أنا أضيع

البارت 6

'' انا اضيع''

للكاتبة زهراء المياحي

_-_-_-_-_-_-_-_-_-_-

_هو دخل للبيت اني دخلت وره رحت شربت مي وحطيت راسي على المخده مكدرت انام اكلب بفراشي بعدني بعز شبابي وعندي ارق

وليد: ولج ميسسسس كعدي صارررر الظهرررر ميسسسس

ميس: جنت نايمه وفززني صوت وليد هسة هذا هم يحتسب صبح ... كمت من فراشي نزلت صحت من الدرج شكوووو

وليد: لج اكوم هسة اسحلج من شعر راسج لج عليمن شكووووو

ميس: وليد تراا هاي مو حالة من الصبح تكعدني على هل الطريقة شنو اني خدامه عنددك ماعندك گلب؟

وليد: اكلي خرررا حقيره اني ما عندي گلب تعالي ارووووويج گلبي

حسام: وليدددددد

ميس: فزززني صوت حسام من زمخ بوليد... يمه حطيت ايدي على كلبي من الخوف مو صوت حسبالك يرعد رعد
نزلت جوه

حسام: صدك متستحون انتوا والله جهال مايفرق بينكم وبين الجهال شي

وليد: اريد اروح للشغل وهي نايمه اريد ريوك؟
وين الغلط بالموضوع

ميس: اي كول هشكل بطريقة حلوة اريد ريوك مو تصيح شنو اني الخدامة مالتك... اقترب مني وليد وضربني راجدي...عطت حطيت ايدي ع خدي باوعتله كام حسام جره من ايده ودفعه

حسام: صدك متستحي انت لك كلب حيوان تضربها كدامي شنو اني واكف هنا طرطور.... وانتي تعالي تقربي مني تععاااااالي

ميس: تقربت منه واني دموعي تصب حاطه ايدي على خدي قرب مني جررر اذني

حسام: صوتج بعد ميعلىٰ فتهمتي اني موجود حس ماسمع وتستاهلين لان تداهررين متسوين شغلج بسكته

ميس: والله العظيم لو يجي يوم القيامة بعد ريوك ماسوي الة وخل يجي بابا واني اعلمه واعلمك اااانت بالذاااات

وليد: اني اعلمج مو انتي

ميس: طلع وليد ورگع الباب وفرات يباوعلنا ساكت

حسام: ياله صعدي عمي اني اسوي الزقنبوت مو انتيييي خاااابصتنااا

ميس: صعدت فوك درت وجهي باوعتلهم هم يباوعولي برطمت وصعدت فوك ركعت الباب وكعدت على الجربايه امسح على خدي مايفيد وياهم التعب انوب يضربني هذا وذاك يرزل بية ويجرني من اذني وهذا واكف ساكت...دقايق وعاط حسام غلست عليهم

_طبهم مرض شعلية بيهم دخلت غسلت وجهي وطلعت اكل شي جعت نزلت جوه كمت اكح الدخان تارس المطبخ والطاوة سوده البيض محترك والحليب تارس الطباخ حتى واكع بالأرض نصه عطت من شفته هيج

ميس: هاي شنوووو ليش المطبخ مكلوب....اباوعله كاعد على الميز يشرب جكاررة ويهزز برجله

حسام: لان ست ميس اليوم معانده متقبل تسوي زقنبوت