'' انا اضيع ''
للكاتبة زهراء المياحي
=======((((=======
فاطمه:
_شنو شعورچ من يوجهون اصابعهم الچ ويحجون بامر "انتي بنيه الدراسه مو الچ الأحلام مو من حقچ"
_شنو شعورچ من اهلج يعيشون ع اذيتچ
_شنو شعورچ من اهلج الي هم من لحمج ودمج ما يساندوج؟
_شنو شعورج من عايشه باذيه و الحوليج يتشمتون بيج؟
انتي عوررة
انتي فاشلة
انتي وصخة
انتي مهملها
انتي مامسؤله
فلانه احسن منچ؟
ياريتچ ماصرتي!
ياريت جبت ولد مكانج ولا خلفتج!
_دخلت دوامه صراع وي نفسي ليش دائما اصابع الاتهام موجها الي الىٰ متىٰ حيبقون هيج ما يحترموني ويذلوني ليش لازم اتزوج حته احقق احلامي؟!
فاطمه: اعتبر بتسلسل عائلتي الابنيه الي قبل الاخير من ضمن 13 ولد وبنيه بين اخواني!
اهلي عدهم هل العدد من الأطفال ؟ شلون راح يهتمون بالباقي شلون يوزعون حنيتهم واهتمامهم بينا؟ حالتنا الماديه مجانت تسمح نولد بس نولدنا ع جهل وتخلف ؛ اسئل نفسي هذا السؤال دائما؛ يا فاطمه شكد حلو لو چنتي من ضمن عائله عدهم بس ولد وبنيه واهلج ينطوج باقي حنانهم بالتساوي!
_خواتي الاكبار تزوجن وجابن خلفن؛ واخواني نفس الحاله؛ بقيت ضمن ولدين وبنيه ممتزوجين لذالك المسؤليه صارت علي؛ اختي الاصغر مني متكدر تشتغل كل شيء... لذالك فاطمه صارت خدامه اهلها ؛ من احجي هيج وي اي شخص يضحك يگلي ليش الابنيه ما تعتبر خدامه عد اهلها؟!
مو عيب هل الحجي ؛ بس لا اني فعلا خدامه
الخدامه تتقاضى ع تعبها راتب معامله حسنه
_اني لازم اكعد ساعه سته صبح حته اخبز خبر حار الهم بعز نومي اكعد اجهز ريوگ ل23 نفر ع الاقل اهلي 15 من دون حسام ولد عمامي ولد اخواني ونسوان اخواني ؛ يساعدني بس مو كل وقت؛
صار المطبخ بالنسبه الي غرفه اربع وعشرين ساعه بيها ؛ ما يوم فارگت المطبخ ولو دقيقه صيف شته حر برد وهاي كلها لابسه الحجاب ما انزعه لان ولد عمي وگرايبنا يدخلون ف لازم اربع وعشرين ساعه محتشمه؛ واذا صارت مناسبه عدنا مفروض ارتاح؟
أبدا!!! اني الي لازم اشيل مسؤليه هل المناسبه واخدمهم اربع وعشرين ساعه...
_ملابس الحفلات اخواتي يجبولي اياهن حته لو طلعن قياس اكبر محلوات مو ع ذوقي مو مهم! مهم انتي تخدمين حته لو عرس اخواني خواتي؛ امي كاعده وي المعازيم تضحك وتفر بسوارتها الذهب بس واني؟! لاشي صرت اكره المناسبات اكثر من الأيام العاديه؛ بليل ما اكدر ارتاح لازم ادرس ولد اخواني اني ارفض؛ بس اذا رفضت انذل وانهان
_بصف السادس ابتدائي جنت كاعده اقره و بنت عمي عمرها تسع أشهر بعدها طفله صغيره تلعب يمي؛ اجتي امها خلتها يمي وگلتلي خمس دقايق خليها يمچ هسه أچي؛ رجعت اركز بدراستي وما اسمع الا واحد صرخ انطفت الكهرباء!
كمت ع حيلي ادور ع بنت عمي لگيتها واكعه بالكاع صايره خشبه شفايفها لون ازرگ وجسمها كله احمر وفاتحه عيونها متتحرگ!!
أنت تقرأ
أنا أضيع
Genç Kız Edebiyatı_اسمع صوت ركع قوي بالأرض وصوت جدوره فزيت ع حيلي لتفت منا منا ادور لايت اضوي بي حته انزل بلعت ريكي انتظر سمعي يخطا وارجع انام بس الصوت تكرر انتفضت من مكاني وكمت ع حيلي شهل الصوت منو بالبيت؟! _نزلت من الجرباية على كيف فتحت الباب غرفتي واتسنط ماكو صوت...
