حب ❤️تحولت الي جنون🤪

الجزء الاول

يلا القصة تبدا لما محمد يدخل الثانوية خلاص ومعاهو شلة من أصدقائه اللي هم علموه انو يقابل بنات لانو محمد كان خجول وما بحب يتكلم مع البنات كتير فخلاص الموضوع كان جديد بالنسبة ليهو المهم مع مرور الزمن بدا يمش مع اصحابو ويقابلو البنات واحد من اقرب أصدقاءه كان اسمه صالح دا زولو شديد يعني زي الاخوان كدا ، المهم صالح كان عندو شلة تانية بمش معاهم بس محمد ما كان برتاح ليهم كتير والحاجة اللي بخلي صالح يمش مع الشلة التانية دي لانو كان في أربعة بنات صحبات وهم عندهم علاقة مع البنات ديل وكانو يمشو يقابلو سوا بس المشكلة هي انو صالح واصحابو كانو ثلاثة بس والبنات اربعة المهم صالح فكر في انو دا فرصة مناسبة انو يدخل صحبو محمد مع الشلة وفي نفس الوقت يستلم البت دي عشان لو عايزين يقابلو تاني يمشو الاربعة والبنات اربعة، المهم صالح جاء لي محمد و حكي ليهو الموضوع و محمد وافق طوالي بدون ما يتردد لانو كان سنغل و عايز يرتبط ، خلاص صالح ومحمد اتفقو انو يمشو يقابلو البت دي ومحمد يتقدم ليها ، بس كان في مشكلة واحدة و هي انو واحد من اصاحب صالح  في الشلة اسمه منذر(الاسم مستعار)كان معجب بالبت المحمد عايزو وهو في نفس الوقت مرتبط بي صحبتها اسمها وعد (الاسم مستعار) المهم هو ما لقي فرصة عشان يقدم ليها وكان منتظر فرصة مناسبة عشان يتقدم ليها ، المهم صالح كان مخطط انو يمشو هم الاتنين يعني هو ومحمد عشان يقابلو البت دي فخلاص صالح اتكلم مع حبيبتو اللي هي اسمها سمر (الاسم مستعار) انها تجئ ومعاها البت بس الامور ما مشت ذي ما مخطط ليها وصالح طلع مع الشلة مشوار تاني و سمر ما كانت عارفة المهم هي كلمت البت وساقت معاها صحباتها الاتنين التانيات ، لما وصلن المكان اللي من المفروض يتقابلو فيهو اتصلت سمر لي صالح قالت ليهو احنا في المحل وينكم انتو وصالح كان بعيد وما حيصل في الوقت والزمن حيتأخر المهم صالح اتصل لي محمد وقال ليهو امش لي وحدك وقابلهن واتقدم للبت ، محمد كان في البيت وما كان عارف انو اليوم هو يوم المقابلة المهم كان قلقان شديد وما عارف يعمل شنو بس المهم اتشجع وقال لازم اقابلها اليوم ، قال لي صالح وريني المكان ماشي ليهن ، اثناء ما صالح بتكلم مع محمد كان صحبو المعجب بالبنت ما عاجبو الموضوع وكان بحاول انو يخلي محمد ما يمش يقابلهن المهم كان القدر اقوي من ارادتو وصالح رسل لي محمد العنوان ومحمد جهز نفسو وطلع متردد وهو ما عارف يمش يقول شنو ، مشي لحدي ما وصل و المكان شافهن من بعيد.................... يتبع