Mga Tulang Hindi Tula! (With Special Spoken Poetries)

Untitled

Hindi ko malilimutan ang sandali
Noong nagtama ang ating mga mata
Hindi mapakaling maulit muli
Kasama kang gumawa ng mga alaala

Ang oras ay tila napakabilis
Mga minuto'y tila ba nagmamadali
Unti-unti itong lumilipas
Hindi namalayang tapos na pala ang oras

Ang haplos ng iyong kamay ay may halong lambing
Tila ba apoy na nagpapatunaw sa lamig
Nais ko ulit ito mahawakan
Nais kong ako'y muli mong hagkan

Ang yakap mong nakakakalma ng damdamin
Kahit paulit-ulit pa kitang yakapin
Hindi magsasawa na ika'y hagkan
Pagkatapos ng isang kaguluhan na tila walang katapusan

Noo'y andaming kumakahol ngunit tila ba ako'y bingi
Tila ba para sa kanila'y estranghero ang aking katabi
Mahal kita at alam kong pagsubok lang ang nasa paligid
Walang papantay sayo kahit sino man ang umaligid

Minahal kita ng walang pamantayan
Wag mong ikumpara ang sarili mo sa iba bilang batayan
Hindi mo kailangang mainggit sa kung anong meron ang iba
Dahil ikaw lang ang mahal ko at wala ng iba