♥انتقام أراحني♥

♥البارت الثالث♥

#انتقام_اراحني
#الحلقه3

بعد مرور اسبوع:
خلوني نختصرلكم شن صار في الاسبوع ميرنا بدت تشتغل و تستفز في خالد و كل مره تخليه محروق بيطربق و هوا كل مره يتحلف فيها😂

الساعه 2 في الليل كانت ميرنا مازال في الشركه تكمل في شغل نزلت عالكافيتيريا عشان تاخد قهوه الشركه فاضيه ما فيها حد غير البواب المهم خشو 2 رجاله ملثمين و كانو مسلحين
راجل 1 ضرب البواب على راسه لين داخ
و بدو يدورو في المكان لين خشو للكافيتيريا و شافو ميرنا و في ايدها قهوه و شاده التلفون تتصفح
راجل 1:توا حتمشي معانا بدون صوت

وقفت السياره قدام كوخ  خشبي صغير
ميرنا:امم حلو المكان
راجل 1نزل من السياره و مسكها بقوه و قعد يكر فيها و هيا  تقاوم لعند دخلها للكوخ حطها في غرفه و طلع صكر الباب من برا بالمفتاح

خالد:شنو رامي كل شئ تمام
رامي:ايه تمام
خالد:وين الراجل اللي مستاجره معاك
رامي:لا هوا انسحب اخر لحظه بعد شاف البواب و الكاميرات خاف معا ان اني قلتله ان معطلينهم خش معايا بعد حطيناها في السياره انسحب
خالد:حسابه بعدين و ضربه كف انت حمار تجيب في حمير(حشاكم) تخيل توا يحكي لحد هي توا خليني نشوف شغلي
رامي صار اني حمار و الله كنت حنزعل عليك بس تستاهل اللي حيجيك:تمام هي تشاو

خالد فتح الباب متاع الغرفه بشويا و خش
ميرنا فتحت عيونها بصدمه:هوا انت
خالد:ايه اني مشا ناحيه طاوله فيها خمر و بدي يصب في الطاسه و يتكلم ...تعرفي ان ما عمره حد تجرأ يتكلم او يتعامل معايا بالطريقه اللي عاملتيني بيها بس كنت ساكت عارفه علااش لان باتي موصيني عليك بس قاعده في داخلي نار حنكسرلك خشمك اللي رافعاته عالفاضي حنذلك حتتمني الموت
ميرنا:و انت شن تبي مني
خالد بدا يقرب بالشويه:توا مش عارف كيف نبي نشرحلك و ابتسم بخبث حنتسلو
ميرنا نزلو دموعها:ما ديرش حاجه تندم عليها
خالد:لا مش حنندم ما تخافي عليا
و حط ايده على خد ميرنا هنا هيا شدت ايده و لوتها ليه ضرباته على راسه و هوا اغمى عليه
ميرنا:قلتلك ما ديرش حاجه تندم عليها

بعد حوالي 10 دقايق
خالد:همم همم
ميرنا:صباح الخير
خالد شاف روحه لقا روحه مربوط على كرسي
ميرنا:اكيد انت توا مستغرب صح امم توا نحكيلك و قعمزت عالكرسي اللي قدامه و حطت رجل على رجل

خلونا نرجعو شويا لورا
رامي:توا حتمشي معانا بدون صوت
ميرنا شافتله ببرود:نعم
راجل 2 قدم عليها و مسك ايدها :تحركي
ميرنا بحركه مفاجئه منها مسكت ايده و لوتها ليه و ضرباته على وجهه طاح على وجهه
راجل 1 رفع عليها السلاح: كيف تتجرئي امشي بسرعه قدامي احسن ما نطلق عليك
ميرنا بدت تقرب و هوا يقوللها وقفي لعند اخر شئ حطت راسها على فتحه السلاح:شن تبي دير
راجل1:غير بس يبوك حيه كان هدا خلصت عليك توا
ميرنا مسكت السلاح و ضربت ايده بقوه و فكت السلاح ضرباته على رجله من قوه الضربه قعمز على ركابه ووجهت السلاح عليه حولت منه اللثامه:اوووو رامي هنا صاحب خالد وين خالد
رامي: ما نعرفش
ميرنا:توا بتحكيلي وين كنتو بترفعوني و شن كنتو تبو ديرو فيا و سمعت انك انت وحيد امك يعني بتقول و لا
رامي:و لا شنو😂 مش حنحكي و تبي تقتليني اساسا انتي مستحيل تقتلي حد
ميرنا:مستحيل😂😂وجهت السلاح على الراجل التاني اللي مستأجرينه و فرغت فيه
رامي:😳😳
ميرنا:هي يا شاطر بتقول و لا كيف
رامي:خ خخلاص خ خخ خلاص توا نحكي هدا خالد قاللنا نخطفوك كان يبي يربيك وو
ميرنا:و شنو شكلي فهمت المهم توا نبيك ترفعني ليه على انكم بتكملو الخطه تمام
رامي:بس اني
ميرنا:انت شنو على فكره ما تحاولش تلعب معايا لان اني مش ساهله نعرف كل شئ عنك او بالاخص نعرف كل شئ على خالد و اصحابه فا يعني ما تلعب بذيلك توا حترفعني ليه و تمثل ان خطته نجحت بعد ساعتين فيه طياره لبرا البلاد تطلع انت و امك و معاش ترجعو لهنا بكل فاهم
رامي:ح حححاضر اللي تبيه يصير
ميرنا:توا ارفع الجثه و نظف المكان بسرعه
رامي رفع جثه الراجل و نظف المكان ربط ايدين ميرنا لكن بطريقه مرخيه يعني تقدر تفك روحها بسهوله و ربطلها فمها و ركبها السياره
ميرنا:زي ما قتلك تحطني و تقلب تاخد حجاتك و برا البلاد معاش نسمع اسمك هنا و لا حتشوف شئ مش حيعجبك
رامي:تمام

خالد قاعد مصدوم في اللي يسمع فيه
ميرنا:و هدا اللي صار
خالد:باه و توا شن تبي مني
ميرنا:هوا اني ما نبي منك نبي من بوك
خالد:بويا شن تبي منه
ميرنا:ننتقم

يتبع......