♥انتقام أراحني♥

♥البارت الخامس♥

#انتقام_اراحني
#الحلقه_5

ميرنا كانت مقعمزه عالشط تشوف في شروق الشمس
علي قعمز جنبها:من زماااان كنتي تجي هنا
ميرنا شافتله و ردت شافت للبحر
علي:من زمان كنتي تجي هنا كنت نراقب فيك كنت نشوف في دموعك كنت نشوف في كسره واضح ما تبي حد يشوفها تباني قويه من برا بس من داخل واضح جواتك بنت مكسوره
ميرنا ابتسمت ناضت ببرود من جنبه كانت حتمشي للسياره بس وقفها صوته
علي:لو في يوم من الايام كنتي تبي حد يسمعلك اني موجود و طلع دفتر صغير كتب رقمه و عطاه ليها
ميرنا شافتله و شافت للورقه
علي عدا يجري من جنبها قبل ما ترد او تتكلم😂
ميرنا ركبت للسياره شافت الورقه ضحكت حركت راسها بهزوه حطتها في درج السياره و مشت لبيتهم

خلوني نخبركم قصه علي باختصار(زمان ميرنا قبل ما تسافر كانت كل ما تضايق او تدكر اهلها او تبي تبكي تمشي تقعد قدام البحر كان علي يخدم في مقهى عالبحر فا كانت كل ما تقعد عالبحر يشوفها و يراقبها لين تروح قعدت زي الهوايه عنده انه يراقبها بس و لا مره جاته الجرأه انه يكلمها لعند اختفت و معاش قعد يشوف فيها حاول انه يدورها بس بدون فائده و بعد زمن طوييل شافها قعد زي الغبي يعد للعشره و يتنفس بقوه😂 لعند وصل و تشجع و تكلم معاها)

.... ...... ...... ...... ...... ........ ........ ....... ........ ........

الدكتور طلع من الطوارى
هادي بلهفه:شنو يا دكتور شن صار
الدكتور:سكته قلبيه شكلها من صدمه بس قدرنا نلحقو عليه الحمد لله
هادي:الحمد لله باهي نقدر نشوفه
الدكتور:بعد ينقلوه عالحجره تقدر اكيد تشوفه
هادي:تسلم يا دكتور بارك الله فيك
الدكتور :فيك بارك الله واجبنا

...... ...... .... ...... ...... ........ ......... ........ ...... ....... ...

ميرنا خشت للحوش حطت المفاتيح
منصور:وينك لتوا قلقت عليك واجد يا بنتي
ميرنا:كان عندي شغل و توا كملته فيه شئ لانه نبي نركب نريح
منصور:لا مافيش شئ توا انتي امشي ارتاحي و توا نوصي الخدامه ما تنوضك
ميرنا:تمام شكرا
منصور:اياه علينا شن قلنا عالرسميات🙂
ميرنا ابتسمتله و مشت ركبت لدارها خشت دوشت طلعت لوحت روحها عالسرير طلعت السنسله من رقبتها و قعدت تتأمل فيها لعند رقدت

..... ..... ..... ... ... ...... ..... ..... ..... ..... .... ..... .... .....

نعمان بدا يفوق و يصحصح
هادي:الحمد لله عالسلامه كيف حاس روحك توا
نعمان:خخخ خخالد خ خخ خالد و بدي يبكي و يكرر في اسم خالد
هادي:خيره خالد شن فيه تكلم يا راجل مش هكي استهدى بالله
نعمان:خالد مشا معاش فيه خالد توا
هادي:شن قاعد تقول
نعمان:خالد مات خاااالد مات💔
هادي:لا حول و لا قوه الا بالله استهدى بالله يا راجل من قالك انت😢
نعمان حكاله القصه انه كان مقعمز و فجأه وصلاته الرساله:خلاص توا معاش فيه خالد ...قعد يضحك بهستيريا خالد خلاص بحح😂😂😂خالد خالد😭😭
هادي كلم الممرضات جو عطوه ابره مهدئ و هادي قلبه متقطع على صاحبه طلب من الخدامه تجيب تلفون نعمان من البيت و قعد مقعمز على نار وواجعه قلبه لان خالد يعتبر زي ولده بالزبط بدات انه ما عنداش ولاد

..... ..... ..... ...... ...... ....... ...... ....... ...... ...... ......  ..

ميرنا ناضت من النوم خشت للحمام(حشاكم) غسلت و نزلت
منصور مقعمز في الصاله:صحه النوم بنتي
ميرنا:سلمك
منصور:تبيني نطلب من الخدامه ديرلك حاجه تاكليها
ميرنا:لا لا نمشي ندير قهوا سريعه و نطلع للحديقه نتمشى شوي
منصور:تمام على راحتك

دارت ميرنا القهوة و قعدت تتمشى في الحديقه و هيا تتمشى تسمع في صوت شهقات جنب سورهم(هما نظام فيلات فالسور لاصق في التاني) استغربت و قعدت تمشي بشويه لعند سمعت

نجله:يا ربي لامتا حنتحمل هالاهانات يا ربي مش معقوله ضرب و شتم و فوق هدا حارمني من اهلي يا ربي خودني يا رب يا رب خودني الموت ارحم يا ربي
كانت تشكي لربي و تشهق من البكي كانت متخبيه ورا شجره
عامر:وينك يا كلبه تحسابي روحك بتهربي
نجله قعدت صوت بكيها يزيد
عامر:انتي هنا يا زفته تسمعي فيا نادي فيك شكلك تبي اعاده تربيه ما سدكش الضرب اللي مبكري
نجله بعياط:حرام عليك يا ظالم ربي ياخد فيك الحق شن درتلك اني آه
عامر ضربها كف:و موليه تردي في الدوه حسابك داخل خشي فضحتينا

ميرنا كانت تسمع و تضغط على مق القهوا بقوه من كثر ما هيا متعصبه خشت للحوش حطت المق في المطبخ ركبت لدارها غيرت لبسها لبست سروال بوي فريند و قميص بكمام لونه اسود كان مطلعها خيال لمت شعرها على فوق دارت روج احمر و خدت شنطتها و طلعت كعابي لحوش جيرانهم
....... .... ..... ..... ..... ...... ....... ...... .... ......... .......

هادي فاتح تلفون نعمان و يشوف مصدوم ركز عرف ان هدا في بيت الكوخ متاعهم بعث رجاله لغادي و هوا لحقهم و انصدم في المنظر اللي كان فيه خالد يعني بدون حتى ما يتاكدو واضح ان ميت ووجهه كله دم و كدمات

يتبع....