنحتش
امي وبوي متوفيين بس كانت عندي مرت اب ظاالمة لدرجة لاتوصف عندها جبروت مكانش حد يقدر يقوللها لا
ربتني هي او بالمعني الاصح تربيت بروحي كنت لو ندير حاجة غلط تضربني نعرف انها غلط حياتي كانت عبارة عن ضرب واهانة منها ومن صغارها اللي عاملوني معاملة الخدم رغم صغر سني بس كنت فاهمة كل شي
تفوقت ف قرايتي نسهر الليل باش نكون من الأوائل هذا كله باش نسعد اهلي حتا وهما ميتين
مرت بوي اسمها زهرة عندها 3صغار بنتين وولد طبعا امي كانت الزوجة الثانية لبوي بناتها متزوجات بس اللي قاعدينه عند امهم اكتر من اللي قاعدينه ف حوش رجالتهم، ضحي ومنال هما خواتي
عندها ولد واسمه إبراهيم طيب هلبا بذات معاي معنداش ع الخبث يعني تقدرو تقولو ساخف ع حالتي
فجأة مندري ع شي قالتلي تقدم شخص وافقنا باش نفتك منك كانت صريحة معاي رفضت ضربتني وكسرت ايدي هي وبناتها معنديش حل الا ان نقبل يمكن يطلع شخص كويس ويعوضني عن كل شي خسرته دعيت دعيت لين نعست
مشفتاش ولاهو طلب يشوفني بس قلت عادي مسألتش عليه اصلا
تحدد العرس وبسرعة لقيت روحي بالفيلو
تزوجت وسيم عمره وقتها 33سنة بالضبط
شكله قنين مقبول بس باين من تعابير وجهه انه صعب هلبا ويبي طريقة باش نقدر نفهمه
المهم قعدت سنتين معاه ميحكيش هلبا كانت حياته نوعا ما مظلمة ميحبش يحكي او يشكي شي ف داخله بس كانت عنده شخصية تجنن
كبرت مع الوقت وعرفت وتعلمت هلبا حاجات مكنتش نحبه ولاهو يحبني بس عايشين كويس
بوه قاعد وامه متوفية وبوه متزوج مرته مرة طيبة ومرة لاتطاق بس شادة حوشي وخلاص
حنبدا ف قصتي من الحلقة الجاية يمكن تستغربو يمكن تشوفوها شي عادي ف الأوضاع هادي حنبدا فيها بالتفصيل

يتبع......
تفااعلو ❤️❤️🙈