Royalty || Taekook[Trans]

2.

"သား"

သောက်နေတဲ့ခွက်ကိုစားပွဲပေါ်ပြန်ချရင်းဘုရင်ကြီးခေါ်လိုက်သည်..

သူနဲ့မျက်နှာချင်းဆိုင်မှာထိုင်နေတဲ့သူ့သားငယ်ကိုတစ်ချက် ဘုရင်မကြီးနဲ့သူ့သားကြီးကိုတစ်ချက်ကြည့်လိုက်ရင်း သူချထားတဲ့နောက်ဆုံး ဆုံးဖြတ်ချက်ကိုပြောဖို့သူဆုံးဖြတ်လိုက်သည်..

"ဒီလက်ထပ်တဲ့ခေါင်းစဉ်ကြီးက အဖေတို့အတွက် လွန်ခဲ့တဲ့နှစ်နှစ်လောက်တည်းကပင်ပန်းရတဲ့ခေါင်းစဉ်ကြီးဖြစ်နေခဲ့တာမင်းတို့လည်းအသိပဲ"

သူ့စကားအဆုံးမှာYoongiရဲ့ လှောင်ရီသံသဲ့သဲ့နှင့်Jungkookရဲ့အကြည့်စူးစူး..

"အခု စကားကဘယ်ကိုသွားနေပြန်ပြီလဲ"

သူသောက်နေတဲ့ဖန်ခွက်ကိုချရင်း ခပ်ပြတ်ပြတ်မေးလိုက်တဲ့Jungkook..

"ဒီခေါင်းစဉ်ကြီးကိုမပျင်းသေးဘူးလား စိတ်ပျက်စရာပဲ"

ဘုရင်မကြီးကတော့ဘာမှမပြောဘဲ ဒီတိုင်းထိုင်နေမိသည်..ဒီဟာကနေဘယ်ကိုခေါ်ဆောင်သွားမလဲဆိုတာသူသိပြီး အဲ့အခြေ‌အနေကိုလည်း သူတစ်စက်မှမကြိုက်ပေ..သူ့သားငယ်ကခေါင်းမာတဲ့ကောင်လေးဖြစ်တာကိုသိသည့်အလျောက် ဒီသတင်းကိုကြားတာနဲ့ချက်ချင်းပေါက်ကွဲသွားလိမ့်မည်ကိုသူသိနေပြီးသားဖြစ်သည်..

"ပျင်းသွားတာတော့မင်းပဲဖြစ်လိမ့်မယ် Jeon Jungkook"

ဘုရင်ကြီးကသူ့မျက်ခုံးတွေကိုကြုံ့ပြီးဒေါသစွန်းနေသောအသံဖြင့်ပြောလိုက်သည်..

"မင်းသားတစ်ယောက်အနေနဲ့မင်းလုပ်ရမယ့်တာဝန်တွေရှိသေးတယ်"

Jungkookတစ်ချက်တော့လှောင်ရီလိုက်သည်..ဒေါသကြောင့်သူ့လက်သီးတွေကိုသူတင်းတင်းဆုပ်ထားမိသည်..

"ဒီမှာကျွန်တော်ကအကြီးဆုံးမဟုတ်ဘူးဆိုတာမေ့နေပုံရတယ်..ကျွန်တော့်ကိုလက်ထပ်ဖို့ပဲအတင်းပြောနေတယ် Yoongiကကျွန်တော့်ထက် ငါးနှစ်ကြီးတာကိုမေ့နေပြန်ပြီလား"

"Yoongiကအနာဂတ်မှာဘုရင်ဖြစ်လာမယ့်လူမဟုတ်ဘူး!"

သူထိုင်နေတဲ့ခုံကိုခပ်ကြမ်းကြမ်းအနောက်ကိုတွန်းရင်း ဘုရင်ကြီးမတ်တပ်ထရပ်လိုက်သည်..