♥انتقام أراحني♥

♥البارت التاني♥

انتقام_اراحني:
#الحلقه2

ميرنا:كان قدامها مجموعه اوراق و كل ورقه مرسوم عليها شخص من الاشخاص اللي قتلو امها و بوها كانت الورقه الوحيده اللي مكتوب عليها اسم ورقه نعمان بس اما الباقيين فا ما تعرفش اسمهم مسكت ورقه نعمان و بدت تتأمل فيها حطتها عالسرير و فتحت الاب توب خشت عليها الخدامه

الخدامه:هيا انسه الغداء جاهز
ميرنا:تمام لحظه بس و نازله
الخدامه:تمام
و نزلت ميرنا وراء الخدامه

عالسفره
منصور:نفكر ندير حفله بمناسبه رجوعك لينا بخير و سلامه شن رايك
كريمه تنفخ و مش عاجبها(كريمه من لما جابو ميرنا و هيا كانت ما تحبهاش تمثل بس انها متقبلتها قدام منصور بس)
ميرنا:مافيش داعي تعرفني ما نحبش احتفالات....اها عمي نبي نطلب منك طلب
منصور:انتي ادللي
ميرنا:نبي نشتغل
منصور:شركه تحت امرك لو تبي نحطك مديره تنفيديه
ميرنا:لا ما نبيش نشتغل في شركاتنا اني نبي نتعب بروحي نبي نشتغل في شركه انت اكيد تعرفها لان قبل مداير معاها شراكه اسمها*****
منصور:ايه هدي الشركه نعرفها عز المعرفه حاضر من عيوني لو تبي نكلمه ليك اليوم و امتى ما تبي تبدي
ميرنا:تمام شكرا
منصور:و لووو

بعد مرور يومين:
منصور كلم صاحب الشركه و نظمو الامور و اتفقو على كل شئ يخص ميرنا

ميرنا:ناضت الصبح دوشت لبست سروال جينز و معاه قميص ابيض دخلاته في السروال معا حزام عليه علامه شانيل و دارت مكياج خافت حلو و طلقت شعرها و نزلت

منصور:صباح الخير تعالي افطري
ميرنا:لا ما خاطري توا ناخد حاجه من الطريق عشان ما نتاخر
منصور:تمام براحتك رد بالك من روحك
ميرنا:انشاء الله

طلعت بسيارتها للشركه نزلت و قعدت تشوف فيها من برا خدت نفس و خشت للشركه مشت للاستعلام
ميرنا:المدير موجود
الاستعلام:من نقوله
ميرنا:قوليله من طرف منصور**
الاستعلام:اه ايه استاد منصور تفضلي تفضلي
ميرنا:ابتسمتلها و خشت
اول ما خشت لمكتب المدير كان المدير مطبس وجهه للاوراق و قعمزت
المدير:امم ميرنا منصور تشرفنا
ميرنا:المدير نعمان صح
نعمان:ايه و اني حنكون مديرك و انت هنا حتكوني مساعده المدير التنفيدي اللي هوا يكون ولدي لين تتعودي عالشغل
ميرنا في خاطرها زي ما كنت مخططه:تمام
نعمان:خلاص توا تقدري تمشي مع السكرتيره و تخبرك بالباقي و توريك مكتبك
ميرنا:باه تمام
فجأه نفتح الباب و خش هادي
هادي:شكلي جيت في وقت غلط
نعمان:لا لا عادي هادي ميرنا منصور**
هادي:اووو نورتينا
ميرنا ابتسمتله بالسيف:النور نورك
نعمان:توا تقدري تتفضلي معا السكرتيره و تقولك باقي التفاصيل
ميرنا:شكرا و ناضت من الكرسي نعمان مد يده قعدت تشوف في ايده لحظات بعدين مدت يدها
نعمان:نتمنى انك ترتاحي في الشغل
ميرنا:انشاء الله....شافت لهادي ابتسمتله و طلعت للسكرتيره عشان توريها المكان

السكرتيره:و هدا مكتبك
ميرنا:شكرا تعبتك معايا
السكرتيره:و لوو تعبك راحه لو محتاجه اي شئ تلقيني
ميرنا:تمام شكرا مره تانيه
السكرتيره:العفو هي نستادن توا
ميرنا :ادنك معاك

ميرنا خشت لمكتبها حطت اغراضها و طلعت للكافيتيريا عشان تاخد القهوه خدت و طلعت و هيا شادتها و تشوف لفونها فجاه تنخبط في حد و القهوا تتبزع عليه

خالد:عليك مصيبه ما تشوفيش انتي قدامك و لا كيف
ميرنا رفعت عيونها ببرود:بعد عن وجهي
خالد:شنو تقولي
ميرنا: ب ع د من و ج ه ي
خالد واقف مصدوم اول مره حد يتكلم معاه هكي: انتي تعرفي معا من تتكلمي ..ضحك بهزوه..شكلك جديده
ميرنا ببرود نفخت: افف ما نعرفك و ما نبي نعرفك ...دفاته على جنب بايدها و كملت طريقها
خالد:واقف مصدوم في اللي صار مش قادر يتحرك من مكانه ووجهه احمر تقول من واعطيه كف😂😂
رامي:هييي خلود خيرك وين وصلت
خالد:و الله حندمها هي
رامي:على منو تقصد خيرك اليوم😂
خالد:توا نخبرك شوي تاني بس تعال خلينا نمشو لباتي ليه ساعه يتصل يبينا
رامي:هي

طق طق طق
نعمان:تفضل
خالد:ناديتني
نعمان ايه خش قعمز نبيك في موضوع
خالد قعمز :نعم شن الموضوع
نعمان:دقيقه بس
طق طق طق
نعمان:ها تفضل
ميرنا خشت شافت خالد قلبت عيونها و شافت لنعمان:قالولي تبيني
خالد ابتسملها باستفزاز و كان يبي يطردها من الشغل ببساطه
نعمان:ايه يا بنتي نبي نعرفك على ولدي خالد خالد نعرفك على ميرنا حتكون مساعدتك الفتره هادي لعند تتعود عالشغل
خالد شاف لبوه بصدمه و بعدها شاف لميرنا :بس يا بوي..
نعمان:خلاص تم الكلام هوا لفتره مؤقته حتكون مساعدتك لعند تتعود عالشغل و بعدين حتستلم مكان في الشركه
خالد سكت لانه عارف مدام بوه قال كلمه ما حد يقدر يغيرله رايه
ميرنا:تمام توا نقدر نمشي
نعمان:خالد امشي معاها و فهمها شغلها كيف حا يكون و يا ريت ما تجينيش مضايقه لانه وقتها حيصير شئ مش حيعجبك
ميرنا شافت لخالد و رفعت حاجه و ابتسمت باستفزاز
خالد شافلها بغل:انشاء الله
نعمان:هي توا تقدرو تتفضلو

طلعت ميرنا ووراها خالد
خالد في خاطره كان ما كرهتك في شغلك ما يكون اسمي خالد
ميرنا كل شئ يمشي كيف ما اني مخططه حتشوفو الويل حتتمنو الموت و مش حدوقوه

ميرنا خشت لمكتب خالد و قعمزت عالكرسي اللي مقابل كرسي خالد و حطت رجل على رجل خش خالد للمكتب شاف كيف ميرنا مقعمزه ضحك بهزه قعمز على كرسيه
خالد: المهم يااا
ميرنا:ميرنا منصور**
خالد :اللي هوا المهم بما انك اول يوم شغل حنخفف عليك الشغل شويا شفتي هدوكم الملفات
ميرنا تلفتت شافت عرم ملفات:اها
خالد:نبيهم كاملات اليوم
ميرنا ناضت من عالكرسي:امم باه جيبولي  هالملفات على مكتبي نبيهم على مكتبي مفهوم
خالد ضحك بصوت عالي:انتي تبصري انتي عارفه شن قاعده تقولي
ميرنا شافتله بهزوه:ما نبصر المهم قلتلك جيبوهملي و بالنسبه للتكمله مش متاكده لو حنكملهم اليوم توا نشوف على حسب جوي ...و طلعت بكعبها من مكتبه اما هوا قعد مقعمز كل مره تزيد تصدمه
خالد:غير بس بوي موصي عليها لكن اني نعرف دواها حنربيها

يتبع...

نبي نشوف اراءكم في التعليقات بليييز نبي يلي دعمتهم يدعموني