#نزوة_دائمة
روااااايات ايوتة 😍😍😍
الحلقة الثانية
حكيت عن مختصر حياتي وتوا حنخشو ف التفصيل
كان وسيم يخدم دكتور جراح ليه اسم كبير ف جميع المستشفيات وتعرفو فيه شوية غرور بحكم مكانته الكبيرة
وسيم.. اني طالع تبي شي من برا
نيرز.. لالا سلامتك
وسيم.. مرات نعطل متستنينيش
نيرز.. اوكي، مكانش ع وسيم اي سلوك مش كويس او يجيب الشك مع ان عمري يعتبر صغير بس قدرت نوعا ما نفهمه حتا بعد مرور سنتين
معنديش معاه صغار حملت اول متزوجته بس اجهضت بعدها معاش حملت للان
كملت درت غدي وبخرت الحوش ونزلت
نيرز.. صباح الخير عمي☺️
سالم.. صباح النور يابنتي
نيرز.. كيف صحتك اليوم
سالم.. نشكرو الله
نيرز.. عمتي مهناش اماله
سالم.. نضت ملقيتهاش اكيد طلعت
نيرز.. خديت دواك ياعمي ولامزال
سالم.. والله نسيته
نيرز.. تو انوض نجيبهولك دقيقة بس
وائل.. صباح الورد مرت خوي
نيرز.. صباح الخير
وائل.. بوي وين اماله واللفعة مرته ووسيم😅
نيرز.. بوك ف الصالة وسيم طلع ومرت بوك طلعت قالي، كان تسمعك تقول عليها هكي😂
وائل.. خايف منها ع اساس😌
نيرز.. برا هاك حط الدوا جنب بوك خلي نديرله حاجة ياكلها ونجيك
وائل.. به، خشيت المطبخ مش جديد ان هي تطلع ومدخلها بشي يعني عايشة عمر مش عمرها
نيرز.. الفطور جاهز ❤️
سالم.. غير علاش متاعبة روحك
نيرز.. هذا واجبي هيا عمي كول باش تاخد دواك بسرعة لانه وقته فات🥰
سالم نعتبر فيه ف مقام بوي قداش هوا طيب وعلي حاله❤️ ميستاهلش مرته اللي لاتطاق ابدا
مع الظهر جت خديجة مرت اب وسيم وف ايدها شكاير لانها كانت ف السوق
سالم.. وين طلعتي من الصبح
خديجة.. طلعت السوق خديت حاجات
سالم.. والغدي!!
خديجة.. شن بندير اني يعني بتحبسني ف الحوش شن ه الهم هذا😡
وائل.. متعليش صوتك تكلمي بالشويا 😠
خديجة.. لا هذا اللي ناقص غير واحد زيك يعلمني كيف نتكلم الهي ف روحك احسن بهلبا 😏
وائل.. عندك علم غير محترم روحي ومنبيش نطيح قدرك قدام بوي☺️
خديجة.. ريت صغارك ولا بعدين قول خيرني معاهم اذا هما مش محترميني اني مرت بوهم تبيني نحترمهم😏😏
سالم.. مش كل شي ينحل بالعياط مقال شي هوا
خديجة.. هذا هوا اصلا من امتا توقف معاي انت ديما ف صف ولادك والسوسة الفرخة
سالم.. حدك اهني شن دخل البنت المسكينة ف اللي اديري فيه مسد همها وتزيدي علاها انتي😠
خديجة.. ياسر ياسر وانت متصدق ادافع عليها، نبي فلوس تسلفت من اهلي
سالم.. معندي من وين بنجيبلك معندي شي
خديجة.. كله اللي علي قلبك ومعندك شي😏
سالم.. الراتب وتاخدي فيه من وين بيجيني الفلوس
خديجة.. دبر، بعدين اهي الفرخة عندها اكيد
سالم.. مستحيل نطلب منها شن الوقاحة اللي عندك😡
خديجة.. دبرلي غدوا نبيهم والا ميصيرش طيب
كنت اني فوق وتيت الغدي ونزلت لقيت وجوهم متتفسرش ومحاولتش نسأل
نيرز.. عمي الغدي واتي
سالم.. يابنتي الف مرة نقولك معاش اتاعبي روحك عادي ناكلو حتا خفيف
خديجة.. معندها مدير خلي تخدم
نيرز.. هيا ليبرد الغدي
وائل.. وسيم وين اماله
نيرز.. توا كيف خش قال يبدل وينزل
قعمزنا ع السفرة ونزل وسيم وتغدينا
وائل.. الله يسلمو يديك مرت خوي احلا اكل ناكله ف حياتي
نيرز.. صحتين ☺️
وائل.. ياريت تجيني مرا هكي تعرف اطيب والله كان هذا معاش نبي شي
نيرز.. ان شاء الله ربي يرزقك
خديجة.. مشيت السوق وتسلفت من اهلي فلوس وبوك معنداش
وسيم.. قام راسه بعد كان مركز ياكل... وشن دخلي فيك
خديجة.. مش هذا بوك
وسيم.. بوي بس الباقي اني مدخلي ف حد
خديجة.. لين ينزل معاش بوك وخودهم
وسيم.. من قالك عندي اصلا
خديجة.. عندك وعند مرتك فلوس تغطي عين الشمس
وسيم.. انتي قلتيها تغطي عين الشمس متغطيش مصاريفك والدوران ف كل الاسواق، رد بالك مزال تتكلمي معاي هكي ننهيك ومحد يحزك مني😒
خديجة.. حوش نكد
وسيم.. مش عاجبك تعرفي الباب وبري ف حالك مش حنموتو لو فارقناك
خديجة.. كملو ماكلة بروحكم، وناضت
نيرز.. كان خليتها تكمل ماكلة
وائل.. الدنيا متببش طيبتك راه خليها متبيش حرة مفي حد غصب عليها
سالم.. مفهمتش وين تحط فيهم الفلوس فلست بيا ومعرفت شي
وسيم.. خلاص فوتها ومعاش تعطيها شن الدلال هذا انت اللي فتحت عينها
سالم.. اي والله ياولدي عندك الحق
وائل.. هيا اني طالع وقت ع الخدمة
نيرز..كمل كول وبرا
وائل.. كليت يسلمو، وطلع
نيرز.. هيا عمي خود دواك الثاني وارقد شويا للعصر
سالم.. ربي يسعدك ان شاء الله
نيرز.. وسيم نجيبلك شي
وسيم.. لا تو نساعدك
خشيت المطبخ وكان من عادة وسيم انه يساعدني ف شغل الحوش ف المطبخ يعني كان معاي ف كل خطوة
كملت ركبت الماعين الحوش وجيت ع السرير بتعب
وسيم.. خيرك
نيرز.. تلفتت جهته... ياريت لو امهاتنا قاعدين ومماتوش
وسيم.. شن فكرك
نيرز.. لو امي قاعدة راهو مرات نمشي ونفضفضلها ونحكيلها ولو امك قاعدة نفس الشي حتكون زي امي ونساعدو بعض
وسيم.. هك ربي رايد
نيرز.. بس عادي يعني نتأقلمو ومرت بوك سيورها تهدا ومعاش تحاربكم
وسيم.. ع اساس هدت مرت بوك معاش تحارب فيك، هو وانتي عندي كان تلقي تقتلك
نيرز.. وسيم عادي نسألك
وسيم.. اسألي
نيرز.. انت علاش تزوجتني يمكن هالسؤال وقته فات بس خاطري نعرف
وسيم.. مفيش سبب معين انتي صغيرة يمكن حسيت انك حتفهمي عليا
نيرز.. بس ديما نحس انه انت تزوجتني ساخف عليا من معاملة مرت بوي وخواتي
وسيم.. معاش تفكري هكي صح محبيتكش من لما تزوجتك بس توا حاليا انتي حياتي وعيلتي وكل شي.
نيرز.. ميجيش يوم وتندم انك خديتني
وسيم.. علاش بنندم
نيرز.. منعرفش بس مرات تندم
وسيم.. خيرك اليوم شن صاير تسألي هلبا
نيرز.. عادي كل يوم نسأل اني
وسيم.. تعالي ارقدي شويا تعبتي هلبا اليوم ملحقة ع الأسئلة
نيرز.. سكتني زي كل مرة
وسيم.. منعرفش علاش هالبنت خصوصا نحس تجاها ف شي مش مفهوم مع انه فيه مليون بنت كانت ف حياتي بس هي فيها شي مميز مختلف، يمكن لانها صغيرة وعاشت معاي وكنت نخاف علاها هلبا وشبه عشت معاها كل شي ف حياتها اي اي اكيد هكي اني منحبش اصلا معنديش قلب يحب قلبي مات من زمان لكن هادي مرتي وبس معاش حنفكر اكتر يلا خلي نرقد
وغمض عيونه ومشي ف نوم عميق
يتبع....
أنت تقرأ
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
