♥انتقام أراحني♥

♥البارت الاول♥

الحلقه_1
للكاتبه:nosa nice والكاتبة nsomaelakrm

ترن ترن ترن
ميرنا:الو عمي
منصور:امتى بتقوليلي بابا يا بنتي المهم انتي وين
ميرنا:اهو طلعت من مقهى المطار و حاليا في الطريق
منصور:رد بالك على روحك يا بابا تمام
ميرنا:سلام......لوحت التلفون في الكرسي السياره اللي جنبها و نفخت و قعدت تشوف للطريق رجعن ليها دكريات رجهنها للماااااااضي

#قبل_15سنه
بعد الحادث اللي صار بما ان ميرنا ما عندهاش اقارب و بحكم ان جدودها مكانوش موافقين على جوازه امها ببوها فا حطوها في ميتم💔

خلود(مديره الميتم):ميرنا هيا تعالي معايا جايين ناس يشوفوك
ميرنا:شافتلها بدون ما تتكلم و ناضت معاها ما تستغربوش ميرنا من بعد الحادثه قعدت معاش تقدر تتكلم او بالاحرى هيا ما تبيش تتكلم

..............................................................................

ميرنا💕

كنت نشوف في المديره خلود كيف تتكلم معا راجل باين عليه مش كبير واجد و كانت معاه مراه كانت انيقه كانت لابسه سنسله قلب شفت السنسله في رقبتي و مسكت سنسله اللي في رقبتي بايدي و قعدت نشوف في متاعتي و متاعت المراه

ميرنا:اءءء سنسلتي احلا من سنسلتك
خلود بصوت واطي:تكلمت الحمد لله💜
كريمه: نعم حبيبتي
ميرنا:شوفي عندي زي سنسلتك بس اني متاعتي احلا
منصور:اصلا انتي كلك على بعضك حلوه حبيبتي😊
خلود:معناها تمام ميرنا هادوم حيكونو ماما و بابا باهي
ميرنا شافتلها:لا ماما و بابا عليهم دم خلاص توا هما عند ربي
منصور شافلها و ابتسم و قاللها بكل حنان: لا توا اني حنكون بابا و هادي ماما باهي
ميرنا شافتلهم و سكتت

بعد مرور سنين
ميرنا خشت للمدرسه كانت متفوقه في دراستها و كانت عندها موهبه اللي هيا الرسم كانت مبدعه فيه لدرجه كبيره
في المدرسه
ميرنا كانت ترسم و تحاول تتدكر الملامح كويس
جنى زميله ميرنا:الله محلاها منو هادا يخوف الراجل
ميرنا ابتسمت بعد كملت اخر شئ في الورقه اسم و هوا نعمان قعدت تشوف للرسمه و تبتسم بشكل مخيف
ميرنا بعد قعد عمرها 18 سنه سافرت لامريكا عشان تكمل دراستها و تتخصص برا لما سافرت تعلمت حجات واجده زي فنون القتال تعلمت من كتب بوليسيه طرق قتل دكيه و محتاله
ميرنا كانت تضرب في البوكسنج اللي قدامها و تضرب تضرب بقوه لين جتها المدربه حاولت توقفها
المدربه:مادا تفعلين ستؤدين نفسك
ميرنا قاعده تضرب بغل و لا كأنها تسمع و دموعها بدو ينزلو
المدربه: توقفي ارجوك ستؤدين نفسك
ميرنا وقفت و قعمزت عالارض و تشوف في ايديها اللي قعدن دم
المدربه:انظري كيف اذيت نفسك....انتظريني هنا سأجلب لكي ضمادات
مشت المدربه و ميرنا طلعت ورقه من جيبها شافتها و ضحكت:حتشوفو ايام سوووود انتم بس استنوو

#عوده_للحاضر
وقفت السياره قدام قصر كبير نزلت انفتح الباب اوتوماتيكيا و دخلت السياره جي واحد من الرجاله فتحلها الباب نزلت و خبطت عالباب فتحتلها خدامه
خدامه:الحمد لله على سلامتك
ميرنا بدون ما تشوفلها:الله يسلمك
منصور:اميرتي
ميرنا تلفتت كانها سمعتها كانها سمعت بوها ناداها دكرت ايام كان يناديلها اميرتي الحلوه ابتسمت بالسيف:اهلا عمي
منصور بخيبه امل:بابا بابا خاطري نسمعها منك المهم الحمد لله عالسلامه
ميرنا :الله يسلمك
كريمه: منو هادا اه هادي انتي كيف حالك( تقول فيها من راس خشمها)
ميرنا :هه الحمد لله اسمي ميرنا على فكره
كريمه قلبت وجها و ركبت لدارها
ميرنا في خاطرها اخخخ غير بس انتي مرت عمي منصور كان هدا درتلك دباار
ميرنا:المهم عمي اني توا بنركب فوق بنرتاح
منصور:تمام بنتي عشان تنزلي تتغدي معانا تمام حبيبتي و اغراضك توا يجيبوهم ليك

.........................................................

ميرنا:

ما عمره قصر معايا في شئ طول عمره يحاول يرضيني و ما يحسسني ان اني وحده غريبه بس ليش اني مش راضيه حتى اناديله بابا مش قادره شافت رقبتها و تحسستها طلعت الفراشه شافتها دكرت بوها و كل دكرياته معاها ردت السنسله تحت البلوزه و لوحت نفسها عالسرير و هيا تفكر كيف حتنتقم

في مكان ثاني:
نعمان: البضاعه معناها حتوصل بدري
مجهول:و الله مش عارف لكن التقسيم حيكون بالتساوي بيني و بينك و بين هادي
هادي:غير خلوها توصل بسلامه بعدين ساهل😂
مجهول:تمام معناها في اتصال
هادي و نعمان: حاضر زعيمنا

ميرنا في شنو تفكر و هل خطتها حتنجح و لا لا و يا ترى من هوا هدا المجهول و هل يكون هوا مشارك معاهم في قتل ام و اب ميرنا او لا هدا كله نعرفوه الحلقه الجايه.

عطوني رايكم في كومنتات😊❤

يتبع.......