• لوحة الضياع •
• البارت الاخير •
• زينب علي •"أن يحبك بندباتك بعقدك بحروبك وبهزائمك وأن تتَّسع يده لأحلامك وذراعيه لروحك المُتوعكة ، أو لا يحب".
• زهراء •
للحظة حسيت طيف الموت يفتر ورانه .. للحظة حسيت اكو شخص ثاني راح يروح من هالدنيا وبعد ما نشوفه
صفنت من كال عمو رعد راح سكت و كلبي وكع بأيدي ما انسى مواقفه وياي .. ما انسى شكد انكسر من عرف منو قتل اهلي ، فعلاً رغم الغلط جان يحبها و الحب شي مو بيدنا ابد ..
كعد ليث كدامه فتح ازرار تيشيرته : يابه احجي شبيك شصاير ؟؟ شبي عمي
رائد : ولك ليييث عمكم سافر ، عاف كل شي وره ظهره و سافرر
تنفست الصعداء .. يسافر احسن مما يفارق الدنيا ، كعدت على القنفة و جسمي يرجف
ليث : شنو ليش سافر شصاير ؟؟ضرب على رجله و كال بحسره : ما ادري خابرني كلي اني سافرت ومالي نيه ارجـع ، ولك راح وعافني محد جان باقيلنه بس هو
زهراء : يا عمو هسه يسافر ويرتاح احسن مما يروح وبعد ما يرجع .. لا تنسى كل شي هنا يأذي خلي يروحباوعلي من لا جاره ما حجه شي .. خطيه كلش مأثره بي السالفة
سكت ما حجه رجعنه للغرفه كل واحد رجع لداره الهبطة جانت قويه كل ظني اكو شـي .. نمت بتعب حسيت بي من جرني لحضنه بست ايدهزهراء : تصبح على خير ..
- و انتي خيـري••••••••
• سرى •
اختنكت بالبجـي ، من رجعت للبيت اول مره احس نفسي بنيه و اليه مشاعر بهالحياة الي خلصتها كله تكفخ بيه ، من احمد من ابويه لحد ما امي تزوجت عمو مهدي .. هالبيت حسيته طوق نجاة الي
كملت دراستي هنا بس ليش طلع اسامه بدربي ، هنا لازم تندفن المطلقة و الارملة ، حتى لو جانت مظلومةالايام الي مرت و امتحاناتي ردت المحه بس ماكو ، ماجنت اشوف اسامة ابد .. جان اخر امتحان اليه ردت بس اشوفه عاد لمرة وحده ماكو .. عاقبني بقسوة هو مثل غيره رجعت اخذت حبوب منومه و نمت ما ردت احـس بشي بعد اني مو لاسامة ولا بعمري راح اكون اله
كعدت على صوت هدى فركت عيوني الي حسيتهم مورمات مدري من البجي مدري من التعب- وللج كومي اكو خطابة الج جوه ..
صفنت بوجهها و نزلت كعدنه اني وياها على الدرج . هاي ريام ! هاي زوجة عمها واختها حسيت كلبي ينبض نزلت دموعي من جديـد خليت وصعدت فووك ..
ظليت افتـر بالغرفة رايحه جايـة لحد ما دخلت عليه امي .. بوقتها اخذتني الرجفة ، حسيت اني مو من حقي اعيش و اتونس ، هواي امور جنت حارمه روحي منها اولها الحب .. ابد ما توقعت بيوم ممكن ارتبظ
أنت تقرأ
لوحة الضياع " باللهجة العراقية "
Romanceفي تلك اللحظة التي كنت اظنُ انني فقدت اغلى ما املك وان الحياة قد انتهت بالنسبة لي ظهر ذلك الفارس في مُخيلتي لينتشلني من الحزن الانثى كائن رقيق لا يُريد سوى الحب و الاهتمام كان كنسمة جميله تداعب روحي و تجعلها هادئة لكن يُقال ان الشقاء لا يزول سريعا...