نزوة دائمة 🔥 ( روايات ليبية )

حلقة 3🔥

#نزوة_دائمة

روااااايات ايوتة 😍😍😍

الحلقة الثالثة
مر الوقت وفات اليوم عادي ومصارش فيه اي جديد، الصبح زي العادة طلع وسيم للمستشفى وخش المكتب متاعه وقعمز
مني.. صباحووو
وسيم.. صبح راه
مني.. خيرك مش طايق مني حرف قداش ليك يوم هكي
وسيم.. بالله عليك سيبيني ف حالي
مني.. معقول هديكا الفرخة هي اللي تغيرك عليا
وسيم.. افهمي مرتي اللي تحكي عليها رد بالك تغلطي ف الكلام مرة تانية😒
مني.. انت قتلي حنتزوجها ع الورق ومش حنمسها وحناخدك انتي بعدها شن تغير😔
وسيم.. اللي تغير ان وقتها مكنتش شايف ولاعارف وين مصلحتي بس توا عرفتها ومصلحتي مع نيرز وبس
مني.. مش حرام عليك تخسر روحك قصدي شوف شكلك اناقتك ولبسك وشوف مرتك اللي معمرها حطت مكياج ف وجها وديما هي مريضة 😏
وسيم.. راضي بيها المهم شريفة واشرف من الشرف نفسه مرتي هادي مش زيك متاحة للكل😊
مني.. كلام جديد هذا ياوسيم معمري سمعته🤨
وسيم.. تعودي تسمعي ومن توا معاش تجي ف طريقي ساد مجاني منك
اما هي طلعت متنرفزة وهي تتوعد فيه ان يندم ع انه سيبها وتزوج
خش وسيم العمليات وكمل كل شغله بدل حوايجه وطلع للحوش
وسيم.. سلام
سالم.. وعليكم السلام، مروح بكري
وسيم.. اي كملت خدمتي بكري روحت
سالم.. باهي ربي معاك
اما خديجة كانت ف المطبخ مقعمزة واني نطيب وهي تتأمر نرفزتني بس محكيت شي
خديجة.. بصوت عالي... شن هذا اللي مطيبتيه اه توا اني مقتلكش ديريه شن تسكري ف راسك
نيرز.. والله لا بس وائل قداش يوم يقولي نبيها وعدته نديرها اليوم😥
خديجة.. شن دخلي ف وائل الهم اني والله نوريك ياصايعة😠
وسيم.. خش للمطبخ... هي انتي شن قلتي😡😡😡
خديجة.. مرتك هادي تبيلها رباية من جديد تتعلم كيف تكسر كلمتي هالكلبة
وسيم.. اسحبي كلامك توا والا ميصيرش طيب
خديجة.. شن بديرلي شن تقدر ادير
وسيم.. اقسم بالله كان نقتلك حتا بوي اهو واقف ميحز عليك وانتي عارفة
نيرز.. خلاص وسيم اهو درت الغدي نركبو حوشنا فكنا خلاص
وسيم.. اسحبي كلامك وتأسفيلها علي سفاهتك وقلة تربيتك
خديجة.. اني مش متربية ياولد السحارة
سالم.. بصوت حاد... حدك اهني رد بالك تفكري تتكلمي عليها هكي والله ندفنك ف ارضك
خديجة.. العيلة كلها يعرفو امه ساحراتك واخدة عقلك حتا بعد نتلفت وماتت
سالم.. لا جديات تبي تربية من جديد انتي
جبدها من شعرها وطلعها وطاح فيها ضرب عيطت عيطت بس مفي حد سمعها لين تعبت من العياط وفشلت
سالم.. هذا ربع حقك مزال مريتي شي اني اللي فتحتلك عيونك واني نعميهم
مشي وسيبها واني مصدومة سالم معمره حتا رفع صوته ف وجها توا ضربها شي غريب والله، جي وائل وصدمته مش اقل من صدمتني بس تغاضينا
وائل.. نيرز مزال الغدي
نيرز.. دقايق بس
وسيم.. نساعدك
نيرز.. اي ياريت طلع الصواني رتبهم ع الطاولة
وسيم.. به، حطيت الغدي وتغدو بس خديجة كانت تتوجع من كتر الضرب بس محد مشالها
قمت وغسلت الماعين وصوت تلفوني يرن
وسيم.. تلفونك يانيرز
نيرز.. شوفه منو مش فاضية اني
وسيم.. وصال صاحبتك
نيرز.. افتح عليها، الوو
وصال.. باهي تفكرتينا
نيرز.. والله مستاحشاتك
وصال.. وينك مختفية
نيرز.. قاعدة تعرفي الجو انتي
وصال.. تعالي يوم هدرزي عندي والله مكسدة
نيرز.. ان شاء الله خير تو نشوف
وصال.. باهي تم سلميلي ع وسيم
نيرز.. باهي سلامات، وصال صاحبتي من زمان وهي الوحيدة اللي معاي ومخلتنيش
نيرز.. مرت بوك وين
وسيم.. فوتيها وقعمزي
نيرز.. خلي تاكل شن بتقعد جيعانة
وسيم.. اهو المطبخ قدامها قعمزي يابنت
وائل.. نبي نتزوج اني
وسيم.. برا تزوج شن بدير
وائل.. تو بالله بنرفع معاي مرت بوي مثلا تحشمني ولا عماتي اللي لساناتهم كارثة
نيرز.. عادي يعني جيبهم وفهمهم شن يقولو من البداية
وائل.. ع اساس يعني بيسمعو كلامي، الحل اصلا ان نرفع خالتي وانتي بس وندير عرس بسيط بس ونفتكو
نيرز.. اي عادي حتا هكي كويس
رن تلفون وسيم.. الووو.. كويس.. لا ف الحوش.. باهي يستر ربي.. سلام، وصكر
وسيم.. مرت بوك هادي
نيرز.. شن تبي تاني
وسيم.. منعرفش تبيك، البسي خلي نرفعك
نيرز.. تمام منبيش نعطل
وسيم.. تم نستناك برا كملي واطلعي
ركبت الحوش ولبست ومشيت حوش بوي اللي ليا شهور ممشيتلاش
زهرة.. باهي اللي شفنا وجهك
نيرز.. نعم ياخالتي اهو جيتك
زهرة.. قعمزي شن واقفة
نيرز.. مرتاحة هكي وسيم برا يستنا
زهرة.. قوليله يمشي
نيرز.. اختصري خالتي شن تبي
زهرة.. بنجدد الحوش نبي فلوس
نيرز.. اسحبي من المصرف
زهرة.. تتسهوكي انتي
نيرز.. شن المطلوب
زهرة.. الفلوس بأسمك انتي واسحبي وجيبيلي
نيرز.. اني معنديش وقت وتعرفي وسيم ميحبش ان نطلع معندي كيف نجيبهم
زهرة.. هادي مش مشكلتي نبي الفلوس
نيرز.. ب ملل... قداش تبي
زهرة.. 10 آلاف
نيرز.. بتتزوجي بيهم هادم ولاكيف
زهرة.. منستشيرش فيك غدوا يوصلوني
نيرز.. اني ف نظر القانون مراهقة مش حيخلوني نسحب مبلغ زي هذا، ريحيني ومعاش تتصلي لابيا ولاب وسيم ياسر
زهرة.. اطولي ف لسانك عليا
نيرز.. ردي بالك راه اي حاجة غلط اديريها تتحاسبي معنديش مشكلة نوقفك قدام المحكمة ونخليك تتأسفي غصب عنك
زهرة.. شن اللي غيرك مكنتيش هك
نيرز.. ان بدي عندي سند اللي هوا راجلي مش زي قبل كنت البنت اليتيمة اللي عافسة عليها لالا، حندير محامي يعطيك حقك من رزق بوي انتي وبناتك وانسيني احسن وامسحي رقمي
عدلت وشاحي وطلعت واني ف كامل قوتي هي هك تبي من الاول
القصة ان......

يتبع..