♥انتقام أراحني♥

♥البارت الثامن والاخير♥

انتقام اراحني
#الحلقه8 و الاخيره

بعد مرور اسبوع نعمان كان تعبان من ناحيه صديق عمره و انه ما قعدله حد في الدنيا..علي يستنى في اتصال ميرنا بالدقيقه و الثانيه ...اما بطلتنا تعالو نشوفو شن حدير

ترن ترن ترن
نعمان بصوت تاعب:الو من معايا
ميرنا حاطه مغير للصوت عشان ما يعرفش صوتها: شن رايك في المفاجأه عيد ميلادك
نعمان:اين مفاجئه
ميرنا:قصدي على موت اعز انسان ليك...تمنيت لو خليتها الموته متاعته و متاعت خالد نفس اليوم تقعد دبل مفاجئه لكن راحت عليا😂
نعمان بعياط:انت منووو شن تبي ليش قتلتهم شن دارولك
ميرنا:اممم شن بنحكيلك هوا بصراحه انت درتلي
نعمان:شن تحكي
ميرنا:تذكر الراجل و مرته قبل 15 سنه قتلتهم في نص بيتهم
نعمان:اما وحدين
ميرنا😂😂اما وحدين؟معناها فيه واجد ضحايا....اممم المهم زي ما انت خديت مني امي و باتي اني خديت منك اغلى ناس عندك و مازال جايك الدور
نعمان:دقيقه بس الراجل اللي كان مروح من شغله من طريق ثانيه و مرته نزلت تترجى فينا نبعدو عليه
ميرنا:ماشاء الله عالذاكره
نعمان:بادن الله حنبعثك ليهم امك و بوك و نخليك تترجيني زي ما امك كانت تترجا فينا نسيبو روميو
ميرنا ضغطت على ايدها:هدا كان ما بعثتك قبلها لخلود و هويدي ....لينا لقاء سكرت الخط
نعمان:الووووو الووووو مااجد مااجد
ماجد:نعم سيدي
نعمان:توا نبي نعرف الموقع امتاع الرقم هدا نبيه بسرعه تسمع و لا
ماجد:حاضر

ميرنا حولت الشفره و خربتها و لوحتها رجعت لدارها و تشوف لسنسالها :استاحشتكم مش عارفه لو كنت اللي ندير فيه صح او لا بس اللي نعرفه ان نعمان لازم يتعاقب
طق طق
ميرنا:تفضل
خادمه خشت و جايبه معاها سفره قهوه:تفضلي
ميرنا:بس اني ما طلبتش قهوا
خادمه:السيد منصور قال ان نجيبولك قهوه
ميرنا ابتسمت:تمام يسلموو واجد
خادمه:انا توا يروح اخدت اذن من السيد منصور ولدي مريض تبي شئ قبل ما نمشي
ميرنا:لا لا صحيتي

طلعت الخادمه
ميرنا:لامتى بنتعامل معاه هكي برسميه لازم نتغير خلاص لازم ندير ميرنا جديده ننسى كل شئ بس بعد نعمان ياخد جزاته
بس لازم نشكر عمي منصور و ناضت متجهه لغرفه منصور

..... ..... ..... ..... ...... ........... ......... ..................... ....

نعمان بعياط:بس انت امرتنا ان نقتلوهم تعرف لو ما قتلناهم ما صار هدا كله
المجهول:انت غبي كيف تخلي العيل مش قتلك صفيهم كلهم
نعمان:باه توا كيف بيصير حيقتلنا كلنا
المجهول:حيقتلك انت اني ما ليش شغل فيك يا نعمان و ما دخلنيش في غباءكم
نعمان:بس يا منصور
منصور:اني قلت خلاص دبر روحك و لا سافر اطلع و لا دير حل لروحك سكر عليه الخط

... ..... ..... ....... .............. ....... ........... ........ .....

نعمان وصلتله رساله:تعالالي للبيت عشان نتناقشو في الموضوع ....اول ما وصلتله الرساله من منصور خدي السياره و بسرعه مشي لحوش منصور خش بسيارته كان يبي يخبط الباب بس تفاجا لقاه مفتوح خش و قعد يمشي بشويه لعند اخر شئ حس بعصا تضرب راسه بالقوه و طاح معش حس بشئ