قلتا ليها يابرار كنتي وين لحدي الزمن دا،،،، قالت لي بسم الله انتي م نمتي مالك ،،،قلتا ليها كنتا منتظراك تجي ،،، قالت لي مفتكره نفسك امي ولا ابوي امي وابوي م اهتمو ولا سالو م جيت بدري مالي ولا في زول فيهم بنتظرني لحدي اجي بعملو العايزين يعملوه كلهم وبدخلو ينومو عليك الله اختيني كدا ولا كدا ،،،،قلتا ليها خلينا من كلامك دا كنتي وين لحدي الزمن دا ،،،،قالت لي منى احسن ليك تنزلي من راسي احسن والله اخليك تندمي ،،،،قلتا ليها انا اختك ي ابرار وخايفه عليكي عشان كدا مهتمه بيك شديد كوني صريحه معاي ووالله م بتندمي ،،،،قالت لي انا ندمانه اني شايفه خلقتك دي كل يوم خلي الحاجات التانية ،،،قلتا ليها ربنا يسامحك اها انسي كنتي وين لحدي الزمن دا قبيل شايفك راكبه في عربية باين انها بتاعت واحد غني شديد بتعرفي ناس زي دا من وين لمن تركبي معاهم عرباتهم ،،،،ابرار من سمعت كلمة عربية لونها اتخطف قالت ليها وشفتني وين ي ستي ،،،قلتا ليها مشيت السوق عشان اشتري حاجات وبعد اشتريتهم وجيت عشان اركب المواصلات شفتك ناديت عليك م سمعتيني قلتا امشي عليك شايفه في عربية جات وقفت ليك وركبتي فيها اها قولي لي دا منو الركبتي معاهو دا ومشيتو وين ،،،،قالت لي لا بتكوني شايفه غلط بس دي م انا ،،،،قلتا ليها انتي مفتكره اني بتوه منك وبعدين ياها نفس اللبسه الكنتي لابسها معقولة وحدة بتشبهك ولابسه نفس ملابسك قولي كلام بدخل العقل عليك الله ،،،،ابرار قالت هوي ي ابرار شوفي ليكي حاجه اطلعي بيها من البومه دي والا نهايتك ح تكون علي يدها ،،،،قلتا ليها شوفي ي منى انا اتحملتك كتير والشي دا علي عكس طبيعتي واحسن ليكي تختيني وم تدخلي في خصوصياتي ،،،وانا الصباح بتكلم مع امي وابوي يشوفو صرفه في حكايت التجسس العاملها علي اليومين دي ،،،،قلتا ليها والله ي ابرار انا م عايزه اتجسس عليك ولا حاسداكي علي حاجه كل ما في الأمر انتي بت ولازم تعملي حسابك لانو اقل حاجه الناس غلط شافوها ح تدمر حياتك بالمره ،،،،والوحده فينا م عندها غير سمعتها ،،،،قالت لي انتي بتتكلمي عن السمعه م تنسي انتي مطلقه ومطرودة ببناتك من البيت ،،،وين السمعه الكويسه الفي قصتك ياست منى ،،،انا متحرره بعيش حياتي زي م عايزة ومافي زول بقدر يقول كلمة عني او يقول لي تلت التلاته كم ،،،انا عايشه بدون قيود قولي لي انتي القيود والمسكنه خلتك تكسبي شنو كسبتي بيت عديل ولا راجل عديل ولا ناس عديل ،،،،بالعكس الناس كلها بتستغلك عشان مسكنك دي اي زول بشيل العايزو منك وبقول ليك اي كلمة عايز يقولها ليك وهو عارف انك م بتقدري تعملي ليهو حاجه ،،،،انتي عارفة ي مني لو كان من زمن ابوي قال عايز يعرس ليك وانتي طفله وقفتي في وشو وقلتي ليه انك م بتتجوزي ،،، م كان عرستي ليك راجل عرس بفوق ليكي وكمان طردك انتي وبناتك من البيت وم كان ربنا حكمك ليك بتلاته بنات بتكوسي وبتكباسي في البيوت عشان تاكليهن بس اكل في بطونهن ،،،،قلتا ليها انا راضية بنصيبي وخلينا فيكي انتي لو م قلتي لي بتمشي وين مطره اتكلم مع ابوي واقول ليهو الحكايه دي ،،،لزتني طلعتني برا وقالت لي الصباح بحدد معاكي حكاية التجسس العاملها علي دي وقفلت الباب.
رجعتا غرفتي وقعدته في السرير وبعاين لي بناتي معقولة كلام ابرار صح وانا الخارب علي في دنيتي دي كلها طيتي الزايده ،،،،معليش ي بناتي عذبتكم معاي من وانتو صغار ،،،طيب ليه الحياه دي الزول الطيب م بتقدر فيها مع انو الزول م بقدر يختار قدرو ،،،ربنا هو البدبر كل شي بدبر منو اللازم يكون غني ومنو الازم يكون فقير ،،،ليه ربنا م ادانا ولو شي بسيط من الاداهو لي الغنيانين ،،،دا شنو البتقولي فيهو دا ي منى ربنا هو العليم بكل شي وهو البوهب قومي صلي ليك ركعتين وادعي انو ربنا يفرجها عليك ،،،،مشيت اتوضيت وجيت صليت وم حسيت الا بي نفسي نايمة في المصلاية.
صحيت الصباح علي صوت عوة طلعتا اشوف في شنووو ،،،لقيت ابوي وعمتي ومعاهم ابرار اظنها ابرار قالت ليهم اني بدخل في خصوصياتها ،،،،عمتي قالت لي بركه الصحيتي لو عايزه تقعدي في البيت دا م تدخلي في حيات بتي اوعاكي انا عارفه بتي بتمشي وين وبتجي من وين ،،،ولعلمك هي م ابتعمل اي مشوار قبل م تقول لي هي عايزه تعملي شنووو ،، ،قلتا ليها انا ي عمتي م بكره ابرار ولا بكره زول فيكم بس كل ما في الأمر بشوفها بتجي متاخره بليل شديد عشان كده بسالها ،،،،ابرار قالت انا كلمتا امي اني بمشي الداخلية عشان اذاكر مع صحباتي والزمن باخدنا وم بنحس بالزمن مع ضغط المذاكره ،،،وبعدين انتي ح تعرفي الكلام دا من وين انتي م قريتي عديل اصلآ ،،،قلتا ليهى اااي نعم انا م واصلتا وانتي الواصلتي بس قلتا ليك لو زول شافك جايه متاخره بطلع كلام م كويس عنك ،،،،عمتي قالت لي انا الحله دي اي زول ماسكه عليهو زله وقطع ليسانهم زول يقول علي بتي كلمه المهم كلمتك لو عايزه تقعدي في البيت دا ابعدي عن بتي ،،،،بقيت اعاين لي ابوي عشان يفتح خشمو ويدافع عني بس ولا كلمه في
صالحي م قالها قال لينا والله الزول كرهتو البيت دا من المشاكل وطلع ،، قلتا ليهم اسفه م بدخل في حياتكم تاني ومشيت من قدامهم ،،،ابرار قالت لي احسن.
نسيبتي قالت عيانه ورسلت لي منال قالت تجي تقعد معاها ،،،منال كانت دايره ترفض بس حامد قال ليها الا تمشي ،،،مشت هناك وبقت تنقنق قالت بناتها مالهن م بجن يرعن امهن انا مجبوره عليها يعني ،،،الله ياخدها ويريحها ويريحنا منها ،،،،مشت ليها عملت ليها مكمدات وشوربه وقالت طالعه قالت ليها عليك الله ي منال ي بتي تعالي عصري لي رجليني ديل شويه ،،،بقت تطنطن والله ي نسيبتي انا تعبته خلاص الدكتور قال لي م تتعبي كتير انا في بيتي حامد بقي م بخليني اشتغل انتي نومي وم ابتحسي بشي او خلي اتصل ليكي لي وحدة من بناتك تجي تفعد معاكي لحدي م تبقي كويسه ساي ابيتو منى هسي لو كانت قاعده كان ريحتنا من التعب دا شووويه ،،،،نسيبتي قالت ليها بناتي لو كان بقدرن يجن م كان اتصلتا ليكي وحده بعيدة ووحده ولدها صغير ومرضو كتير م ابتقدر تطلع بيهو ،،، قالت ليها والله انا م مجبوره اتحمل مسؤلية بيتين وانا حامل ولدك يجي يشوف ليه طريقة معاكي......
يتبع
