Royalty || Taekook[Trans]

11.

Jungkookသူ့ရှေ့တည့်တည့်မှာရှိတဲ့Taehyungဆီကို ခပ်မြန်မြန်သွားလိုက်သည်..ထိုကောင်လေးဆီကို သွားကိုသွားရမည်ဆိုတဲ့စိတ်ကဖြစ်နေတာကိုတားဆီးလို့မရပေ..

"Taehyung.."

သူ့ရှေ့ကကောင်လေးရဲ့မျက်လုံးတွေကိုစိုက်ကြည့်မိတော့အညိုရောင်မျက်ဝန်းတွေ..သူ့ရဲ့ရွှေအိုရောင်အသားအရည်နဲ့လိုက်ဖက်လှပြီး နတ်သားဆန်စွာလှပနေခဲ့တဲ့Taehyung..

"မင်းလာမယ်လို့မထင်ထားဘူး"

"အာ..အဆင်မပြေဘူးဆိုကျွန်တော်ပြန်လိုက်ပါ့မယ်"

မင်းသားရဲ့အကြည့်ကြောင့်ရှက်ကိုးရှက်ကန်းဖြစ်ကာ ‌Taehyungနေရခက်နေသည်..

Jungkookစိတ်ထဲကနေသူ့ပါးသူပြန်ရိုက်ချင်စိတ်ပေါက်သွားသည်..ရင်းနှီးတဲ့ပုံစံနဲ့စကားပြောချင်ခဲ့တာကို သူ့စကားဘာဖြစ်သွားမှန်းမသိ..

"အဲ့လိုသဘောပြောတာမဟုတ်ပါဘူး"

Jungkookသူ့စိတ်က ပြောစေချင်နေတဲ့အရာကိုဆက်မထိန်းထားနိုင်တော့..

"ငါနဲ့ကဖို့ အဆင်ပြေမလား"

Taehyungရုတ်တရက်ကြောင်သွားပြီးနှလုံးခုန်နှုန်းမြန်လာသည်..

"ဟင်?"

သူ့ရှေ့ကမင်းသားကိုမော့ကြည့်ရင်းကြောင်တောင်တောင်နဲ့သူမေးလိုက်သည်..

"ကျွန်တော် သဘောမပေါက်ဘူးဆရာ"

Jungkookလက်တွေကချွေးပြန်နေခဲ့ပြီး ဘာလို့ဒီလောက်စိတ်လှုပ်ရှားနေမှန်းသူ့ဟာသူတောင်မသိ..သူဒီလိုအစေခံတစ်ယောက်နဲ့စကားပြောနေတာကိုဝိုင်းကြည့်နေကြမှန်းသိပေမဲ့သူဂရုမစိုက်နိုင်..

"ငါနဲ့တူတူကဖို့ အဆင်ပြေမလား"

Jungkookနောက်တစ်ခေါက်ထပ်မေးလိုက်သည်..

"ပြီးတော့ ဆရာလို့ခေါ်စရာမလိုဘူးလို့ပြောထားတယ်မလား.."

သူ့အပေါ်မှာ Taehyungထားတဲ့ယဉ်ကျေးတဲ့အသုံးအနှုန်းကိုသူလုံးဝမကြိုက်ပေ..

Jungkookကတွေ့သမျှလူတွေဆီက သူ့ကိုရိုသေကြတဲ့အမူအရာကိုကြိုက်ပေမဲ့ ဒီကောင်လေးနဲ့ကတော့မတူပေ..သာမန်စကားရိုးရိုးလေးပဲသူပြောချင်သည်..