أنا أضيع

البارت 1

أنا أضيع

للكاتبة زهراء المياحي

~°~°~°~°~°~°~°~°~°~°~

ميس: دگت الساعه ب 12 ضبط يوم جديد اغلب إلي بالبيت نامو صعدت لغرفتي تمددت الفرق بيني وبينهم مايچيني نوم أفكر بالي مريت بي والي عشته وبالفات الماضي والحاضر؟ والمستقبل!! لعل ألگه اهتمام حب فقدتهم واني بهل العمر وهنا تبلش معارك طاحنه بعقلي منو الي ينتصر! حقيقه الاهتمام الي ماحضيت بي لو حقيقه فقدان هل الكلمه من حياتي!!

_واتخيل اسوي مقابله وي غيري وأسئله واشوف رده فعله!! مثل رده فعلي البارده لو راح يبلش يضوج ويبجي...

_شنو شعورك وانت نولدت بدون حنان وعطف وحب واهتمام امك!!

_شنو شعورك وانت تعيش وسط مجتمع ذكوري ميرحم!! ولا يبالي بچروحك!

_شنو شعورك والعادات والتقاليد تتحكم بيك وبمستقبلك وبقراراتك وحتىٰ بشخصيتك!!

_شنو شعورك وانت تبحث جاهد عن مفتاح لباب السعاده وتذكر باب سعادتك مكسور و مينفتح اصلاً

ميس: تچي هل الاسئله دائماً بالي وأريد شخص قوي مثلي يچاوب بدون ميبچي ويشكي.... لكل شخص منا قصه واني قصتي حقصها بأسلوب واقعي جداً...

كان يا ماكان
اغلبنا يعرف بدايه القصه الي تحوي جمله '' كان يا ما كان '' شنو نهايتها!! سعيده لان اهلنا امهاتنا اقاربنا هيچ عودونا ع قصص الأميرات قصص النهايات السعيده قصص مبيها خذلان ولاطغيان ولاخيانه ولا خيبات الأمل...

ميس: وامي كذالك هيچ عودتني بس الفرق متقصلي قصص اميرات چانت تسولفلي قصتها هي الاميره الي لگت فارس احلامها والي خاضت وياه اصعب الأيام والسنوات... وبكل مره ابتسم لان نهايتها سعيده بولادتنا بس هذا الشعور چان مؤقت...

_خلصت ترتيب البيت دخلت لغرفتها سديت الباب ع كيف من شافتني بتسمت كعدت يمها لازمه دبي انتظر منها قصه قبل النوم قبل لا تبلش القصه كامت تگح كمت طلعت علاجها وبطل المي ونطيتهم الها شربت تسع حبايات واخذت نفس وبتسمت الي بملامحها الدافيه رغم التعب الي بادي ع عيونها

_بس مصره تبتسم الي وتحسسني بأمان... كعدتني يمها وبلشت تحچيلي قصتها... شلون التقت بابوي وشلون حبها وإني بكل مره تقصها اسوي نفسي مستمعه جيده وبكل سطر تگوله اتفاجئ صدك هيج صار؟ اتغابه واحاول ابين الها اني نسيت القصه متعرف اني حافظتها عن ظهر غيب...

ميس: امي من كربله وابوي من بغداد جمعتهم الصدفه بمكان وحب من اول نظره وهذا حال
اغلب البشر بس واجهتهم مشاكل باختلاف مذاهبهم
وبالعراق اذا انت انسان قوي وعندك اراده ومستعد تواجه الموت!! تزوج من غير مذهبك هذا كله سابقاً
بوگت الناس عدها زواج المذاهب جريمه لا تغتفر!!

_وعانو مشاكل اهواي من رفض اهاليهم الهم بس بقوه حبهم كدروا يجتمعون واكيد اهل ابوي المعارضين رفضو رفض قاطع وخاصه جدي اتبرى منه مع ذالك ابوي مستسلم الهم وتزوج امي وهاي اكبر انتصار وفرحه بالنسبه الهم بس مرت السنوات وهما ع امل ينرزقون باولاد بس محالفهم الحظ ويوم عن يوم شهر وره شهر سنه وره سنه... سنتين ثلاثه اربعه خمسه.... محاولاتهم بأت بالفشل...