• لوحة الضياع •
• البارت الثالث •
• زينب علي •خذوا الناس على مواقفهم والا الكلام كلنا نقدر عليه.
* ريام
بلعت ريكي متوتره ، عرفت هذا صديق ليث اللح وابن الجيران .. يومين ردت انفضه من تفكيري ماكو احس صوته نغمة رنانه لكلبي
نفضت هالافكار من بالي وكفت كدام المراية زهراء نايمةحجيت ويه روحي ، انتي ريام الي بعمرها ما قبلت ترضخ لاحد ، انتي الي بعمرها ما فكرت ترتبط بأحد لا تخلين المشاعر هسه تجرفج وانتي ضايعة .. ضايعة بدون اهلج ، صح بين ناس تحبج بس مستحيل نفس الشعور محد يحس بداخلج بس زهراء
و مالج سند بهالدنيا بس هي و امير قوي كلبج و بطلي سوالف تعبانه ممنوع ترضخين لسلطة الحب وراج كليه وراج مسيرة ابوج تكمليهانمت بعد ما ذكرت روحي بهواي امور .. نمت واني حاضنه زهراء ، كلبي يدك بقوه لدرجة حسيتها راح تكعد وتستجوبني
من كعدت الصبح لكيت زهراء ماخذه دور عمة تطبخ لان راحت للشغل فركت عيوني
- بعد ايام اربعينيتهم ..
نزلت راسها: ما ناسية ريمي ما ناسيه
دمعت عيني ضربتها بخفة : لتكولين ريمي بس ابويه يحجي ومات هالدلع وياه .. زهراء اياج تعيديهزت راسها : شعجب محد حتى ليث !
- عمو بالشغل و عمه راحت تسير على اختها.. ليث تطبيق نسيتي
هزيت راسي تريكنه اني وياها امير نايم فوك صعدتله ما احب اخلي وحده وهو بعمر حساس هيج .. بس شافني ضم الموبايل باوعتله بشك- اموري شعندك حبيبي
- ماكو شي طلعي ريامتقدمت ، هو غريب من يوم رجعنه ، اجت زهراء : شصاير ؟؟
- اخوج مسوي مكسوره .. جان طايش مراهق وما اضمن الجاي عمره 15 و اصدقاء السوء هواي بحركه سريعة من زهراء سحبت الفون منه طلعت و اني وراها قفلنه الباب جان يصيح و يعيط ..
شهگة زهراء خلتني انسى اقسى علي .. باوعت للموبايل محادثات فشار ما ينلبس عليها ثوب ويه اصدقاءه .. صور بنات بوضعيات استغفر الله من العصبية كمت ما اشوف كدامي جسمي يرجف و دموعي تهل
كامت زهراء وهي معصبة فتحت الباب ضربته راشدي وكع بالكاع اني انصدمت عاطت
- حيوااااان كوم ادبسسسز .. وين تربية ماما الك ! وين دلال بابا شحرمك وهيج تطلع اعوج ، صخام بعينك امير هاي المحادثات شنو لك انت ماتخجل بكد الفصمة لا عبالك دخلت اعدادية وراح تلعب بكيفك
لا عبالك من ماتو اهلي محد يحاسبك والله والله والله وهاي تلث مرات لو اعرف اخليك تعفن بهالغرفة سمعة بابا ما اخليك توسخها
أنت تقرأ
لوحة الضياع " باللهجة العراقية "
Romanceفي تلك اللحظة التي كنت اظنُ انني فقدت اغلى ما املك وان الحياة قد انتهت بالنسبة لي ظهر ذلك الفارس في مُخيلتي لينتشلني من الحزن الانثى كائن رقيق لا يُريد سوى الحب و الاهتمام كان كنسمة جميله تداعب روحي و تجعلها هادئة لكن يُقال ان الشقاء لا يزول سريعا...