أنا أضيع

'' مقتطف''

'' مشهد ''

_مثل كل يوم من تعبر الساعه ال١٢ بليل الناس العاديه بعضهم ينام بعضهم يراسل حبيبي بعضهم
يعانق الي يحبه وينام والبعض كاعد وحده يغوص بافكاره السوداويه والبعض يفكر شنو راح ينجز باچر إلا اني وره ساعه ب١٢ يجيني خوف وحسره من الأيام كل يوم اكعد واني حاطه ايدي ع گلبي خايفه من مستقبل مجهول مستقبل بي بس اني وحدي مستقبل خالي من اي شخص يسندني!!

_اسمع صوت ركع قوي بالأرض وصوت جدوره فزيت ع حيلي لتفت منا منا ادور لايت اضوي بي حته انزل بلعت ريكي انتظر سمعي يخطا وارجع انام بس الصوت تكرر انتفضت من مكاني وكمت ع حيلي شهل الصوت منو بالبيت؟!

_نزلت من الجرباية على كيف فتحت الباب غرفتي واتسنط ماكو صوت رجعت سديت الباب ع كيف وفتحته الضوه ساعه ب٤ اووو منو يكعد هيج وقت اهووو ميس انتي تهذين سويتها فلم هندي

_يمكن وليد سهران ويدخل للمطبخ ياكل رجعت لفراشي اريد اتمدد واسمع صوت واحد صرخ صرخه فزيت ع هل الصوت كمت من فراشي ارجف لا لا صار شي جوه فتحت الباب ونزلت على كيف باية باية جانت الدنيا ظلمة

_مديت ايدي وفتحت الگلوب وسعت عيوني من الصدمه جسمي كزبر من المنظر إلي شفته!!
رجلي بعد ما أكدر أشيلهن ما احس الا حركه وراي
حجه بصوت مستفز وناصي

_اششششش ولا كلمة صيري حبابة وصعدي لغرفتج يالة سباعية وانسي الي شفتي ياله حته نكمل شغلنا

يتبع....