... لوحة الضياع..
... البارت الاول ...
زينب علي ..
الاب نعمة و شي عظيم
الاب سند و خيمة نحتمي بيها
الام هي الگلب الحنون الي بعمره ما يحقد .. الام هي نعيم هالدنيا
و احنه بدون الاهل شموع طافيه بوسط العتمة
ورقة يابسة توكع منبوذة و وحيدة ..
* زهراء
عقلي راح ينفجر .. كمية المعلومات الي جاي تداهمني ولازم احفظها هواي
اريد ابجي باقيلي وقت قليل و اني احس راح افقد السيطرة .. السبلت يذب برودته عليه بهالجو الحار
سادس و لعبان نفس ، سؤال ما عرفتله طلعت من غرفتي لغرفة اختي جانت مطشرة كتبها و ملازمها وتدرس بتركيز شبيه اني راح ابجي جا !
كلت بصوت ضعيف : رياام
اشرت اليه اطلع .. دكيت رجلي بالكاع : معليه فهميني هالسؤال تعاي ..
رفعت راسها و نزعت نظارتها نظراتها حادة ، هي انعكاس اليه ، هي توأمي الي بعمري ما حسيتها تحبني ، رفعتلي حاجبها مستنكره وكفتي
- دلوعة البيت امشي من يمي لا اذب ضيمي بيج روحي درسي نفس الاساتذه ونفس الخصوصي دخلنه انجبي و درسي وحددج
دمعت عيني : اني اختج ما مفتهمه حرام علييج
عاطت : روحييييي مني زهراااء
فزيت درت وجهي بأسى لكيت بابا واكف بالباب يباوعلها بعتب ركضت لحضنه ضمني لصدره .. اني ضعيفة دوم يكلولي هالشي على ابسط الامور ابجي
- اشش زهرتي انتي ليش البجي امج وين ؟
- بابا امي لهسه ما اجت من الدوام ، و تجيب وياها امير من بيت عمو
باس راسي : روحي بالصالة ابدل ملابسي واجيج ..
هزيت راسي طلعت اسمعه يعيط على ريام ، ما اكدر اتدخل تقهرني بتصرفاتها اعداء احنه لو شنو ؟ يجمعنه دم واحد شلون هيج تعاملني واحنه طلعنه سوه
اجاني بابا نشف ايديه وكعد بصفي يشرحلي رغم بابا دكتور بكلية الصيدلة .. وحتى لو ما يفهم لازم يدرسني .. اني شوي ما استوعب بسرعة ريام اعاني من هالشي ، باجر امتحاني و الخوف كتلني ، كل الي افكر بي شلون ارفع راس ابويه ما اريده ينزل ولا اريده يضوج
خلصنه الماده سوه للعصر ابتسملي : شبيج خايفه وانتي هيج مسيطرة ، زهرتي شطورة وترفع راسي
نزلت راسي : بابا ريام ليش تكرهني ؟
صفن بوجهي ، هو محد يعرف السبب علاقتها ويه امير حلوه .. هو اصلاً طفل بس اني كلش تنفر مني المكان الي اني بي تعوفه .. بس الصف مجبورين نبقه سوه
أنت تقرأ
لوحة الضياع " باللهجة العراقية "
Romanceفي تلك اللحظة التي كنت اظنُ انني فقدت اغلى ما املك وان الحياة قد انتهت بالنسبة لي ظهر ذلك الفارس في مُخيلتي لينتشلني من الحزن الانثى كائن رقيق لا يُريد سوى الحب و الاهتمام كان كنسمة جميله تداعب روحي و تجعلها هادئة لكن يُقال ان الشقاء لا يزول سريعا...
