مشيت قلتا ليه خير مالك ياحامد بتنادي لي بالصوت العالي دا ،،،الجيران كلهم سمعوك وبناتك ديل لمن خافن ،،،،قال لي صح انتي هددتي منال وقلتي بتقتليها ،،،،قلتا ليهو ايوااا يعني الموضوع كدا اسمع ي سيدي انا هددتها ليه عشان احرجتني قدام صحبتي ،،،طوالي اداني كف قال لي لو عملت شنو زاتو م مسموح ليك تهدديها فاهمة هسي بتهديدك ليها دا لو مشت الشرطة بسجنوك ،،،،قلتا ليهو مدام ملت ليك راسك وانت صدقتها بدون م تسمع مني انا الحقيقه شنو راجيا فيكم انا الا الله دا ياخد لي حقي منك واشوف فيكم يوم في الدنيا دي قبل الأخره ،،،،قال لي طيري من وشي كمان بتدعي علينا في وشي احسن تعملي حسابك لو عايزة تعيشي في البيت دا وتربي بناتك بدون شوشرة،،،، مش كفايه انا مستحملك ومستحمل مصاريف بناتك ،،،،قلتا ليهو بناتي وانا ملزومين منك ي سيد وهو وينو الصرف الذي الناس القاعد تصرفو علينا نحنا في بطونا م شبعانين ،،،قال لي لي اخر مرة اقولها ليك ي منى طيري من وشي ومنال دي اوعك تاني تغلطي عليها ،،،لاني عارفك كويس وحدة بتاعت مشاكل وفتن.
طلعتا منهم والدنيا دي كلها سوداء في وشي ليه هو بعمل كدا ،،،حتي م فكر انو يسمع مني ربنا ينتقم منك ي حامد انت والحربوية دي اشوف فيك يوم ربنا ياخد لي منك حقي ،،،بدون اشعر لقيت دموعي جارية عشره عشره ياخ تعبتا من الظلم والأفتراء من كنتا صغيره وانا بتحمل فيهو نفسي مرة وحدة بس ربنا ينصفني علي زول غلط في حقي يارب بس الصبر من عندك ،،،،قبل م امسح دموعي بتي الكبيرة جات لقتني بتبكي بقت تبكي معاي بدون م تسالني مالي ،،،حضنتها شديد علي وقلتا ليها ربنا ياخد لينا حقنا من كل الظلمونا ،،،ويحنن قلب ابوكن عليكن.
بليل بعد كلهم نامو بقيت قاعدة لي في كرسي وبتخيل لو كان كل الناس البعرفهم ديل معاملتهم معاي كويس كان حياتي ح تكون احسن بكتير ،،،ولو علي انا لو م زول غلط علي بكلمة عمري م بلغط علي زول ،،،،منال جات طالعة اظنها عايزة تشرب ليها موية لقتني قاعدة في الكرسي ،،،قالت بسم الله الرحمن الرحيم انتي البنوم الناس م بنومك مالك ،،،قلتا ليها من عمايل الناس معاي ،،،انتي اتكلمتي مع حامد ومليت راسو من اتجاهي واتجاه بناتي وهسي بتكون مبسوطه عارفاك لكن عايزاك تتاكدي من شي واحد انو انا رميت بس حملي علي الله ومهما اتاخر الفرج اكيد بجي ،،،قالت لي محسساني انك شيخة وينا عمايلك العديل العايزة ربنا ينصفك بيها بسببها ،،،انا عايزة احزرك ابعدي مني وخليك في حالك ،،،عشان والله انا غير الكل وانا باخد حقي بيدي ،،،وم بحب العب دور الضحية لانو انا م كدا ،،،وي حلوه خلي بالك من نفسك ومن بناتك كويس وخلتني ومشت ،،،،مشيت اتوضيت وجيت صليت لي ركعتين وبقيت ادعي في ربنا و الدموع م راضية تفارقني نهائي 😥.
الصباح قمتا وجسمي مكسر من قلة النوم ،،،البنات مشو المدرسة وحامد جا طالع الشغل وهو في قدام الباب قال لي م عايز اسمع انك اتشاكلتي مع منال دي تاني وانتي ح تعيشي معاها غصب عنك وبالطريقة البتعجبني وبتعجبها هي كويس ،،،وقروش المصاريف ختيتهم ليك معاها هناك شيليهم منها ،،،،الموضوع دا حرقني حرقه كيف يعني القروش بخليهم عندها ارجاها لبتين حضرت سيادتها لمن تصحي وكمان اشيلهم منها وامشي اجيب المصاريف واجي اعمل الفطور ،،،ي ربي دي شنو المصايب دي ،،مشيت نضفته وغسلتا العده وبقيت راجيها ،،،وهي عملت عمايل الضر مشيت فتحتا الغرفة لقيتها نايمة صحيتها ،،،قالت لي مالك م تطلعي عينا ياخ مصحياني ليه ،،،،قلتا ليها لانو منتظره حضرت سيادتك من قبيل وم صحيتي عايزة امشي اجيب حاجات الفطور عشان البنات الليله م اديتهم قروش وعايزاهم يجو يلقو الفطور جاهز ،،،،قالت لي انا مالي ومال بناتك عشان تعملي الفطور لبناتك تقلي راحتي انا ،،،،قلتا ليها طيب لو عايزاني م اجي اصحيك خليهو يخت القروش معاي انا ،،،،قالت لي وليه يختهم معاك عشان تنقصيهم مش وتخشي بيهم الصناديق مع جارتك الشمارة ديك مش ،،،،قلتا في قلبي هوي ي مني شيلي منها القروش واتفكفكي منها سريع لانو انا اخلاقي جات في نخرتي وم عارفة لو طولتا معاها في النقاش ممكن اعمل فيها شنو ،،،،الله ينعلك ي أبليس ،،، شفتا القروش مختوتات في التربيزة مشيت شلتهم وطلعتا وخليتها تنكت في نفسها.
مشيت جبتا لي حاجات سريع ويلا يلا البنات لحقو الا قليت ليهم بيض ،،،وياداب الست هانم صحت وجات طالعة بي ملابس النوم برا ،،،،قلتا ليها لو سمحتي البيت دا كاشف ومعاك فيهو ناس من المفترض ملابس النوم دي خصوصية م تطلعي بيها برا ،،،،راعي حتي ان شاء الله لمنظرة الأطفال دي ليك ،،،،كاني كلب بنبح ولا اتلفتت علي من الأساس لقت الشاي في الصبارة كبت ليها كباية وشالت ليها بسكويت وعلي الغرفة ،،،واي ي حرقتك ي منى.
بعد البنات رجعو المدرسة نضفتا مكانهم ،،،،وغسلتا عدت الفطور وشديت الغداء وهي لسه منخزنه في مخزنا دا ،،،طلعتا من المطبخ لقيتها داخلة علي غرفتا بتاعت النوم لحقتها قلتا ليها كايسة حاجة ،،،،قالت لي لا عايزة
اشوف الغرفة بس كيف ،،،بعد شاافتها صرت وشها وطلعت ،،،،قلتا ياربي ماله مخططة لي لشنو جديد.
منال بعد حامد جا قالت ليهو عايزة اطلب منك طلب وعايزاك توعدني انك تنفذو لي ،،،،قال ليها ابشري حبيبي اي حاجة عايزاها بتجي لحدي عندك ،،، قالت ليهو عارفاك حبيبي م بتقصر اها اوعدني ،،،،قال ليها بوعدك ،،،،قالت ليهو عايزاك تغير لي الغرفة دي غرفة مني سمحة وواسعة وانا غرفتي زي الجحر وبعدين انا العروس م هي من المفترض من الأول هي تاخد دي وانا حاجاتي تتخت لي في الغرفة ديك ،،،،حامد قال ليها بس كدا انتي تأمري ولا تزعلي نفسك الصباح غرفتك تتغير ،،،قالت ليهو طيب ومني بتقنعا كيف ،، قال ليها منى دي دايرة اقناع كمان البيت بيتي وبغير فيهو زي م عايزة وخليها تفتح خشما عشان اكسرو ليها ،،،،منال قالت ليهو تسلم انت حبيبي عارفك م بتقصر.
طلع حامد ومشي علي المطبخ لقي مني فيهو بتغسل في عدة الغداء اصلآ خشت الصباح م طلعت منو لهسي حاله اتبهدل وصحتها نزلت ،،،،قال ليها مني ،،،قالت ليهو اها قول حرشتك في شنو تاني اتجاهي ،،،،قال ليها بطلي طولة ليسان وعايزك الصباح تفضي غرفة النوم حقتك عشان منال تنقل فيها حاجاتها ،،،،قالت ليهو كيف يعني الغرفة دي انا من جيت البيت دا قاعدة فيها ،،،وبعدين هي مش عندها غرفة ،،،قال ليها م عايز معاك كلام كتير اعملي القلتو ليك بدون رفض ،،،منى سكت وقلبه من جوا كانوا سكاكين بتقطع فيهو.
الصباح الجمعة حامد جاب ليهو رجال حولو الحاجات شالو حاجات منال ودوهم غرفتي وحاجاتي غرفتا ،،،،ولا اتكلمتا عدلتا الحاجات ورصيتهم في مكانهم وسكتا علي كدا ،،،ومضي اليوم عادي بدون جديد يزكر.
يوم بناتي كانن قاعدت يزاكرن ،،،اسمع ليك بتي الكبيرة بتبكي جريت لقيت جسمها كلو موية وبتبكي ،،،ومنال كانت ماسكه الكوز الكبير اظنها هي كبتها فيها بس مشيت عليها وقلتا مدام وصلت لي بناتي الليله موت موت حياة حياة.....
يتبع
