♥انتقام أراحني♥

♥المقدمة♥

#انتقام_اراحني
المقدمه

#اواه_لو_تدرين_عن_طعم_الحنين_والشوق_لا_منه_تكبر_ولا_افترا♡

ميرنامقعمزه تشوف في البخار كيف يطلع من طاسه القهوا اللي موجوده عالطاوله قدامي ابتسمت ابتسامه حزن لما ذكرت ذكريات محفورة في دماغي ليش اني اللي هكي صار معاها

#قبل_15سنه
ماما:ميرنا يا ميرنا
ميرنا:نعم ماما😊
ماما:شربتي الحليب اللي عطيته ليك
ميرنا بوجه برئ:اييه😇
ماما:باهي شنو بقايا الحليب اللي في المغسله يا ميرو😡
ميرنا:اه ءءء اين بقايا حييي شكله بابا جي..و مشت تجري
ماما:ميرو ميرو استني شن بندير فيك بس😓..قعدت تجري وراها
ميرنا:بابا جي بابا جي بابا جي
بابا:حبيبت قلب بابا تعاليلي❤
ميرنا نقزت في حضنه بسرعه:شن جبتلي اليوم
بابا:اممم اميرتي الحلوه شن كانت تبي مني🙃
ميرنا:نسيتها و لا😢....و نزلت من حضنه و كانت بتمشي زعلانه
بابا مسكها من يدها و حطلها على رقبتها سنسله فراشه دهبيه:و هادي لاحلا فراشه في الدنيا💕
ميرنا:نحبك بابا
ماما:اخخخ يا خاينه في دقيقه نستني😂
بابا:😂😂😂
ميرنا:انتي تبيني نشرب حليب و اني منحباش و ما تخلينيش ناكل شكلاطه ديما 🙃
ماما:ماهو انت عمرك خمسه سنين حبيبتي ضروري تشربيه و الشكلاطه تضر بالاسنان
ميرنا:نحبك حتى انتي ياماما اصلا نحبكم انتم الزوز❤
ماما و بابا حضنوني لين فجأه قاطعنا صوت الباب اللي يخبط بالقوه

بابا:دخلي ميرنا و خشي توا نشوف من
ماما:هيا ميرنا
مشينا و الباب كان يخبط بقوة اخر شئ شفت بابا و ابتسملي ركبنا اني و ماما فوق للدار و قعدنا نسمعو في صوت عركه تحت

بابا:شن تبو مني انتم جايين و تهددو
نعمان:انت مريت من جنب المكان اللي صار فيه الحادث يعني اكيد شفته فا نبيك تسكر هالفم
بابا:هوا الصراحه ما شفتش الطريق اللي كنت نروح منه زحمه فا خديت هالطريق  لكن مادام عرفت انكم قاتلين حد حا نخبر لان الساكت عن الحق شيطان اخرس
هادي:هههههه اول مره نشوف حد شجاع هكي و يتكلم بكل ثقه لكن توا تشوف هالثقه لوين توصلك و اشر للرجاله و بدو يضربو فيه

اني و ماما قعدنا نسمعو في صوت دوشه
ماما:خليكي هنا توا نجي باهي
ميرنا:باهي ماما ...ماما ابتسمتلي ابتسامه صغيره و مشت و يا ريتها ما مشت

عندهم لوطه
ماما اول ما نزلت شافت بابا و هما يضربو فيه و هوا كله دم لااااا لاااا شن ديروو بعدووو
بابا:شن نزلك لوطه امشي
نعمان:اوووو هادي المدام اممم حلوه بكل
بابا:بعد عنها يا حيواااان بعد عنهااااا رد بالك
ماما بدت تعيط و تبكي باعلى صوتها:و راسكم خلوه و راسكم لا
نعمان بدي يقرب من ماما:اسسس ما تخافيش يا حلوه بس راجلك طول لسانه شويه و هدا اللي صار فيه و انتي توا حتسمعي الكلام الموضوع حياخد دقايق و الديار واجده
بابا كان وجهه كله دم كان مش قادر يدير شئ:بعد عنها بعد عنها ديرو فيا اني لكن خلوها
نعمان بدي يقرب على ماما و ماما توخر لين وصلت في مزهريه خبطاته على وجهه بقوه و مشت تجري لبابا و تحاول تفكه من بين يديهم لكن ما قدرتش
نعمان وجهه كان دم تفل الدم من فمه و شاف لماما و بابا

عندي فوق شاده لعبتي و نهدرز عليها
ميرنا:ليش ماما و بابا طولو هدا كله تعرفي حاجه شن رايك نمشولهم
نزلت ووصلت لعند طرف الدروج يعني ما نبانش بس هما يبانو عليا

نعمان ماسك سلاحه على بابا و ماما:و الله يا روميو و جولييت انتم الزوز تستاهلو الموت
ماما و بابا استشهدو و ماما تتحسب شافت للدروج و لمحتني ابتسمتلي و فجأه نشوف ماما طايحه و كلها دم
هادي:سحب سلاحه و اطلق على بابا هيا نعمان و طلعو و لا كأنهم مدايرين حاجه
ميرنا واقفه مصدومه في المنظر و مش فاهمه شئ بدت تمس فيهم و تنادي عليهم 💔لعند جوو الجيران اللي سمعو الرصاص و شافو السيارات السود ماشيات شافو المنظر بدو يبكو و الناس تقول لا حول و لا قوه الا بالله😢💔

#عوده_للحاضر
الجرسون:الحساب يا انسه😊
ميرنا شافتله بابتسامه صفراء:تفضل.....خدت شنطتها و لوحت شعرها على ورا و ركبت سيارتها و هيا تردد داخلها حننتقم حننتقم على كل دمعه

يتبع....  للكاتبة nosaniceوالكاتبةnsomaelakrmياريت تتفعلو لايك وتعليق ومتابعة للحساب فقط