#نزوة_دائمة
روااااايات ايوتة 😍😍😍
الحلقة الثامنة
جي هوا واياها ف العشية واهني صار شي محدش كان متوقعه
سالم.. هادي ياوسيم هاااااادي
وسيم.. بوي لو سمحت هادي مرتي
سالم.. مش جيتني ياوسيم وقتلي نبي نتزوج هادي وقتلك لاااا
وسيم.. بوي اني مدرتش شي غلط وهذا حقي قبل كل شي
سالم.. حق شنو اللي تحكي عليه فيه ف دماغك حاجة، من مزال مكلمهاش هادي ولامدارش معاها حاجة تجي انت ف اخر الموضوع تاخدها
وسيم.. بوي راك تتكلم ع مرتي مش حد تاني راه
سالم.. اقسم بالله واهو قدام نيرز وخديجة ووائل وحتا عماتك اهم حاضرات لو انت متحطش عقلك ف راسك والله ماني مسامحك لادنيا ولااخرة
وسيم.. بوي شن اللي تقول فيه
سالم .. اهو قتلك وانت ورايك
وسيم.. هادي مرتي زي م نيرز مرتي وحتسكن ف حوشي رضيتو ولا
سالم.. تتحدي فيا
وسيم.. منتحداش ف حد والزوز زي بعض
ناض عمي ومتكلمش اما اني مش عارفة كيف منزلتش مني حتا دمعة ولاحسيت بشي بس منقرفة منه
وسيم.. اركبي فوق
مني.. حاضر حبيبي
وائل.. خلي نطلع نحس ف روحي مضايق
نيرز.. حتا اني خاطري نطلع اطلعني معاك
وسيم.. قعمزي مفيش داعي تطلعي
نيرز.. من قالك اني ناخد ف رايك
وسيم 😲
نيرز.. استناني نجيب عبايتي ونجيك
كيف جتني القوة نرد عليه الي كنت لما نسمع صوته نموت من الرعب والخوف
نزلت عبايتي وطلعت مع وائل وقعمزنا ف منتزه حلو
نيرز.. تعرف ان اخر شي اني فكرت فيه ان وسيم يخوني، واللي يضحك انه بيجيبها تسكن معاي
وائل.. مش عارف شن نقولك بس وحدة ف عمرك مفروض عايشة احلا ايامها
نيرز.. هذا زواج اللي كله علي بعضه مصلحة هكي تكون النتيجة
وائل.. مصلحة منو
نيرز.. كله من تخطيط مرت بوي اللي خلتني نتزوجه غصب باش هي يقعدلها الحوش والشركة، لوين يبو يوصلو بس
وائل.. هذا كله طمع
نيرز.. هه هو انت شفت حاجة حتا خوك بيين ان كل هذا طمع متحملة كل شي منه ونقول عادي ف النهاية راجلي كيف بنخليه لكن هو تمادا
وائل.. انتي من الاول محطيتيش حدود لهذا كله ومشيتي بكلمة كيف نهدم حياتي
نيرز.. هو فعلا كنت نقول ان كيف نهدم زواجي واني ف العمر هذا وتعرف الناس مترحمش مستحيل الراجل يكون عنده حق ف اي شي يديره ديما المرا غالطة ولازم تتحمل ع خاطر صغارها
وائل.. شن ناوية اديري
نيرز.. معندي مندير، معنديش سند ف الدنيا هادي ولامن يقولي اطلقي واني معاك لاام لااب لاخوت وهذا اللي خلا خوك يعاملني هكي وغلطي بينتله ان معندي حد
وائل.. حتا لو معندك حد عندك ربي حيوقف معاك لانك مظلومة
نيرز.. يلا ربي ف الوجود، باهي اللي فكيت روحك منهم هالعيلة
وائل.. اي كويس متزوجتهاش وندمت
نيرز.. متستاهلش نقول عليها صاحبة بس ربي كشفها قبل محد يتورط معاهم
وائل.. خلاص توا انتي معاش تفكري فيه وفكري ف روحك وولدك
نيرز.. شكرا هلبااا لان اعطيتني من وقتك بجديات كنت محتاجة ان نقعمز نهدرز مع حد وربي جابك ليا
وائل.. انتي ف مقام اختي الصغيره بحكم معناش خوات وانتي عارفة
نيرز.. ربي يخليك لينا
وائل.. هيا نوضي نروحو المغرب توا
نيرز.. هيا....
مرو الايام واني منتكلمش مع حد وتعرفو ان لقيت خديجة هي اللي واقفة معاي ف كل شي تغيرت للأحسن هلباااا
مني.. حبيبي شن رايك نسافرو نغيرو جو
وسيم.. تعرفي خدمة ومنقدرش نسيب كل شي اهني ونسافر
مني.. اسبوع اسبوعين عادي شن بيأثر
وسيم.. ياقلبي جدولي كله معبي بس نحاول ناخد ايام عطلة ونسفرك
مني.. ربي ميحرمني منك
اما اني كنت قاعدة مع عمي
سالم.. والله متستاهلي اللي يصيرلك
نيرز.. عادي ياعمي كل شي نتعلموه درس ف الحياة هادي
خديجة.. مش عارفة كيف قادرة تتحملي هذا كله
نيرز.. الحمد لله على كل حال
بعد يومين مشت خديجة لبنت تعرفها باش تخطبها لوائل وفعلا مشي وتم فيها رسمي وقررو ان العرس يكون يسرعة كحد اقصي شهر بعدها عرس
مني.. شن مش دايرين غدي
خديجة.. اهو كل شي قدامك
مني.. ماهو مقايلي وسيم حبيبي منتاعبش روحي
خديجة.. منخدمش عند حد جو الامر اللي اديري فيه مش عليا
مني.. تكلمي معاي كويس
خديجة.. شدت ايدها بقوة... انتي اللي تكلمي معاي كويس احسنلك خير من نوريك قدرك وين
مني.. نحي ايدي
خديجة.. خليك كويسة خيرلك، طلقت ايدها وطلعت ومني ف حالة ذهول من اللي شافاته عرفت ف لحظتها ان حتعاني هلباا
جي وقت الغدي ساعدت خديجة وحطيت معاها السفرة اما مني كانت مقعمزة جنب وسيم وتتدلع عليه،ع السفرة
سالم..شن كملت حاجاتك
وائل.. اي نوعا ما كملت مزالي حاجات بسيطة ف العشية نرفع خالتي وتمشي تختارهم لان منفهمش ف الحاجات هادي
سالم.. باهي ع الخير ان شاء الله
خديجة.. بعد العصر نطلعو اقلها نروحو بكري مزال قدامنا هلبا حاجات بنديروها
وائل.. عادي اللي يريحك
سالم.. وانتي يانيرز كيف صحتك
نيرز.. الحمد لله ف نعمة
سالم.. رد بالك ع صحتك وصحة حفيدي
نيرز.. حاضر من عيوني
كملنا غدي وخشيت رقدت جسمي كان تاعب هلبا نعست ف نوم عميق
اما مني مشت حوش امها، قبل هذا مني قالت لامها ف نفس اليوم اللي حتتزوج فيه وسيم مع انها مكانتش راضية كيف تتزوج هكي بس مني سكرت راسها
وصال.. شن فيه جاية معناها تبي حاجة
مني.. اي جاية نبيك تنفذي شي
وصال.. شن هوا
مني.. كلهم مهتمين ب نيرز هلبا والحق الاهتمام هذا مقلقني، قررت ان نخليها تجهض
وصال.. بعقلك ولامهبولة انتي
مني.. اكيد بعقلي شن رايك
وصال.. خديتي راجلها وساعدتك اما تخليها تجهض وهذا الولد اللي تستنا فيه من سنتين هذا شي مش معقول
مني.. اني منطلبش ف رايك يعني بأي طريقة نبيه يطيح العيل هذا
وصال.. مش حنساعدك ف شي ولاحنخش معاك، بتقتلي روح كان معندكش علم
مني.. عندي علم مش انتي تعلميني
وصال.. صدقيني لو نحطيت ف موقف محرج بسببك حنفضحك
مني.. لا ياحلوة الا اللعب معاي، اني تزوجت ووسيم ماشي زي منبي لكن انتي اللي تهيجي من استراحة ل استراحة ومن سيارة ل سيارة شن مصيرك، فكري ف روحك قبل متفكري ترفضيلي
وصال.. نوضي اطلعي من قدام وجهي احسنلك مش طايقاتك
مني.. فكري وقوليلي نستنا فيك
ام مني.. شن مروحة
مني.. اي وسيم قريب يروح نروح قبله هي سلامات
طلعت وهي واثقة ان وصال حتساعدها ف اللي تبيه لان كانت شادة عليها حاجات متقدرش ترفض اصلا
نضت ف الليل كانت الساعة 9صليت وقعمزت ع التلفزيون رن رقم ام وصال مرديتش وكنت عارفتها هي بس معاش نبي نشغل بالي ب شي
خشو وسيم ومني كنت قاعدة ف الصالة
مني.. نخشو دارنا الصالة ملوثة
نيرز😣😣😣مقززة
مني.. شن قلتي
نيرز.. قلت مقززة ومقرفة تبي نزيدك
وسيم.. نيرز عيب
نيرز.. مش انت اللي تعلمني وينه العيب شوف روحك انتي والمقززة متاعك شن الحركات اللي ادير فيهم
مني.. ياربي فرخة والله الا فرخة حتا كلامها متع وحدة عيله
نيرز.. عيله ف عينك غير كان يطلقوني عليك والله نفتفتك
مني.. متوحشة مرتك هادي نخش داري خيرلي
نيرز.. خشي خشي الخوف باهي
وسيم.. قعمزي
نيرز.. منبيش نحكي معاك
وسيم.. قعمزي قتلك
نيرز.. شن تبي
وسيم.. حركات الصغار معاش نبيها متنسيش انتي مش بروحك
نيرز.. مداير روحك خايف عليا يعني
وسيم.. من غير طول لسان
نيرز.. نتكلم بالطريقة اللي تعجبني مش اللي تعجبك ضاعو ايام نيرز اللي تخاف من ظلك وانت عاجبك الموضوع
وسيم.. نيرز متخلينيش نفقد اعصابي
نيرز.. افقدهم عادي انت شن خليت
وسيم.. نيرز😠
نيرز.. خاشة لداري اني برا الهانم اكيد تستنا
خشيت الدار وميتة رعب بس بينت اني قوية ومش معدلة صكرت الدار بالمفتاح
قعدت ع النت لين نعست ورقدت نضت ع صوت عياط قوي.....
يتبع....
تفاااعلو ❤️❤️❤️🙈
أنت تقرأ
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
