أنا أضيع

البارت 5

'' انا اضيع''

البارت 5

للكاتبة زهراء المياحي

>~>~>~>~>~>~>~

ميس: عمي راح للكهوه وابن عمتي خلود اصر يروح وياه فرحو ثنينهم وهناك صار انفجار لا اربعه الفجر عيونا ما شافت النوم عماتي يبجن ع عمي وعمتي خلود ملخت نفسها ع ابنها.... تمنيت ارجع للبيت اتخبل من اجواء الفاتحه اصلا مصار خمس سبع أشهر من مات ماما وبعدها اجواء الفاتحه تمر بعقلي هسه شلون واني اعيش اجواء ثانيه ؟؟؟

خلود: يموتتتت ابني واني اعيش اموت وراه والله اموت وراه يمهههه تعاااليلي ابني يمههههه راح يروح من ايدييي يمهههههه

ميس: اخذو عمتي وراحو للمستشفى ضلينا للصبح بس ندعي بلكت ولعل مصاير شي كعدو يدورون عليهم بالمستشفى والطب العدلي و لگو ابن عمتي عمره 16 سنه ... مبتوره ايده وجها بنفسجي مختنك وميت...
البيت كله نهار كعدو يدورون ع عمي

_واني!؟ مثل العاده مبجيت بقيت كاعده وساكته
وجهي شاحب صارت ثمانيه ونص الصبح البيت نترس ناس كاعده ع الدرج حاطه ايدي ع خدي دخل ابوي اشرلي رحتله وكفت هو وجها تعبان

احمد: قبل اذان الظهر ياخذج حسام للبيت رتاحي هناك بليل تعالي ماشي؟

ميس: هزيت راسي هو راح طلعت اباوع من شباك المطبخ الزلم بره حسام وفرات واكفين بالباب عفتهم ورحت كعدت صارت بتسعه ونص وگب العياط كمت اباوع منو اجه نصدمت عمي ؟؟
وجها كله كدمات وعينه منفوخه وايده مكسوره كاعد بالكاع يبجي يصيح صوجي اخذته وياي صووجي اخذته وياي اني كتلته اني من ايدي اني
اصرت علي اخذه اني الي موتته
عمتي خلود شبكته وتعيط
من شفتهم تخربط وضعي رحت لابوي وكفت يمه كوه احجي هو انتبه الي اشر لحسام قرب مني حسام

احمد: اخذها للبيت

حسام: تعالي

ميس: لزمني من ايدي واني راسي يفتر صعدت بالسياره كوه اجر النفس وصلنا للبيت
صعدت لغرفتي اسمع واحد يبجي عكدت حواجبي قربت من غرفه وليد نايم ع الجربايه وحاضن مخدته ويشهك يبجي مثل الطفل... قرب مني حسام سد الباب ع كيف همس يم أذني

حسام: عوفي لاتدخلين

ميس: باوعتله دموعي تصب... وليد جان صديق حمزه ابن عمتي المات...باوعلي برود

حسام: الله يرحمه

ميس: دك تلفونه هو اخذه ونزل جوه اسمع يحجي بنتر

حسام: ما اجي.... اي عندي فاتحه شتريد هسه ؟
خلي ولدك يشتغلون مو اني عندي شغل...

ميس: سد التلفون كعد يغلط عفته وصعدت لغرفتي غطيت وجهي وابجي... ليش لكل مكان اروحله يلحگه الموت مو كافي ؟؟ بعدني صغيره وهذا كله أتحمله ؟ شيصير بحياتي بعد والله تعبت!