♥انتقام أراحني♥

♥البارت السابع♥

#انتقام_اراحني
#الحلقه_7

تسريع في الاحداث💕
بعد مرور شهرين

طبعا بما ان خالد مات فا حطو ميرنا مكانه كميديره تنفيديه
نعمان ما هداش باله و قاعد يدور من اللي ممكن يكون قتل ولده و هادي معاه خطوه بخطوه
عامر قعد عالسراط المستقيم يعامل في نجله معامله حسنه و يخلي فيها تمشي لهلها اللي كان حارمها منهم و ميرنا تجيهم كل فتره و فتره و تراقب في الاوضاع😂

هادي:بس هالحفله ضروري تحضرها لانه فيها ناس مهمه حا يفيدونا واجد
نعمان:باه خلاص بس ضروري ميرنا تجي معانا انت قلتلها؟
هادي:ايه خبرتها و قالتلي تمام
نعمان:اوكي معناها

ميرنا بدت تجهز في روحها للخطوه الثانيه و بدت تجهز في روحها للحفله لبست قفطان احمر طويل فيه مسكه في الرقبه و ربطت شعرها دارت مكياج خفيف و دارت الروج الاحمر خدت شنطتها و طلعت

نعمان:كانها تاخرت ميرنا
هادي:توا تجي نبي نفهم خيرك متوتر
نعمان:اني اساسا ما عندي خلوق لحفلات
هادي:اقعد يا سيدي حتى نص ساعه و امشي كان بتمشي...ها وصلت
ميرنا خشت و كانت الانظار عليها
هادي:شو هالجمال
ميرنا:تسلم هدا من دوقك
نعمان:مرحبتين بنتي
ميرنا:اهلين هي شنو وين الناس المهمه اللي حكيتولي عليهم

شوي تاني يسمعو في هابي بيرثداي تو يو هابي باردثاي تو يو يتلفت نعمان يلقا الموظفين شايلين كيكه و يغنوله بمناسبه عيد ميلاده
هادي:بطوله عمرك يا صاحبي
نعمان عينه دمعت:يا ريته لو كان موجود
هادي:خلاص قدر الله و ما شاء فعل
ميرنا قدمت على نعمان:كل عام و انت بخير
نعمان:تسلمي بنتي

و بدو الناس معروفه يجو قدمو العصاير ميرنا كانت شاده عصير و تمشي اتجاه نعمان و هادي تعمدت تكب العصير على عادي
ميرنا:اوه اسفه اسفه تعال معايا فيه على ما اعتقد غادي حمام تعال نساعدك فيه
هادي:عادي عادي خلاص ما فيش مشكله
ميرنا:لا و الله ما صارت مسكتله ايده و قعدت تكر فيه لعند قعدت تغسله في البقعه و هادي هايم المسكين
ميرنا تعمدت تحط عينها في عينه:اسفه مره تانيه مش قصدي و الله
هادي:اءءء لا ما فيش داعي تعتدري
ميرنا:لو تحب نمشو فوق عشان تغير البلوزه
هادي:ايه باه ليش لا بس هنا اخي المكان شن رايك نمشو مكان تاني
ميرنا:امم باه عشان ما نديرو شبهات نطلع اني الاول و بعدين انت اطلع تمام
هادي:خلاص تم

طلعت ميرنا و اعتدرت من نعمان و و طلعت بسيارتها للعنوان و هيا تقول داخلها يا عليك اغبياء😂
اما هادي ما فاتش ربع ساعه الا و استادن و طلع بسيارته للعنوان

..... ..... ...... ...... ...... ...... ...... ...... ..... ...... ...... .....

مريم:يا وليدي اسمعني نبي نفرح اني
علي:تبي فرح
مريم :ايه نبي نفرح بيك صح و لا حسن
حسن يشرب في القهوا و يحضر:اها ايه ايه
علي:خلاص زوزي باتي😂😂
حسن شرق بالقهوه:الله ياخدك هيا الحكايه ناقصه على امك تولع فيها عليا
مريم:لا انت عاجبك الكلام
علي:شكله هكي😂😂
حسن حدف المخده متاعت الكنبه على علي:انت مالك تقول اني ضرتك يا حيوان بوك را
علي يرقص في حواجبه:ماهو تبي تفرح بيا مع امي
مريم:اني بصراحه ما عليا نقول الا ربي يصبرني و خلاص
حسن بشويه:هوا يصبرك و لا يصبرني🙂
مريم :سمعتك راه
علي:😂😂😂😂😂

...... ...... .......... .......... ............ ................ ............

هادي وصل للعنوان خش للمكان و كان زي مبنى بس هوا من املاكه اول ما خش حس بحاجه ضربت راسه داخ

ميرنا:هلووو هاااي هووو
هادي بدا يفيق:خيرك رابطتيني ليش
ميرنا:شئ بنلعب معاك لعبه
هادي:شنو انتي جنيتي
ميرنا:اممم باه خلاص بلاش منها اللعبه حنخش في الموضوع طول....طلعت شيشه بنزينه جايبتها معاها و بدت تصب فيها حول الهادي
هادي:وققفي يا مجنونه تبي تقتلينا بطلي
ميرنا صبت على هادي شويه:توا اني حنحط هنا شمعه تمام اول ما ذوب بالكامل حتنشوي اني نبي نشوف كيف حتفك روحك و لا نقولك اني توا ماشيه لاني نتحسس من الدخان و ما نحبش ريحته هي سلام
هادي:تعععاااااااالييييي لااااااااااا
ميرنا طلعت ركبت سيارتها و مشت لحوشها غيرت و قعدت تفكر لعند رقدت

هادي:فيه حد هنا لا يا الله لااا لااا
كانت الشمعه على اخرها
هادي بدا ينفخ و يبكي:لا لا لا لا لا
و فجاه ولعت النار في المكان بس للصدفه كانو فيه سيارات اتصلو بالمطافي و الاسعاف حطوه في العنايه المشدده

الصبح التاني

منصور:كيف صار لا حول الله و توا كويس..باه الحمد لله على سلامته توا نخبرها
ميرنا نازله عالدروج:خير شن فيه
منصور:هادي ولعت النار في حوشه و توا في العنايه
ميرنا:اها باه توا ضروري نمشيلهم عطوك اسم المستشفى
منصور:ايه ايه مستشفى***
ميرنا:تمام تبي شئ
منصور:سلامتك بس قوليلهم حا نجي بعدين شوي تمام
ميرنا:تمام

ركبت مي نا غيرت دبشها و مشت طول للمستشفى لقت نعمان مقعمز في الممر و يبكي
ميرنا:السلام عليكم
نعمان مسح دموعه:و عليكم السلام بنتي
ميرنا:الحمد لله عسلامته كيف صار هكي
نعمان:الشرطه قالو بنزينه و انها محاوله قتل
ميرنا:حيي يا ساتر ربي يستر
نعمان :يا رب
ميرنا:عمي امشي لاي غرفه هنا ارتاح اني قاعده هنا لو صار اي شئ اني موجوده

نعمان: تمام بنتي بارك الله فيك
ميرنا:و لووو عمي
مشي نعمان و ميرنا تاكدت ما فيش كاميرات مراقبه وولا فيه ممرضين خشت لغرفه نعمان لقت الشاشه مغطياته كله و حاطين على فمه اوكسجين اول ما خشت ميرنا هادي بدا يفتح في عيونه لما شافها توسعو عيونه
ميرنا:شكلك بتعبني
هادي قعد يتنفس بقوه
ميرنا:المهم خلاص انت لازم تموت خدت اله قياس النبض اللي على صبعه عشان ما يديرش صوت الجهاز و يصفر و حولت متاعت الاوكسجين و بدا جسمه يهز و قلبه وقف رجعت متاعت الاوكسجين و ردتله اللي على صبعه و طلعت قدام الدار قعمزت عادي و بدو الممرضات يجرو لداره ناضت ميرنا بفزعه
ميرنا:شن فيه شن صاير
الدكتور: اسف بس المريض عطاكم عمره
ميرنا:مستحيل
الدكتور:اساسا حالته كانت خطيره
ميرنا:شكرا دكتور
الدكتور:العفو و اسف مره تانيه
نعمان:خيركم شن فيه
ميرنا:عمي هادي عطاك عمره
نعمان من الصدمه طاح معاش قدر يستحمل

يتبع....