أنا أضيع

البارت 20

'' انا اضيع''

للكاتبة زهراء المياحي

~^~^~^~^~^~^~^~^~

ميس: اذن اذان الفجر؛ سبحت وصليت؛ كعدت ضايجه معندي شي؛ سويت ماسك لوجهي ومگدرت انام ؛ نزلت سويت غده من وگت وسويتلهم ريوگ طلعو من البيت رجعت تمددت بفراشي؛ اسمع صوت الباب البره؛ غطيت وجهي ونمت ؛ دقايق ونفتح باب غرفتي ع گيف؛ حط مفاتيحه وتلفونه ع الميز غمضت عيوني هو صعد ع الجربايه وتمدد يمي؛ ثواني فتح تلفونه گعد يگلب بي؛ ورجع سده قرب مني حط ايده ع خصري

_فتحت عيوني شوي اشوفه كاعد لو نام؛ شفته مغمض عيونه؛ ريحته وصلتني؛ انفاسه ضربت وجهي اخذت نفس؛ حجيت بهدوء؛ صدك حتعرس؟

حسام: اي

ميس: ليش؟

حسام: احسن

ميس: واني؟

حسام: تعبان اريد انام

ميس: ليش تجيني تعبان ونعسان؟

حسام: لان اسهر وما انام ومايجيني نوم

ميس: وهنا ترتاح وتجي تنام؛ هو مغمض عيونه ويحجي

حسام: اي

ميس: اذا تزوجت طلگني؛ فتح عيونه باوعلي

حسام: العصر اخذج

ميس: عگدت حواجبي؛ وين؟

حسام: فاطمه وحلا يردوج

ميس: هممم

حسام: اي

ميس: اي!

حسام: وين رايحه تعالي

ميس: اكمل شغلي

حسام: شوي ابقي

ميس: لا

حسام: بكيفج

ميس: اي

حسام: شعرج ريحته حلوه

ميس: اي سبحت

حسام: ماسويلج شي بس تعاي نامي

ميس: قربت منه وباوعت بعيونه؛ ليش؟

حسام: هيج

ميس: راح تبقه تجاوبني بحرف ثنين؟

حسام: ههههههه

ميس: شبيك تضحك؟

حسام: تذكرت موقف من جنه صغار

ميس: الي هو؟

حسام: تعاي نامي اسولفلج اياه

ميس: قربت هو مد ايده نمت ع ايده حاوط بايده الثانيه ع خصري وسحبني اله؛ يحجي وهو مبتسم

حسام: مره من المرات؛ تعارگتي وي وليد؛ طبعا انتي وليد قصتكم قصه؛ توقعت من تكبرون واحد يكتل الثاني؛ المهم؛ هو مره عاند وياج ماينطيج الحلويات الي جابها ابوج الج؛ رحتي بيدج الطاوه وتركضين وره تردين تبسطينا؛ وهو يشرد وانتي تركضين بعدين عجبج الوضع كمتي تضحكين وتصيحين علي؛ اني هنا دخلت العب وياكم بس من شفتيني؛ ركضتي علي ؛ حسام حسام تعال اكتل وليد اخذ حلوياتي؛ ونفجرتي تبجين اني صفنت توج تضحكين؛ امج كلتلي هي من تشوفك تسوي نفسها بريئه وحبابه ومظلومه وتشگي كلشي الك حته تاخذ حقها وهي اصلا ماتحتاج احد ياخذ حققها بس هي تستند عليك