كالعاده صحيت الصبح و يومي هيمشي هو هو من غير اي تغيير دخلت الحمام غسلت سناني و خدت شاور و لبست هدومي 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت لقيت مي جهزت الفطار انا عايشه مع صاحبتي في محافظه و اهلي في محافظه تانيه و السبب الاول كان جامعتي بعدها لقيت شغل فضلت هنا و اشتريت شقه انا و صاحبتي و قعدنا فيها هي ااه صغيره بس كفايه لينا احنا الاتنين ،، روحت قعدت علي الطربيزه مع مي
مي : رايحه فيين النهارده ؟؟ ندي : الطبيعي الشغل و من الشغل هشوف تقديم التمثيل في الاعلانات مي : انتي هتفضلي تدوري علي الموضوع ده كتير ندي : ااه انتي عارفه انها امنيتي مي : ايه رأيك في عرض مناسب جددا ليكي ندي : قولي مي : صاحب قناة ***** المفروض كنت هروح اعمل مقابله معاه للجريده و انا مليش مزاج تروحي مكاني يمكن يشوفك و يعجبو طريقتك و تشتغلي في القناه عندوو ندي : انتي عبيطه !! واحده رايحه بس هتسألو شوية اسأله فاجأه هيشغلها عندو مي : جربي مش هتخساري اي حاجه ندي : المفروض الساعه كام ؟؟ مي : الساعة 12 بالظبط ندي : ده قبل الشغل كمان ،، طب تمام عرفيني الاسئله انا هرووح
راحت مي جابت ورقه و قلم و كتبت كل الاسئله الي عايزه تعرف اجابتها من صاحب القناه و عرفتني العنوان و نزلت معرفش ليه حاسه اني متحمسه للفكره بس ممكن تطلع كويسه ممكن حتي لو فشلت بس هيبقا اسمها تجربه ،، ركبت تاكس و قولتلو العنوان و طول الطريق بفكر هتكلم ازاي و هدخل اسلم ازاي لازم افكر في كل حاجه مش عايزه يكون شكلي قدامو غبي حتي لو الفكره جت بفشل بس حتي يكون شكلي مش وحش قدامو ،، التاكس دفعت و نزلت لقيت الشركه كبيره جدا و شكلها قمة في الفخامه يعني دخلت و اول مكتب لقيتو روحت للبنت الي كانت موجوده عليه
ندي : صباح الخير ،، كان في مقابله ليا مع استاذ صبحي صاحب القناة السكرتيره : حضرتك استاذه مي ؟؟ ندي : ااه انا السكرتيره : طب اتفضلي معايا
السكرتيره مشيت و انا ماشيه وراها لحد م وصلت لباب كبير ده اكيد باب المكتب فتحتو و قالتلي اتفضلي شكرتها و دخلت كان راجل كبير شافني وقف و قالي اتفضلي دخلت سلمت عليه و قعدت
