♥انتقام أراحني♥

♥البارت الرابع♥

#انتقام_اراحني
#الحلقه_4

خالد:و انت شن تبي من باتي
ميرنا: نبي ننتقم

...............................................................

منصور: وينها لتوا نتصل بيها ما تردش وينها
كريمه:ما تخافش توا تجي و ارقد الوقت تاخر راه دوختني و انت مبكري تلف في مكانك
منصور:احر ما عندي ابرد ما عندك نقولك البنت مختفيا تقوليلي ما تخافش لاا بارك الله فيك ريحتيني
كريمه:تعرف حاجه الحق مش فيك اني بنرقد ما دخلنيش لا فيك و لا فيها ...و غطت وجها و رقدت
منصور:ربي يستر يا رب سترك

.................. ............ ............... ................  ...........

خالد:باتي شن دارلك ليش تبي تنتقمي منه و اساسا بوي و بوك اصحاب من زمان
ميرنا:بوي ميت و اللي قتله بوك
خالد:😳 انتي في شن تحكي
ميرنا:منصور تبناني من الميتم لما كان عمري 5 سنين و باقي القصه طويله و ما عندي نيه نشرح بذات انك شوي تاني حتنتهي
خالد:باه اني شن ذنبي في بوك و بوي و هالقصه الطويله
ميرنا:و شن ذنبي تيتمت عن عمر صغير و حرقتولي قلبي قتلوهم قدام عيوني قتلو امي و باتي قدام عيوني زي ما حرقلي قلبي حنحرقله قلبه طبعا قبل ما نبعثه ليك
خالد:و ربي انتي مريضه مش طبيعيه انتي تعرفي شن تقولي
ميرنا:ايه عارفه و نعرف كويس كل شئ مدايرينه من تجاره مخدرات و حشيش تصدق نعرف كل شئ عنكم...شدت حديده كانت جنب المدخنه و دخلتها في المدخنه
خالد:شن قاعده ديري
ميرنا:جو مصقع و لا
خالد بعياط:يا مجنوونه شن بديري
ميرنا:شئ بس حندفيك شويه...طلعت الحديده و هيا لونها احمر من كثر ما هيا ساخنه
ميرنا:شن احلا نجمه و لا حرف m
خالد:شنو تخرفي
ميرنا:امم النجمه احلا....و بدت تمرر في الحديده الساخنه ببطء  على ايده
خالد:لااااااا ااااااااااه شن ديرييي
ميرنا:و لا شئ نطلع في مواهبي المدفونه....و كملت رسمت نجمه عباره عن خمس خطوط في بعض و خالد وجهه احمر من كثر ما يتوجع
ميرنا:شفتها قداش حلوه
خالد:باه انتي مرا و جاباتك امك فكيني ووقتها وريني فلاحتك مش و اني مربط
ميرنا مشت قدام المرايا لمت شعرها على فوق طلعت من شنطتها روج احمر حطت منه شافت لخالد:امم باه من عيوني😏
فكت ميرنا ايد خالد الاولى و خلاته يفك ايده التانيه ناض قعد يحرك في ايديه:لقنك غبيه حندمك على كل شي
ميرنا شافتله و ضحكت:امم توا نشوفو من الغبي
خالد هجم على ميرنا و جاي بيعطيها بوكس صداته بايدها و ضرباته بركبتها على بطنه و بعدها ضرباته برجلها على وجهه قعد خشمه يصب في الدم مسح الدم بكم قميصه و قعد مطبس و يتنفس بقوه
ميرنا تنفس بقوه:انت تلعب معا الشخص الغلط على فكره توا حتتمنى انك قاعد مربط
خالد فجاه بحركه مفاجئه هجم عليها و شدها من رقبتها من ورا بذراعه
ميرنا قعدت تحاول تفك روحها منه لعند هوا حدفها عالسرير و كان حيطبس يضربها على وجها بس هيا ضرباته على وجهه برجلها طاح ناضت بسرعه بس هوا طيحها برجله و كان حيركب فوقها فجاه ميرنا سحبت حديده متاعت المدخنه دخلاته ليه في بطنه
خالد قعد وجهه احمر و يرعش لعند اخر حاجه بطل حركه هنا ميرنا ناضت من تحته مسحت كل الاماكن اللي ممكن تكون حركتها عشان البصمات شافت لتلفون خالد خداته لقاته بدون رمز ضحكت صورت خالد بتلفونه و بعثث الصوره لبوه

........ ......... ........ ....... ....... .......... ........ ......... .....

نعمان كان مقعمز في الصاله بروحه (ام خالد متوفيه) و قدامه طاسه ميه و مقعمز يستنى في تلفون ضروري توصله رساله فتح الرساله و هنا انصدم قعد يعيط:خااااااالد لا لا لا لا خااااالد خااااااالد لعند اخر شئ طاح على وجهه جت الخدامه مخلوعه و اتصلت بالاسعاف رفعوه للطوارئ

يتبع.......