أنا اضيع
الكاتبه زهراء المياحي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
_اسئل اي شخص عابر شنو اسوء لحظات مريت بيها او خايف تمر بيها... حيكون چوابهم هو فقدان الأم الكل خايف يفقد أمه واغلبهم فاقدينها ... ماكو شي بهل الحياه يعوض مكان الام ابداً وشكد حاولت ادخل ناس تملي فراغ فقدان امي مگدرت...
_سوء تحبها أو تگرها يبقه وجودها بحياتك فارق كلش جبير ...واني خسرت هذا الفارق
من نولدت هي جانت مريضه طوال ال 13 سنه الفاتت من عمري مگدرت تعلمني كلشي وتكعد يمي وتسولف...قليل كلش اكعد يمها وتسولفلي قصص
_باللحظه إلي عرفت بيها هي فارقت الحياه وتركتني حسيت فراغ موطبيعي بگلبي!
رحت لغرفتها اريد اگلها امي ماتت؟ حته تحلي هل المشكله بس استوعبت هي ماتت!
_ مبجيت ولافقدت الوعي ولاصرخت بقيت مصدمه بس! مصدمه من مستقبل مموجوده هي بي مصدمه من حياتي وين تريد توصل بعد؟
_اول وتالي جنت اعرف بيوم من الأيام راح اخسرها بس مو هسه اريد اكللها ع الطبخات الي تعلمتهم بغيابها بالمستشفى اريد اكللها ع زرعها الي تحبه اريد اشكيلها من صديقاتي و من اخواني من خوفي من حسام الي بس احجي وياه كلمتين يزمخ بيه...
_حسام جان كلش يحبني ويداريني ويدللني بس من كبرت وزادت حاله امي سوء كام يكرهني مثل فرات وليد! بس هو جبير عمره 19 المفروض يستوعب ميصير يكرهني واني مالي دخل! بس كرهني...
_كعدت ع الدرج شايله هم ابوي يحبها كلشش شلون 22 سنه وهو متزوجها شلون حيتحمل فراگها
وفعلا مكدر بدونها... التمت الناس بيتنا دخل ابوي مكسور الظهر شبكته عمتي وهي تبجي وتحاجي وهو كوه يحجي وياها عافها ودخل غرفته حبس روحه هناك ومقبل يطلع منها..
_حجيت بيني وبين نفسي ميس اذا نهاريتي ابوج حينهار واخوانج مو وكتها اصلا امج ماتت من يوم مانولدتي بس رب العالمين حبج وخلها الج 13 سنه تشبعين من شوفتها... كمت ع حيلي قوي نفسج ميس محد الج غير ربج... دخلت للمطبخ لگيت كاسات چاي وكلاصات مي جبت علاگه وكمت الملم الكاسات واذبهم واغسل قسم منهم انظف انظف للمغرب تعبت ونسوان تدخل وتطلع ناس تجي تبوسني وتبجي واني صافنه بيهم اسمع همسهم
_خطيه شوفي بنتها صغيره متفتهم حته مبجت ع امها وقسم يكول مصدمه لسه مابجت بعدين تنفجر ولسه يكولون ماشافت اي حنيه من امها ليش تبجي هي امها كله مريضه.... نسيت كل كلامهم كله ورحت اكمل شغلي ما احتاج شخص يجي يقيمني!! اني اعرف نفسي شنو؟
سهى: ميس حبيبتي ولج ابوج من البارحه لسه مماكل شي روحي شوفي موزين علي
ميس: هزيت راسي بتعب... عمه ميقبل ياكل أي شيء يگول بس خلوني انام حاولت وتوسلت بي مقبل
أنت تقرأ
أنا أضيع
Чиклит_اسمع صوت ركع قوي بالأرض وصوت جدوره فزيت ع حيلي لتفت منا منا ادور لايت اضوي بي حته انزل بلعت ريكي انتظر سمعي يخطا وارجع انام بس الصوت تكرر انتفضت من مكاني وكمت ع حيلي شهل الصوت منو بالبيت؟! _نزلت من الجرباية على كيف فتحت الباب غرفتي واتسنط ماكو صوت...
