♥انتقام أراحني♥

♥البارت السادس♥

#انتقام_اراحني
#الحلقه_6

طق طق طق طق

خدامه فتحت الباب
ميرنا:اهلا
خدامه:مرحبا من تريدين
ميرنا:نبي المدام
خدامه:حاضر انت تفضل

وصلت الخدامه ميرنا للصاله و قعمزت حطت رجل على رجل بدت تشوف كيف الحوش راقي كيف التحف باين انهم غاليات ضحكت بهزوا(فعلا الفلوس ما عمرهم كانو مفتاح للسعاده)

الخدامه:مدام نجله في مرا تريدك في الصاله
عامر:من هيا المرا هادي مسكها من شعرها شن قتلك انا على الناس و لا على صاحباتك او على عيلتك انتي مكلمتيها صح
نجله:و الله ما نعرف و الله ما كلمت حد
عامر:امشي حطي حاجه على وجهك تخفي الخبر و اني خنمشي نشوف من
نجله:يااا رب صبرني

.... ..... ...... ...... ...... ...... ...... ....... ........ ....... ........

طبعا نعمان طلع من المستشفى و دارو جنازه لخالد خبرو حضر فيها حتى منصور و وصى الخدامه تقول لميرنا بعد ترجع للحوش و طلع هوا و كريمه .....نعمان كانت حالته حاله كان لا ياكل لا يشرب و وضعه تعبان و هادي قاعد يدور على بصمات او اي دليل يدله على الفاعل بس ما فيش اي اثر للفاعل

..... ....... ........ ..... ..... ....... .... ....... ........ ....... ......

عامر نازل من الدروج شاف ميرنا:احم اهلا
ميرنا شافتله من فوق لتحت:اهلين
عامر بابتسامه:معليش ما عرفتك
ميرنا:ايه حتى اني ما نعرفكم اني بنت منصور** كنت برا و رجعت قريب و قلت كيف جيران و ما نعرفوش بعض ما يصير
عامر:بارك الله فيك من دوقك😍
نزلت نجله: السلام عليكم
ميرنا :و عليكم السلام و ناضت خدتها بالاحضان
نجله كانت محتاجه لحد يحضنها كانت محتاجه انه حد يطبطب عليها و ليش لا و هيا من لما تجوزت ما شافت اهلها خانتها دمعتها بس مسحتها عالسريع:احم سامحيني بس ما عرفتك
عامر:هادي بنت عمك منصور** قالت تبي تتعرف علينا و هكي
ميرنا كانت مركزه على وجه نجله كيف فيه كدمات واضح انها دارت المستحيل عشان تغبيهم
عامر:اها حقا شن اسمك
ميرنا بدون ما تعطي اي اهتمام لعامر مسكت ايد نجله و قعمزت هيا وياها عالكنبه:اسمي ميرنا و انتي
نجله:ءء اسمي نجله
عامر كان لاقي كان هدا قعمز و تربع معاهم لاكن نظرات ميرنا اللي معبيه شر ليه خلوه يطلع بكرامته😂

ميرنا قعدت تهدرز على نجله و ضحكو اول مرة نجله تستقبل زوار خاطي عيله الخرا عامر و كانت فرحانه واجد
ميرنا حطت طاسه القهوا:امم باه ما خبرتيني كيف تعرفتي على راجلك يعني زواج حب و لا تقليدي
نجله في خاطرها حبه برص :لا تقدملي من خويا و خويا ما رفضش
ميرنا:يعني مغصوبه
نجله:تقدري تقولي هكي
ميرنا في خاطرها و الله حنربيه ليك نخليه ليك يمشي عالسراط المستقيم انتي اصبري بس😂
نجله:وين وصلتي
ميرنا ابتسمتلها:لازم نروح توا تاخرت واجد
نجله:خساره اقعدي تعشي مازال بدري
ميرنا:لا لا هدا هوا المهم تشرفت بمعرفتك واااجد
نجله:عاوديها بالله
ميرنا:انشاء الله

طلعت ميرنا من حوش عامر و مشت لحوشهم قالتلها الخادمه عالجنازه مشت لبست اسود في اسود عالاساس علامه للحزن و مشت
خشت للفيلا لقت ناس مش واجد قعدت تسلم عالنسوان مستقبلتهم اخت نعمان المتجوزه و بعدها مشت عشان تعزي نعمان اول ما خشت للصالون قابلاته كان وجهه شاااحب كانو عيونه هالات كان باين انه تعبان
ميرنا هوا انت مازال شفت حاجه :احم عظم الله
نعمان :اجرنا و اجركم
فات الوقت عادي زي اي عزاء

.... ..... ..... ...... ..... ...... ...... ...... ....... ...... ...... ......

حسن:انت امتى حتعقل و تشتغل في الشركه زي خوتك
علي:يا بوي انا نبي نعتمد على نفسي ما نبيش نشتغل تاني شئ في شركتنا تالت شئ نشتغل معا صاحبي شن فيها
حسن:اني نبيكم تكونو قدام عيونو طورو من انفسكم ما نبيكم تبعدو عن عيني تديرو شئ ما يرضيش ربي اني حنتحاسب لان ما عرفتش نربيكم
علي:لا لا لا البيت ده طاهر و حيبقى طول عمرو طاهر😂😂💃
حسن:خليك تافه هكي باهي خلاص اقعد فيها
علي:قصدك خلاص بتصكر الموضوع يا فرحه ويش نديرلك لحظه بس مش زعلان و لا
حسن:لاا ليش بنزعل متلا
علي:ايوا هكي يا حسونه ما تزعل روحك راهو يطلعولك تجاعيد و تقعد اخيي و مريم تمشي تدور واحد ثاني
مريم:شنووو كأن سمعت اسمي
علي&حسن بشويه:ادكر الحقير😂😂
مريم قلعت شباشبها الاثنين:حقير صار
حسن:ما دخلني هدا ولدك
علي:لا يما الا الشبشب الطايش...و طلع يجري اما مريم قعدت تضحك و تستغفر:مش عارفه شن دايره مصيبه في حياتي بس
حسن و هوا سرحان:اني مداير مصايب
مريم:شن تقصد🌚
حسن:شئ و الله ما قصدي شئ و انتي خيرك اليوم والعه تعرفي عادي انتي حلوه حتى لما تكوني معصبه
مريم ابتسمت:اصلا محلاني من يومي حلوه
علي:باه اني جيت بالله اطلعو من داري و جاملو بعض برا
مريم حدفت عليه الشبشب:اعقل يا هم
علي:ها خلاص عاقل عاقل بس قداش مقاسك يما لين تلبسي في هالدبابه
مريم:يرزيني فيك...حدفت عليه الفرده التانيه
علي:خلاص اسف و ربي اسف😂
حسن:😂😂😂😂
(خنعرفكم بعيله علي عنده 2 خوت ولاد اخت وحده و كلهم متجوزين فا هوا قاعد بروحه معا اهله و جوه معاهم فري)

..... ..... ..... .... ...... .... ... ..... ..... ...... ...... ..... .....

نجو لميرنا اللي تخطط كيف بتربي عامر👏

صبح اليوم التاني
عامر كان طالع لشغله فجاه وقفاته سياره كبيره سوده و مظلمه نزلو منها رجاله حطوله و عامر نزل
عامر:شن تحسابو روحكم ديرو
واحد من الرجاله ضربه على راسه لعند داخ

عامر:امم اخخ شاف روحه لقي روحه مربط
ميرنا لابسه قناع :صباح الخير☺️
عامر:من انتي
ميرنا:امم اني الملاك الحارس
عامر:شن تبي مني ليش جايبتيني هنا
ميرنا:لا ماهو نبي ندوقك من اللي دير فيه
عامر:كيف شن قصدك
ميرنا صفقت بايدها خشو الرجاله معاهم عصا و بدو يضربو فيه

ميرنا:خلاص وقفو
وقفو الرجاله و عامر كله دم
ميرنا:توا بتروح للحوش قسم بالله نسمع عليك انك قارب نجله او ماد ايدك عليها شفت هالرجاله شفتهم مش هما حيقتلوك اني حنقتلك مفهوم
عامر:هههه يعني مفروض توا نخاف
ميرنا ضرباته بقوه لدرجه انه انصدم: توا مفهوم
عامر:م مم مم فهوم مفهوم
ميرنا:ايوا كده ...شافت للرجاله جو فكوه و هيا طلعت بالسياره

...... ...... ....... ........ .......... ..................

هادي:قدر الله و ماشاء فعل انت توا لازم توقف على رجليك مره تانيه الشركه حتنهار و انت مش فيها
نعمان:بس هدا ولدي
هادي:الله يرحمه توا خلينا نفكرو من ممكن يقتله ليك
نعمان:و الله حندمه حنخليه يتمنى الموت و ما يدوقه

يتبع....
بليز تفاعلو والله نتعب 💜♥💜