• لوحة الضياع •
• البارت الرابع و الثلاثون •
• زينب علي •
لم يُمسسني شيء اعمَق من رائحتكَ ابداً🖤♾
• حنين •
بيتنه ! اخيراً من سنين ما اعرف اني وين ، ضايعة بدون اهلي و احس اكو شي ناقص .. هسة لا باوعت لعمي بتردد اخاف يرفضني .. اخاف يكول امج ماكو ، اني عشت بهالبيت وقت قليل بس المدة الي سكنتها مليانه رعب
- يا ام حنين تعالي شوفي منو اجانه
باوعت لامير بحيره ، نظراتي تنتقل بينهم بخوف .. هنا اماني و هذاك مصدر الرعب اليه .. هذا الي اخذ امي مني و حرموني منها بلا وجع كلب
و امير الي لولاه يمكن اني ميته من زمان ..
- يمة بنتــي ..
هي حجتها و اني ركضت لحضنها .. بجيت بحضنها و اني اشم ريحتها حسيت نفسي دخلت للجنه ، جنت اكول مستحيل اشوفها بعد
كبرت و بقيت احتاج امي ، ما ادري شلون عشت هالسنين بدونها وبدون حنانها الي تغمرني بي رغم جبروت جدي
امير .. تذكرته لهسه واكف بره كمت ادور علي لحد ما وكعت عيني علي ، كلها اجتمعت .. كلها طلعت اصلاً من يومهم يحبون الفضايح ..
عيوني جانت تدوره لحد ما اجاني باس راسي
احس عيونه راح تنط ، اولاد عمامي كلهم بهالبيت ، لان هذا بيت جدي ..
حجيت : يمه امير ..
اجيت اكمل قاطعتني زوجة عمي : اي الي نقذج من الفضيحة
اجيت احجي رد امير قبلي : ما مقبوله منج .. حنين من يومها مستوره و ما اخذتها حتى اكسرها لو اعذبها .. لعلمج جانت يوميه تطلب تجي هنا بس ادري محد يريدها شسوي دموعها توكف بعيني
ابتسمت على حجاياته و دنكت راسي دك موبايله
- جاي سامر هسه مسافة الطريق
باوعتله باس خدي عزه ولا يستحي من احد كدام الكل بجييرهم و بصغيرهم
- رايح ؟
- اجيج بليل .. لازم اروح للشغل
وصلته للباب بعد خصلات شعري : بنيتي ديري بالج منهم
هزيت راسي .. راح و اني احس اخذ كلبي وياه رجعت لامي استغربت ما شفت جدي و كلهم لابسين اسود حجت
- يمه جدج مات قبل سنتين
حنين : الى رحمة الله
اني ما عندي اي شعور تجاه جدي فعادي .. شفت زوجة عمي ميته من امي .. عندي اخوان صغار ابتسمت حيل صار سنين بس اني ماعرفهم ..
جان يوم حلو امي راحت تطبخ اجت يمي زوجة عمي
- باعي البيت شلون صاير امج الكل بالكل وهي جانت مكفخة
باوعتلها ببرود : هي كسبتهم بطيبتها اشوف حتى اولادج ما يردونج
فعلاً ولد عمي كله على امي ما شفت واحد منهم راد شي من امه لعد شبيهم الكل جان ويايه حقير
ضربت راسي بخفة : هسه انتي هم تلعبين على الولد فلوس و جمال و بيت .. مثل امج حامت حامت وتالي هاي اخذت زوجي مني
أنت تقرأ
لوحة الضياع " باللهجة العراقية "
Romanceفي تلك اللحظة التي كنت اظنُ انني فقدت اغلى ما املك وان الحياة قد انتهت بالنسبة لي ظهر ذلك الفارس في مُخيلتي لينتشلني من الحزن الانثى كائن رقيق لا يُريد سوى الحب و الاهتمام كان كنسمة جميله تداعب روحي و تجعلها هادئة لكن يُقال ان الشقاء لا يزول سريعا...
