#نزوة_دائمة
روااااايات ايوتة 😍😍😍
الحلقة السادسة
مرو يومين كنت حاسة ب تعب ووجع مش طبيعي وكان وقتها وسيم ف العيادة ومردش عليا اتصلت ب وصال
نيرز.. الحقي عليا
وصال.. خيرك شن فيه
نيرز.. مش عارفة بس حاسة روحي تاعبة
وصال.. اوك اختي ممشتش ب سيارتها ناخدها ونجي
نيرز.. نستنا فيك، صكرت منها وزاد الوجع وصلت نزلت ورفعتني المستشفى وكنت وقتها شبه دايخة
الدكتورة.. ليها يومين مش واكلة
وصال.. وووه اكيد هذا علاش
الدكتورة.. زوجها وين يعني مش هوا اللي جابها
وصال.. مش عارفة بس عنده خدمة
الدكتورة.. اها اطمني هي حامل من شهر ونص لانها مش واكلة شي تعبت ياريت تقوليلهم يهتمو بصحتها اكتر
خشت وصال وقالتلي قداش فرحت ان حامل يمكن لو جبت ولد يكون ف صالح علاقتي ب وسيم اللي تغيرت هلبااا
كانت وصال تحكي ف التلفون برا تلاقت مع وسيم
وسيم.. وصال شن اديري اهني امك فيها حاجة
وصال.. لالالا كلمتني نيرز كانت مريضة جبتها اهني
وسيم.. وين هي
وصال.. داخل خش شوفها
خش وسيم وهو مبتسم تعرفو ان ابتسامته بس تخليني فرحانة مليون سنة ❤️
وسيم.. الحمد لله على السلامة
نيرز.. الله يسلمك
وسيم.. خيرك شن صار
نيرز.. منعرفش بس حسيت روحي تاعبة ودايخة كلمت وصال
الدكتورة.. خشت... اهلين دكتور وسيم عاش من شافك
وسيم.. اهلا دكتورة، شن حالة نيرز توا
الدكتورة.. ليش هي تقربلك
وسيم.. هي مرتي
الدكتورة.. اها تمام نيرز ليها يومين مش واكلة زي مقلتلها ع خاطر تهتم بصحتها وصحة جنينها
وسيم.. قصدك حامل 😍
الدكتورة.. اي حامل الف مبروك ضروري تهتم بروحها لان اي شي غلط وليه عواقبه
وسيم.. تمام شكرا
طلعت شفت ف عيونه فرحة انه حيولي اب بس مشفتش شي تاني
وسيم.. كنت طول عمري نحلم نولي اب وولد او بنت يحملو اسمي، صح نيرز مش حبيبتي بس مرتي لكن مع هذا فرحت ان قطعة مني حتكون منها هي مش من غيرها، مش من مني مثلا مكنتش حنأمن ع ولدي معاها بالرغم من اللي ندير فيه ونخون ف نيرز البريئة اللي تشوفلي بنظرة مقدرتش نفهمها هل هي فرح لانها حامل او حزن لان كنت متغير معاها هلبااا
نيرز.. وين سرحت
وسيم.. لالا شي، اني عندي شغل توا قولي ل وصال تروح بيك
نيرز.. مش حتروح معاي😥
وسيم.. عندي خدمة هلبا نروح بعدين
نضت بعد تمت التغذية وروحت الحوش وطبعا قلت ل عمي وخديجة حتا هما فرح سالم هلباااا بحكم اول حفيد ليه
سالم.. توا خلاص بترتاحي ومعاش تمسي شي بديري بالك علي صحتك
خديجة.. مبروك عليك وربي يكملك
نيرز.. ان شاء الله يارب
كملنا كلام عادي، اما ف الجهة التانية
مني.. كيف حامل مرتك
وسيم.. شن هوا اللي كيف حامل
مني.. انت بروحك قتلي انك مترقدش حتا معاها وديما انت معاي
وسيم.. نيرز حامل من شهر ونص قبل حتا منعرفك
مني.. بتخليه الولد
وسيم.. لشن تبي توصلي
مني.. لو نيرز جابت الولد هذا حتخليك بعيد عليا ديما وحتكون معاها اكتر من تكون معاي
وسيم.. اللي تحكي عليه ولدي مش ولد حد ثاني، قداش ليا نبي ولد وتوا تحققت الأمنية
مني.. ليش اماله تقولي خودي مانع وقت تكوني معاي علاش الولد ميكونش مني وتكون فرحتك فرحتين
وسيم.. اني معنديش مانع لهذا بس هي مرتي وانتي مش مرتي
مني.. وعلاش منكونش مرتك ياوسيم اعطيني سبب مقنع للكلام اللي تقول فيه
وسيم.. اني مرا وحدة ومقصر معاها بنزيد الثانية
مني.. شن قصدك
وسيم.. انتي عارفة من الاول ان مستحيل نسيب مرتي بس ف المقابل اني معاك انتي مش معاها هي
مني.. يعني حتقعد تحبني اني ومعاي اني
وسيم.. اكيد من غير متقولي
ايوتة:كمية الحقارة ف كلام وسيم متقدروش تتصوروها وكمية الحقارة نفس الشي اللي كانت عند مني كبيييرة تعميها عن كل شي ومتشوفش الا وسيم
كمل دوامه وروح الحوش من ايام مروحش ف الوقت هذا بس قلت مرات تعدل
وسيم.. عندي سفرة توا
سالم.. وين بتسافر ومرتك مريضة
وسيم.. سفرة ضرورية تخص الخدمة
سالم.. وين
وسيم.. مصر
سالم.. وقداش بتقعد ان شاء الله
وسيم.. ف حدود اسبوع لو كملت خدمتي غادي
سالم.. تمام ع الخير، بس مقلتش امتا
وسيم.. الصبح طيارتي
سالم.. فيك الخير اللي قلت كان هذا راهو مشيت وانت ف مصر قلتنا سافرت
وسيم.. بوي حتا اني منعرفش اليوم بس عرفت
سالم.. باه
مر الوقت وقالي ع السفرة معرفتش علاش مش مطمنة ليها بس قال شغل وقلت عادي مدامه شي ف الخدمة
وتيتله شنطه وحوايجه وكان اليوم كله معاي مطلعش اطمنت ان اللي ف راسي مش صح، يمكن ضغط الشغل خلاه يتغير بس
كانت طيارته الساعة 8 وصله وائل للمطار وروح ومشي اليوم هدوء واني قاعدة ع النت كساد وبس
مرو 3ايام وكان وسيم يكلم فيا ع النت ويحكيلي ان جوه حلو وحتا نفسيته متغيرة وصوته فرحان تمنيت لو انها معاي بس عادي ف اي مكان هو فرحان اني نرتاح
بس صار اللي اني نفسي مكنتش نتوقعه ابدا.....
يتبع...
من الحلقة الجاية حتبدا الاحداث
تفاااعلو ❤️❤️❤️❤️🙈
أنت تقرأ
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
