• لوحة الضياع •
• البارت الواحد والعشرون •
• زينب علي •
شو رَح يصِير بالدِّنيا لو مالَت الكُرة الأرضيِّة شوَي .. وصِرنا جيرَان؟💛
• ريان •
ابويه خيرني بأصعب شي ، خلاني بموقف لا احسد علي .. ابويه الي هو صديقي جبرني ارتبط بصفا لغاية ما اعرفها دوم يكلي شاك بشي ولازم اعرف صحته
و فعلاً اعرف امي اتصلت بريام من موبايلي ، دموعها و خيبتها من سمعت بالخبر كسرت كلبي هاي اني فوك الاربع اشهر مستمر بجذبه ما ادري شوكت اخلصها
بيوم انصدمت بمحمد داخل ، عطت
- انت شتسوييي بالبيت !!!
محمد : الي اشتكت نفسها الي شالت شكوتها حتى تعرف شكد جذابه
ضحكت : محد جذاب بينه وحقير غيرك
كال ابويه : رييااااان للمكتب فوراً
باوعتله بسخرية ، رغم كل شي احسه ما يفرط بي لمحمد .. دخل وره شويه جنت مغتاظ على الي صار كعد يمي بعد ماقفل الباب
كال : اخوك بذاك الوكت سوه الي سواه بتعليمات امك ، محد دمر هالعائلة غيرها بس اريد اعرف الايد اليمين الي ساعدتها اني خليتك ترتبط بصفا حتى امك تأمن بيك وشوي تحجيلك .. لا عبالك ما انقهر من اشوفك مهموم ولازم موبايلك بدك تتصل
و همين انقهر من اروح واشوف دمعتها وصفنتها والله اني مو ضدكم بس اريد أأمن الكم حياة احسن من الي عايشيها هسه ، اخوك ماعرفت اربي ابن امه عينه زايغة
ريان : يابه ليش تكرههم هيج اريد اعرف ماعدت ابن العشر سنين اني طكيت التلاثين من حقي ..
دمعة لالت بين عيونه كال بغصة : علاء جان الروح و النفس اليه ، كلش ماعندي اخ وحيد اهلي فاكثر وقتي ويه علاء و رائد ببيت اهلهم هذا .. كبرنه و حبينه نفس البنية جانت كرايبهم من بعيد باليوم الي ردت احجيله مشاعري تجاهها صدمني بحبه الها .. اني هنا ما كدرت افرط بصديقي علمود بنية اعرفه جان حيسوي بالمثل سكتت و اني جهزت ويا لعرسهم و زفتهم ، اني هم جان لازم اشوف حياتي فأمهم الحجيه الله يرحمها اختارتلي امكم الي ربتلي عله على كد حقدها وكرهها مره غلطت وحجيت لرائد سمعتني ورغم يشهد ربي اعتبرتها زوجة اخويه بس شيقنعها
رفع راسه : تدري شكلتلي بيومها
محجيت بقيت صافن كمل : كالت الا اندمهم و اخليك تشوفهم شون يتعذبون
بوقتها ولدت محمد و وره عشر سنين ولدتك .. بس حقدها بقه .. زوجة علاء ما ولدت بسرعة جانوا طلاب وذاك وكت وراد يبني روحه وتالي جابو البنات ووره تلث سنين امير .. اني والله ماجنت اقصر ويه امكم بس كبرت وكبر حقدها وربت محمد وخلت عينه زايغة ماكدرت مالي سلطة علي لا ضرب يفيد لا اي شي .. اني صدمتني ريام من عرفت بي معتدي على زهراء الا شوي الحقير ودي اشطبه وامحي عبالها تكسرني هيج ماتدري دمرت روحها وابنها
أنت تقرأ
لوحة الضياع " باللهجة العراقية "
Romanceفي تلك اللحظة التي كنت اظنُ انني فقدت اغلى ما املك وان الحياة قد انتهت بالنسبة لي ظهر ذلك الفارس في مُخيلتي لينتشلني من الحزن الانثى كائن رقيق لا يُريد سوى الحب و الاهتمام كان كنسمة جميله تداعب روحي و تجعلها هادئة لكن يُقال ان الشقاء لا يزول سريعا...
