#نزوة_دائمة
روااااايات ايوتة 😍😍😍
الحلقة الثانية عشر
نيرز.. شن هالصوت اللي برا اكيد لقاني😭
احلام.. اسسس متبكيش تو نشوف
نيرز.. نموت كان ياخد ولدي مني 😥
طلعت واني قعدت واقفة ف الحديقة وخشت
احلام.. متخافيش فيه مشكلة صارت برا بين الجيران ونحلت
نيرز.. خفت بجديات
احلام.. متخافيش واني معاك
فات اسبوع واني عندهم يعاملو فيا احسن معاملة مريحيني محسسيني ان بجد بنتهم وخديت راحتي معاهم هلباااااا
وسيم ومني بيهبلو كيف ملقوش اي اثر يدلهم بس ف نفس الوقت مش عارفين شن يديرو
مني.. اتصلي بيها انتي
وصال.. ع شن بنتصل ترا من غير عبط ع اساس بترد عليا ولابتخلي هاتفها مفتوح
مني.. نموت ونعرف كيف قدرت تهرب هكي واصلا هي تخاف من كل شي
وصال.. خليها ف حالها مش تبي وسيم اهو بدي ليك
مني.. من جدك يعني، حنحرق قلبها وحناخد ولدها
وصال.. حسيبك الله ع اللي اديري فيه
مني.. هه ع اساس انتي ملائكة يعني😒
اما اني ف قررت ان نرفع قضية طلاق
نيرز.. حمزة عادي نكلمك
حمزة.. اكيد قولي❤️
نيرز.. نبي نرفع قضية طلاق خلاص معاش قادرة
حمزة.. شن اللي يخليك متأكدة ان هو حيطلق
نيرز.. لو هوا مطلقش حنطلق اني منه ويدبر راسه
حمزة.. به عادي
نيرز.. وولدي؟؟
حمزة.. حنهليك تاخدي الحضانة انتي وهوا ميقدر يديرلك شي
نيرز.. بجديات نقدر نخلي ولدي معاي
حمزة.. اكيد تقدري تاخديه اصلا الحضانة للأم دائما وانتي مفيش اي مانع انك تاخديها
نيرز.. تعرف مش عارفة كيف نشكرك لولاك مكنتش حندير شي❤️
حمزة.. بالعكس ولايهمك اني ف الخدمة
فرحانة ان حناخد ولدي ونفتك من وسيم ومرته خلاص حنعيش حياتي ع خاطر نفسي مش ع خاطر نرضي اي حد
فات يوم وبعدها بدي حمزة ف إجراءات الطلاق ووصلو المحكمة وجي استدعاء ل وسيم من المحكمة
مني.. شن هذا شن داير
وسيم.. وين نعرف
مني.. برا وشوف شن صاير
جي موعد المحكمة لبست وطلعت ومشت معاي احلام، قداش حنينة وطيبة معاي طيبة ام ف بنتها
وصلنا المحكمة واني بنموت من الخوف مشفتش وسيم خشينا المحاكمة وخش وسيم عيونه هك😲
بدي القاضي ف الكلام وحمزة نفس الشي ساعدني هلباااا
طبعا جت معاه مني كيف يفوتها شي زي هذا
القاضي.. ليك الاحقية ف انك ادير محامي وادافع عن نفسك ف الجلسة الجاية
وسيم.. بس الولد نبيه
القاضي.. الحضانة شرعا للأم
وسيم.. الام صغيرة وطايشة
حمزة.. مليكش الحق ف اتهامها هكي، هي بلغت السن القانونية ومهيش قاصر لذلك يحقلها تربية ابنها
القاضي.. صحيح واني منشوفش ف مانع ان يقعد عندها بحكم هي بالغة وليك حق الزيارة فقط لو اطلقت
تمت الجلسة ويشوفلي ب حقد وكره عمره مشفته ف عيونه قبل، طلعنا من الباب الخلفي باش ميشوفنيش وميجيبش مكاني وروحنا
احلام.. شن هذا اللي واخدتيه
نيرز.. الظلم شن يدير، الله لاتسامحهم كلهم
احلام.. خلاص توا حتتطلقي وتعيشي حياتك زي ماتبي
نيرز.. حمزة شكرا لانك معاي والله مش عارفة شن كنت حندير لو مطلعتوش ف حياتي
حمزة.. متحكيش هك حنجيبلك حقك منه واضح قداش حقير بس حنوريه مع من يلعب
احلام.. ربي يحفظك ياولدي
اما عند حوش وسيم
سالم.. طلبت الطلاق😨
وسيم.. طلباته الواطية
سالم.. انت الواطي مش هي، احسن هربت منك ومن همك
وسيم.. وكان نقتلها منخلي ولدي بعيد عليا
سالم.. نيرز حتتطلق منك وانت عينك تشوف وحيجيك يوم تتحسر علي فراقها
وسيم.. فراق وحدة تافهة ميخلينيش نتحسر تمشي وين متحب اما الولد ولدي
سالم.. نوض نوض للهانم متاعك اقرفتني معاش عرفتك
وسيم.. احسن معاش يعرفني حد😒
جت الجلسة الثانية كنت متأملة خير هلبااااا ان حناخد حقي منه وحنكون حرة
حمزة.. نيرز حتحكي كل شي للقاضي زي محكيتيلي من غير توتر من غير خوف
نيرز.. بنموت من الخوف اني😖
حمزة.. لالالا منبوش نخافو كان هذا اللي وصلناله هذا كله يمشي ف الهوا، القاضي حيقول مغصوبة لو انتي توترتي وخفتي
نيرز.. به اوك
حمزة.. رد بالك تخافي من انه يديرلك شي اني معاك وامي معاك محد يقدر يلمسك
نيرز.. تمام تمام
احلام.. سلم بنتي خلي اليوم نكملو القصة وترتاحي
حمزة.. اني حنخش شويا وحنادي عليك القاضي تمام
خش حمزة وجو بعده وسيم ومني شادة ف ايده ع اساس حتقهرني
خش المحامي متاعه ونادو علينا
بدي القاضي يسمع ف وسيم ف البداية بعدها طلب نحكي اني توترت ف البداية بس بعدين شديت روحي وقويت نفسي وبديت نتكلم عن كل شي
محامي وسيم.. هذا كل شي عندنا وعندهم ارجو النطق بالحكم
حمزة.. عندي شاهد اخير وحاب انه يدخل
القاضي.. تفضل
نيرز.. بصوت واطي... شن ادير من اللي بيشهد
حمزة.. خليك واثقة فيا
وقفت نستنا من حيخش ومن الشاهد هذا وهل حيغير مسار قضيتي أو لا
عند سالم وخديجة
سالم.. هالبنت قداش تحملت وعانت معاه مش عارف خيرهم
خديجة.. ربي يهديه من لما تزوج تغير
رانيا.. لو نيرز مطلقتش حيعيشها ف جحيم
سالم.. مدامني حي حفيدي وامه مستحيل تصيرلهم حاجة
خديجة.. قلبي يتقطع عليها ع قد متحملت ملقت شي
سالم.. يلااا اكيد وسيم حيجي ويقول شن صار
رانيا.. ربي معاهم
اما احني استنينا لين نفتح الباب بشوية قمت راسي ونصدمت من خش
لالالالا مستحيل معقول حيشهد معاي مش ضدي كيييييف
يتبع....
تفاااعلو
أنت تقرأ
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
