حامد كفت صفاء قال ليها يعني انتي البتملي لي منال راسها مش شفتي تطلعي من هنا وم عايز اشوف وشك تاني ولو اختك اشتاقت لي تحريشك بخليها تجي تقعد معاكي هناك ،،،،صفاء اتناولت توبها براحه وطلعت حامد قبل علي منال قال ليها شوفي هنا ي منال لو عايزه بيتك م يتخرب م تسمعي ملام اختك دي وم عايز اشوفها عندي هنا تاني ،،،وختي في بالك امي دي انا مسؤل منها لحدي م تبقي كويسه ،،احمدي ربك سمعتا كلامك وم خليتك تقعدي عندها بالمره احسن ليك تمشي تقعدي معاها لحدي م تبقي كويسه وبعدين اقعدي في المكانات العايزه تقعدي فيها ،،،،قالت ليهو طيب بقعد معاها لحدي م تبقي كويسه وبكدا حامد هدا شويه وطلع برا البيت.
قالت اذا كان انا سايرتك م بعني اني بنفذ ليك العايزو امك بقعد معاها لكن بخليها تندم علي اليوم الطلبت منك فيهو اجي اقعد عندها وامارضها اليتها بالمرض ،،،،لملمت ليها غيارين في شنطتها ومشت علي بيت نسيبتها.
نور جات بتسال في ابرار قالت ليها ابرار عايزه اسالك ،،،ابرار انت صح قاعده تمشي شقق مشبوها ،،،ابرر بخلعه دا كلام شنو ي نور شقق شنو المشبوها الانا بمشي ليها ،،،قالت ليها البنات قالو لي شافوكي وانتي خاشه شقه مشبوها ،،،،قالت ليها هوي ي نور انتي صحبتي ومن المفترض ثقتك فيني تبقي اكبر من كدا وانتي عارفه الكليه دي في بنات كتير م بريدني عشان كدا بطلعن عني اشاعات من النوع دا ،،،،قالت ليها بتمنا تكون دي اشاعات ي ابرار لانو لو بقت حقيقة انا بندم علي اي لحظه صاحبتك فيها وانتي ح تنسي حاجه اسمها نور ،،،،ابرار قالت ليها لا ان شاء الله اشاعه ،،،،قالت ليها طيب ان شاء الله يلا انا ماشه الاستراحه ماشه معاي ولا امشي ،،،ابرار قالت ليها لا امشي بلحقك عشره دقايق كدا ،،،نور قالت ليها تمام خشت الاستراحه لمن فيها انفال وشلتها ،،،،انفال قالت ليها اها سالتيها ،،،،نور قالت ليها اااي وقالت مافي كلام زي دا وانا الصراحه مصدقاها لانو فعلآ في ناس كتيره في الكليه دي م بتريدها وانتو بنات زيها وعارفين البت غير سمعه م تسوي طيب ليه بتخربو سمعت بت زيكم ،، ،انفال قالت ليها والله انتي طيبة شديد ي نور الزي ناس ابرار ديل م بتهمهم حاجه اسمها سمعه ولو نحنا م عارفين انك بت بريئه وعايزة تتخرجي بدون شوشره وتساعدي امك م كان كلمناكي ،،،نور قالت ليها والله بقيت م عارفه اصدق منو واكذب منو ،،،،نطت مساجد صحبت انفال قالت ليها شوفي هنا ي نور نحنا م عايزين منك ومن ابرار شي ولا في بينا وبينكم تار عشان ناخدو منكم ولا نخرب سمعتكم عند بعض ونخليكم تشكو في بعض كل ما في الأمر ابرار دي وحده كعبه شديد وضيعت كتير من البنات في الكليه دي وم كنا عارفين انها بتدخل شقق مشبوها الا بعد الاولاد راقبوها وعرفو انها بتدخل شقه مشبوها م عرفو الكان معاها منو بس الا م يجي يوم والكليه كلها تعرفو ونحنا حزرناكي وانتي عليكي الباقي ولو عايزه تصدقي صدقي ولو لا خليك بس بعدين م تجي تغني ظلموني كويس ومشن وخلنها ،، ،نور صلحت مكياجها وشويه جاتها ابرار وطلعن بعد كدا.
ابرار اتصلت لي طارق قالت ليهو يقيف بعيد عشان نورم تشوفو بعد تركب نور المواصلات بعدين يجي ،،،،نور قالت لي ابرار انا ماشه البيت انتي ماشه ولا عندك مشوار تاني ،،،،قالت ليها لا امشي انتي وانا جايني ود خالتي ماشه لي امي هناك انتي عارفه انها هناك معاهم (ابرار من يوم امها من طلعت من البيت م اتصلت ليها ولا فكرت تمشي ليها) نور قالت ليها تمام براحتك ودعتها وركبت المواصلات ومشت علي البيت ،،،،ابرار اتصلت لي طارق جا وقف قدامها وركبت معاهو ومشت الشقه ،،،،في الشقه قال ليها اها ي ابرار م انجزتي لي لي يوم الليله في موضوعي مع نور زي م وريتك انا بكره اصبر كتير لو م بتقدري تجيبيها عديل ممكن نخطفها عادي ،،،،ابرار وقفت فوق قالت ليهو لا لا كدا ممكن تتكشف ببساطته وانا انكشف معاك خلي انا شويه شويه بلين راسه وبجيبها ليك لحدي عندك ،،،،اهم حاجه تحبك الاول وبعدين جرجرها لحدي هنا ،،،،قال ليها اما نشوف ،،،،شويه كدا الباب ضرب مشي طارق فتح الباب لقي نور ومعاها انفال وباقي صحباتها.....
