بسمة مدفونة في خيالي ~ضاقت أنفاسي ~

بارت 7

بارت 7

رونق بدأت دموعها تنزل : ما اعرف كنت واقفه انتظر مروان فجأه سحبني واحد بقوة خارج المكان واخذني لبيتهم وهو يصرخ وغصب عني دخلني بيتهم ونزل يضرب فيني ابوه ما ادري وش يبغون مني !
مرعي ما دخلت السالفه راسه ..وبرعب مالافكار السوداء إلي غزت رأسه وش يضمن انهم ما اعتدوا عليها ..هز رأسه بعنف من هالافكار ...تكلم بحزم ما عنده الا هالحل : جهزي نفسك الحين نطلع للمحكمه وترجعين لنايف
قاطعته بقوة: على جثتي ما ارجع له ...تبغى ترجعني اذبحني الحين وريحني من حياة الشقا
ام مرعي تبكي : يا رب لطفك
مرعي زفر بضيق : قومي معك ساعة نتجهز ونرجع للقرية
ناظرت عمها وبدأت احلامهاتتلاشى بهذا القرار ..حاليا ما لها الا هذا الحل !
قاطعه مروان من خلفه : عمي خذ جدتي للقرية وانا ورونق نكمل دراستنا هنا ونرجع
قاطعه وهو يلتفت عليه برفض وملامحه غاضبه :كيف تبغاني ارتاح
قاطعه لاقناعه: هذا حنا جلسنا طول هالمده لوحدنا لا تقول جدتي معنا تراها من لما وصلنا ما طلعت من هنا .... حنا لوحدنا نطلع ونرجع ما رح يصير فينا شيء
عمي لا تحسسني اني بزر ما يعتمد عليه !
تراني كبير ورونق انا محرم لها ومسؤول عنها !
مشكور رعيتنا انت وجدتي حتى كبرنا والحين نقدر نعتمد عى انفسنا !
ام مرعي قلبها ما يقدر يتركهم لوحدهم : بس
رونق برجاء :ارجوك جدتي ما توقفين بوجه احلامي!
ام مرعي برفض للحين تشوفهم صغار: ما ارتاح هذا انت انخطفت
قاطعتها رونق : ما رح تتكرر صدقيني ما ينخاف علي هذا انا رجعت جدتي
مرعي برفض : وش يضمن انهم ما يرجعون لك ..الحين نشتكي عليهم تعرفي اسمه او مكان بيتهم !
ردت : ايه اسمه عبود بس هذا إلي اعرفه
مرعي بغضب : رونق !
تستهبلين!
ردت بعجز: هذا الي اعرفه ابوه اتوقع اسمه جاد والله ما ادري نسيت !
مرعي بحزم : قومي الحين راجعين للقريه وش يضمن لي ما يرجعون لك !
لا تخافين متى ما كملت الثانوي انا ادبر امور دراستك الحين قومي !
هزت راسها باستسلام ما لها الا هذا الحل !
**
••
**
ابو جواد بقهر : انا اخر عمري ينضحك علي !
نايف بلامبالاه ،: يا يبه بقلعتهم انا مب ناقصني مشاكل متى ما كبرت البنت ارجعها لي !
خليها تخيس بالقرية وانتهينا !
راكان لو كان مكانهم كان تصرفه غير ...لكن الحين ما له دخل : هذا شيء راجع لكم ...تبغون الحين ارجعه مثل الكلب هو وابنة اخوه ويعتذرون ما عندي مشكله
نايف قبل ما يتكلم ابوه : لا لا انا وحده ومطلعه روحي ما لي حيل اجلس حكم بين اثنتين !
راكان مط شفته : لانك ارنب. !
ما تعرف للحريم لانهم اذا ما اعطيتهم العين الحمراء من اول يوم ما ينفع معهم !
نايف مط شفته : يا اخي انا قلبي رهيف ومب شرير مثلك !
ابو جواد رن جواله ...رد بهدوء.: هلا جواد .....ليه .....صاير شيء ....وش تقول .....طيب بعدين افهم السالفه الحين اروح اشوفها ...لما ارجع يصير خير !
قفل الخط وهو يهم بالمغادره ...نايف باستغراب: صاير شيء ؟!
ابو جواد بهدوء: لا بس جواد يبغى ارجع مريم بطريقي !
استأذن ابو جواد وغادر المكان !
راكان بهدوء وهو يناظر من الشباك : للحين بعده قلبك عند ابنة عمتي !
نايف تنهد بالرغم انه راكان ما كانت العلاقه قويه بينهم الا نايف بعادته ما يعرف يسكت ...لكن هالمرة تكلم بامور ما تكلم لاحد فيها الا لأحمد امين اسراره : كان البيت فاضي كلهم طالعين استغربت من البنت إلي جالسه بالمطبخ وهبت فيني لاني دخلت بدون استئذان ..لمحتها لمحه بسيطه ...كانت تكلمني وكأني طفل صغير باسلوب الامر !
كلمتها وكل فكري انها ابنة ام محمد إلي تشتغل عندنا !
عيونها كانت فتنه !
تكلمني و تسأليني عن اهلي وخاصه جواد ...كانت تسأل عنه بشكل خلاني اشك انها تحوم حوله !
ما كنت ادري انها زوجته !
بالبدايه قررت ألعب عليها مثل باقي البنات ...خاصة لما طلبت رقمي !
وقتها حسيت نفسي وصلت القمر انها هي إلي بادرت واخذت رقمي !
هي كانت نيتها صافيه تبغى تستغلني بالأبحاث بما اننا نفس التخصص !
ما ادري انجذبت لها بما اننا بنفس العمر تقريبا !
بدات ارسل لها صور لي وكلام وخرابيط ..ما كنت اري انه الجوال رح يوقع بيد جواد
مط شفته بسخريه : كنت مراهق غبي !
المهم التقيت فيها وطلبت مني جوال وخط بدون علم احد ...تواصلت معها بامور عن العائلة صارت ...بالرغم من جلافتها وأسلوبها الحاد معي الا اني وقعت بشباكها !
حبيت زوجة اخوي بدون ما ادري !
كانت صدمه لما اكتشفت هالشيء !
وبنفس الوقت كان عندي دافع من داخلي اخطبها بعد ما طلقها جواد !
كلهم وقفوا ضدي !
عقولهم متحجره !
دامه مب حرام ليه حرموه !
ولما اصريت اتزوجها غصب عنهم كان رفضها لي ورفض اهلها قاسي على مراهق مثلي !
اول حب صادق نما بقلبي دمروه بقسوة !
مشكلتنا المجتمع يحكمه العيب اكثر من الحلال والحرام !
نحرم اشياء كثيره من باب العيب مع انها بالدين حلال !
مجتمع متخلف !
وقتها صار عندي بلا مبالاه وما عاد يهمني شيء !
قاطعت اهلي فتره طويله واختار وقت الزياره ما يكون اخواني موجودين اسلم على امي ...وارجع للفساد إلي غرقت فيه
ارتكب الحرام بدون ما يرتجف لي جفن !
حتى وقعت على راسي وطحت برونق وتزوجتها !
ما انكر لها ولاهلها فضل بسببهم رجعت لعقلي وتركت ذيك الطرق !
ما ادري تذكرني بالجازي تدري هذه البزر تتكلم معي وكأني شغال عندها !
نفس ما كانت تتكلم معي الجازي !
طريقة كلامها معي وكأني شيء تافه وهي شيء عظيم !
ما ادري ليه رافعه خشومها للسماء !،
يا اخي انا ما ادري كلما اتذكر زواجي منها شيء يكتم على صدري ما اعرف سببه !
احس نفسي اكرهها مع اني ما جلست معها الا فتره قصيره !
ماادري وش هالمشاعر المتضاربه بداخلي !
زفر بضيق : عطلتك بثرثرتي !
ابتسم راكان : لا ابدا !،
**
**
•*
*•
لبست وتجهزت وهي تناظر امها : اتفقت معهم اجلس على الاقل اسبوع لوقت رجوع عمي فياض !
الجازي ناظرتها وابتسمت وهي تحس بمشاعرها القديمه بدأت تحيا من جديد : مب مشكله تعوضيها مره ثانيه!
مريم اقتربت من الجازي وقبلتها على راسها وفارق الطول واضح بينهم والله مب مصدقه انك امي صغيره والله صغيره!!
الجازي توسعت ابتسامتها وهي تتخيل شق التوام الثاني لمريم على قيد الحياه ...ويرجعون لها وقتها سعادتها ما رح توصف !
مريم بابتسامه وهي تقترب من وسيم وتقبله : رح اشتاق لك !
وسيم يمسح مكان القبله : خلاص اذا اشتقنا لك حنا نزورك انت لا تزورينا !
ضحكت الجازي عليه : وبعدين معك !
مريم قرصت خد اخوها الثاني : تعال زوروني عندي اشياء كثيره تحبوها !
الجازي ردت على جوالها بهدوء: هلا خالي .....الحين تطلع ....مع السلامه!
خالي ينتظرك انتبهي على نفسك !
ابتسمت وغادرت وهي تحس بمشاعر جميله بدأت تتولد تجاه امها!
ركبت مع جدها..ردت السلام بروقان ...رد ابو جواد السلام باستغراب نطق : وش فيه ابوك معصب!
مريم باستغراب : ما ادري عنه !،
ما كلمته حتى اعرف !
ابو جواد زاد استغرابه : متاكده !
هزت رأسها بتاكيد !
مستغربه وش فيه ...ابوها معصب ..دق قلبها بخوف ..ما تحب تشوف عصبية ابوها ..تحس يصيبها مغص !
بدات تستغفر وعقلها يفكر وخصوصا وهي تشوف جدها سارح والانزعاج باين عليه !
**
**
**
ماسك قبضة يده بقوة ما يضمن نفسه يطلعها اليوم جنازة على عملتها ...كيف تهرب ووتتحداه كذا
ام جواد بضيق خايفه من انفعال جواد: انت هدي هذا ابوك جابها !
الحين نفهم منها ليه تصرفت كذا !
الجازي تحاول تهدي الوضع : الضرب مب حل
قاطعها بحده : انا اعرف كيف اتصرف
ام جواد بتنبيه: تصرف بهدوء ما نبغى العالم تسمعنا !
البنت بعدها صغيره ما ودنا يطلع عليها كلام
سكتت لما دخل ابو جواد ومريم خلفه :وش صاير !
تقدمت مريم وهي ترد السلام بخوف : السلام عليكم !
جواد تقدم خطوة وبصوت ارعب مريم : ابغى تفسير واحد لكل تصرفاتك المجنونة جاوبي قبل ما ابتلش فيك !
عبدالله وقف جنب ابوه : بدون كذب !
ابو جواد تنرفز وفقد اعصابه مب فاهم شيء: وش صاير !
مريم كشفت عن وجهها وبدأت الدموع تنذر بالنزول : والله ما اعرف شيء ! والله ما عملت شيء
الجازي فتحت عيونها بصدمه وناظرت جواد : جواد
جواد حس بالصدمه شلت حركته مريم ما في وجهها أثار ضرب متأكد وجهها كان معدوم من الضرب !
كيف صار كذا !
مريم بدأت تبكي وظنت عصبية ابوها لانها جلست عند امها تكلمت بتبرير: انت وعدتني يا بابا اجلس عند ماما اسبوع ما طلعت بدون اذنك !
ام جواد اقتربت وهي تتذكر انها جنب عينها في ضربه باينه من تحت النقاب ...اقتربت من مريم وغطت وجهها ما في اثر للضربه !
لحظه مريم باين من تحت النقاب بياضها الناصع !
صحيح إلي شافتها اليوم نفس عيون مريم بس ما هي ببياضها !
التفتت لجواد وسالت بتوجس : انت متأكد !
**
**
**
**
جلست في بيتهم وهي تحس نفسها وكانها سنوات طويله ما دخلت القرية !،
ام مرعي : قومي اعمل شيء نأكله ذبحنا الجوع !
رونق بتعب : انتظري شوي ارتاح
مروان ناظر الكدمات بوجه اخته : ارتاحي انا اجهز لكم!،
ناظرته بامتنان : مشكور!،
ام مرعي تمددت على طولها : حسبي الله عليه جعل يده للكسر يوم ضربك !
وش يبغون منك !
رونق وهي تمسح على شعر قدر إلي نايمه جنبها : ما ادري وش يبغون مني !
يقولون لي مريم !
اااااه من ليله الامس عشت احداث مرعبة !
تخيلي نفسك مع ناس يتعاملون معك على انهم يعرفونك بس انا ما اعرفهم!،
اقولهم انا مب ابنتكم بس عقلهم ما يستوعبون الكلام !
ام مرعي بهتت ملامحها للحظة من هالكلام ...كيف يظنون انها ابنتهم !
لولا انها متاكده انها حفيدتها وباسم ولدها كان شكت بالسالفه !
نطقت بهدوء: يخلق من الشبه 40
رونق بروح ميته: يمكن
ام مرعي : كيف شكلهم :!
رونق بوجع من أعماقها : ما ادري ما دققت صعوبة الموقف ما تركتني افكر بذي الامور !
كان عقلي يشتغل كيف اهرب بس هذا إلي كان يدور بعقلي !
كانت لحظات عصيبة جعلها ما تنعاد !
*•
**
**
جواد جالس بمكتب ابوه بلحظه ويوصل للجنون!
عبود مب فاهم عليهم : كيف مب مريم !
انا متأكد انها هي يمكن وضعت علاج يخفي اماكن الضرب
جواد قاطعه : اسكت اسكت!
واطلع من وجهي !
عبود حاس بوزه وطلع من المكان!
ام جواد تحس فمها صار مر من الاحداث : طيب ما حسيتم فرق بينهم ملابسهم على الاقل !
جواد هز راسه بالنفي : ما شالت العباية عن جسمها !
ابو جواد بحيره :وش تتوقع
جواد شوي ويبكي: اقولك فوله وانقسمت نصفين نفس ملامح مريم ما في فرق !
حتى لون البشرة من كثر التشابه بينهم ما انتبهت له لاني نزلت فيها ضرب ووجهها صار الوان فما لاحظنا هالشيء!
بدر بضيق : لا حول ولا قوة الا بالله !
جواد بضعف : حسبي الله عليك ي الجازي ضيعتي البنات انا متاكد انها شق التوام
ام جواد فتحت عيونها : مستحيل كيف !
مب دفنتوها !
جواد بصوت مخنوق :دفناها يا يمه !
انا عقلي رح ينجن !
بدر بتفكير: يمكن احد متزوج بالسر من العائله وهذه ابنته
ابوجواد ونار بقلبه من هالكلام: بدون كلام سخيف !
الحين ما في حل الا نلقاها مره ثانيه والفحص هو إلي بيظهر الحقائق المدفونة !
ام جواد تحس ضغطها ارتفع من الكلام : يا ربي لطفك !
انا والله لا نزلت علينا تصرخ حسيت في شيء غلط بالموضوع مريم ما تعمل كذا !
جواد باختناق : حتى الصوت نفسه !
انا رح انفجر ابنتي عايشه بعيد عني عند ناس مب اهلها ..الله يستر من تربيتها !،
بدر و هو يناظر مقطع الفيديو : لو الشاب إلي معها صورته واضحه كان قدرنا نوصل له !
حتى البنت صورتها مب واضحه ما ادري كيف عبود ميزها !
قفل الجوال ومده لجواد : مثل ما التقيتم معها مرتين رح تلقونها اكيد انها تعيش بهذه المنطقه !
جواد :من الحين رح ابحث عنها
ام جواد بأمل : شوف راكان
قاطعها :راكان يقول ما ينفع كذا !
ابو جواد بغم وهم : لا حول ولا قوة الا بالله .احس هالسالفه هدتني هد .... .المهم السالفه ما تطلع من هنا !
جواد وجهه اسود من السالفه : اكيد !
*•
**
***
مريم بعدم اقتناع : الحين ساحبيني من بيت امي ومعصبين وبالاخير تقولون ما في شيء!-
تراها ما دخلت راسي!
وتسألوني اسئله غريبه !
الجازي بهدوء وهي تقارن بين مريم وبين البنت ..ما في فروق العيون نفسها ...الانف ..الفم ..الوجه نفس الشكل ما في فرق الا بلون البشره وما هو ذاك الفرق ....كيف ما قدرت تميز بينهم ...لو كانت امهم اكيد كان فرقت بينهم ...ردت بنبره هاديه : يا مريم اقولك ابوك نسي انه ارسلك لامك وعصب بس علشان كذا !
مريم رفعت حاجب : بس عبود كان يبغى يقول شيء وبابا ما خلاه يتكلم !
الجازي تصرف السالفه : انت تعرفين عبود مندفع دوم الحين قومي ادرسي احسن لك
مريم رفعت حاجب بتذكر : مين نام على سريري معفوس
قاطعتها الجازي بتورط : اسفه اختك لين نامت عليه ونسيت ارتبه لك !
مريم : مب مشكله وينها الدبه من لما رجعت ما شفتها !
الجازي تنهدت براحه: عند مروة اخذتها تلاعبها !
••
*•
*•
واقفه عند العربايه ومعها كرتونه تهف على نفسها : ورجعنا لايامك يا بسطه !
كنت بالشركه نعمه مكيف والجو من الاخر !
صحيح ما رديت خبر للمدير اني ما رح ارجع !
كتبت رساله له وارسلتها ....قفلت الجوال لما شافت لجين متوجهة لها مع بزرانها !
لجين ردت السلام وهي تعلك : سلام !
رونق بهدوء ردت وهي تشوف عيالها معها ثلاثه سبحان الله بعد زواجها جاء نصيب لجين وتزوجت مباشره : هلا
لجين وهي تعبث بالبضاعة : مسرع ما فتحتم البسطه دوبكم يومين راجعين !
رونق بهدوء: باب رزقنا !
لجين : عاد تدرين ام فتحي فتحت بسطه من صباح ربنا تجلس ..غريب للحين ما جاءت !
المهم كلمينا عن مغامراتك بالمدينة وكيف نفسيتك بعد الطلاق !
رونق بانزعاج من ثرثرتها ما تدري مب طايقه احد وما لها نفس تتكلم مع احد ...ردت بضجر : لجين وبعدين معك !
ترى اخلاقي قافله واصله لهنا !
لجين وهي تجلس على الارض وبحضنها ولدها: دامك متضايقة عليه ليه اصريتي على الطلاق وليه ما رجعت له ترى ابوي خبرنا انك رفضت ترجعين له !
غبيه أحد يصح له يعيش برفاهيه يرفض ويرجع للفقر !
شوفي عيالي مساكين انحرموا أشياء كثيره أبوهم يوم يشتغل وعشره لا !
اتمنى يكون عندي فلوس واشتري لهم كل شيء بنفسهم !
وانت ترفسين النعمة !
رونق رفعت حاجب: ايه ارفضها !
ان بغيتي هالنعمه تطلقي ومن باكر اقوله يخطبك!
لا تكونين سطحيه وغبيه !
وش ابغى بجماله وماله ؟!
لجين مطت شفتها :على الاقل تتصبحي بوجه يفتح النفس ماهو مثل إلي عندي تظنين انه من اهل الكهف
رونق بعدم اقتناع: لا اتزوج فقير منتف جوكر ولا غني
قاطعتها لجين : انت الغبيه الحين كل الاغنياء سيئين؟!
طبعا لا !
ومب كل الفقراء ملائكة بالأخلاق !
هذا انا زوجي مب حلو وفقير مطفر ما معه فلس واخلاقه زباله وأهله ألعن منه !
يلا قولي وش استفدت من فقره !
اتزوج الغني على الاقل لو كان سيء استفيد من فلوسه !
رونق مطت شفتها بسخرية: وليه ما نلاقي رجال تجتمع فيه الصفات المثالية !
لجين كشت عليها : اصحي يا حلوة من وين رح تلاقينه هالملك !
رونق بهدوء : على الاقل ما رح اتزوج زواج تقليدي لو فكرت بالزواج مره ثانيه !
اصلا ما افكر بالزواج اربي قدر والحمد لله رب العالمين !
لجين بضحكه : شدي حيلك هذا ابو فضة الاسبوع إلي طاف ترمل ...روحي لجهة بيتهم امشي واستعرضي طولك واعديه تحت شجرة النخل والغنم من حولكم ترش عليكم اجمل العطور الفاخرة الدسمة بريحة
قاطعتها رونق بضجر: يا سخفك !
شوفي بزرانك يلعبون هناك !
لجين بقلب ميت: الله معهم ترى قرفت من الركض خلفهم !
امي البارحه تقول ابوي يفكر يزوجك لعزوز اخوي
رونق بلامبالاه : ذكريني اشتري له رضاعه !
لجين ضحكت من قلبها : يعني ابوي حامل همك ويبغى يرتاح !
يا اخي مجتمعنا هنا يفكر اذا ما زوج البنت رح تجيب له مصيبه
يخافون من العار !
رونق رنت الكلمة بإذنها ودب بقلبها الخوف وهي تتذكر انها نامت عند الناس إلي خطفوها !
معقول صار لها شيء وهي نايمه !
بلعت ريقها. برعب بدون ما تركز او تنتبه لكلام لجين !
صار عقلها يرسم لها افلام رعب!
هزت رأسها بالنفي ما رح تسمح لهذه الافكار تغزو رأسها اصلا عاملوها وكأنها ا بنتهم وطالعه بدون اذن احد !
متى ترتاح من هالكوابيس متى !
***
***
**
مرت الايام ومريم تجهز نفسها للدخول للجامعه بعد ما حصلت نسبه جيده اهلتها تدخل بقسم الآداب بتخصص لغة انجليزية!
جواد بتنبيه : ما هو كل بنت شفتيها على طول تصادقيها في بنات الله يستر عليهم ...بنات عمك بنفس الجامعه بتقدري تقضي الوقت معهم !
البنت احلى ما فيها اخلاقها !
قاطعته الجازي بملل من كلامه صار مكرره الف مره : قول هالكلام لولدك!
عبود جالس باريحيه : الحمد لله ما احتاج احد يوصيني لاني قبل ما اغلط اتذكر اخواتي !
مريم ناظرته وبداخلها رح تنفجر من غروره ...بس ما تقدر تعلق بكلمه وحده وخاصه بعد ما طلع لعبود يدرس قانون !
جواد يناظره بفخر : هذا المحامي عبدالله بن جواد
قاطعته مريم بتردد : وش فيها لو درست قانون
قاطعها عبود بغيره: علشان اذبحك واشرب من دمك !
هذا إلي ناقص باكر تتخرجين وتفتحين مكتب ما شاء الله والرجال داخله خارجه من عندك حتى تحلي قضاياهم وكأنه الرجال خلصت من الدنيا !
وكل يوم ناطه بالمحكمة ومراكز الشرطه لا يا حلوة مجرد التفكير ممنوع !
مريم بقهر ما اظهرته : وليه انت تختلط بالحريم إلي يبغون تحل قضاياهم
قاطعها بغرور : انا رجال وفهمك كفاية!
جواد بهدوء: يا ابنتي البنت في بيتها بعيد عن الاختلاط اريح لرأسها باكر تصيرين أحلى معلمة لغة انجليزيه
مريم كتمت قهرها : ان شاء الله !
الجازي بسعادة وهي تناظر عبود ومريم اكملوا الثانويه والحين رح يتوجهوا للجامعه !
همست بالحمد على هذه النعمه!
مريم استأذنت وطلعت لعند مروة !
جواد وهو يناظرها نار مولعه بداخله ....للحين ما لقى لها اي اثر !
ما يترك المول إلي وجدها عبود فيه لعل وعسى لكن ما لها اي اثر !
الجازي إلي فهمت نظراته: ربك كريم !
ان كانت هي اكيد رح ترجع طال العمر والا قصر !
عبود مب مقتنع: يا يبه والله انها مريم انتم وش فيكم !
الله اعلم وش وضعت لها امها اخفت الخرابيط!
انا متاكد انها مريم !
جواد بنفي: ما هي مريم انا متأكد انها شق التوام لكن كيف ما اعرف !
لازم القاها باي وسيله !
**
**
أبو جواد بغضب : كيف يعني اقولك روح جيب البنت خليها تجلس اسبوع هنا
نايف برجاء : يا يبه فكني من المشاكل!
وين احطها :!
سعاد مستحيل ترضى وامي نفس الشيء!
خليها عند امها !
ابو جواد بقهر: انا ما ادري عقلك هذا كيف يفكر !
جواد إلي دخل على كلامهم : كيف ترضى ابنتك تعيش بعيد عنك !
على الاقل المفروض تزورها مره بالاسبوع خليها تعرف وتحس انه عندها اب مثل باقي الصغار !
يا اخي ابرد من دمك عيني ما شافت !
ابو جواد : نفسي ارتاح من همك بس !
نايف بضجر : خلاص انا نهاية الاسبوع انزل للقرية واشوف البنت بس خلاص بدون ما تعملون لي سالفه !
**
**
**
**
لها يومين هنا بعد ما تم قبولها بالجامعه !
كانت خايفه انه عمها يعارض ..لكن الحمد لله كل شيء مثل ما تبغى وأفضل !
ناظرت مروان يلاعب قدر: بالله هنا ما هو افضل !
مروان : هذه الحلوة وين رح تحطينها !
تابع كلامه بتفكير : وش رايك الصبح نأخذها لبيت جدها ولما نرجع نأخذها مب قلت ابوها اتصل بعمي يبغى يشوف البنت!
رونق برفض : لا
سجلتها بحضانه
قاطعها :من وين لك فلوس
ردت بهدوء : من ابوها
تكلم بقلق ،،: بس ما تخافين يعرفونك إلي خطفوك
قاطعته براحه : لا تخاف رح اتنكر حتى اضمن ما احد يعرفني !
اكيد لقوا ابنتهم الضايعه !
مروان : بس تعرفي انا محتار اذا ايام المدرسه زمان كنت تجلسين على المرايه سنة قبل ما تطلعين الحين متى رح تطلعين اكيد رح يخلص الدوام
قاطعته : يا سخفك !
المهم الحين اروح اكلم مدير الشركه يمكن يقبل يرجعني للشركه !
تركته وتوجهت للغرفه اتصلت على رقمه وقلبها يدق بتوتر ....اخر رنه رد بهدوء: الو
ردت بصوت متوتر : السلام عليكم استاذ فياض انا
قاطعها بنفس الهدوء: هلا رونق حياك تفضلي يا ابنتي !
رونق كتمت نفسها للحظات هالانسان تحبه لدرجه مب طبيعيه تحسه وكأنه اخوها بتعامله الراقي : اسفه على الازعاج بس كنت ابغى استفسر اذا بقدر ارجع للشغل لاني مثل ما قلت لك من قبل انا رجعت للقريه لظرف طارئ
رد وهو رافع حاجب ما ارتاح لنبرة اللهفه إلي يحسها بصوتها وهي تكلمه ...تعمد يتكلم وهو يذكرها انها مثل ابنته : حياك الله يا ابنتي باي وقت وظيفتك موجوده
قاطعته بنبره ما عجبت فياض : بس انا ما اقدر اداوم كل يوم
ما يدري ليه مب مرتاح لاتصالها شيءبداخله حثه يصرفها : صعب والله
عفست ملامحها باحباط: اعتذر مره ثانيه مشكور يا استاذ
قاطعها وهو يحس بتأنيب ضمير: كم يوم تقدرين تداومي بالشركة ؟!
ردت بهدوء: انا سجلت بالجامعه وضعي المادي يحتم علي اشتغل
قاطعها بسرعه : لحظة
خليك على الخط دقيقة !
استغربت لما وضعها انتظار اكيد عنده اتصال اهم !
رددت بهمس يا رب فرجها علي !
رجع على الخط بعد دقائق وبهدوء تكلم : عفوا وين كنا نتكلم !
رونق بإحباط : كنا نتكلم عن الوظيفه ايام معينه بالأسبوع
تكلم بهدوء ما يقدر يعطيها راتب كامل وخاصه مع دخول شريك معهم رح يعطيها من اسهمهم مساعده لوجه الله : شوفي تقدرين تداومين يومين بالأسبوع تحدديهم انت لكن بالمقابل الراتب اقل !
ردت بتوجس : كم ؟!
فياض بهدوء : رح يكون الراتب «....»
سكتت للحظات وهي تفكر بملتزماتها وتقسيم هالراتب عليهم ..ردت برضى يعني هالراتب يمشي حالها : موافقه !
رد بهدوء : على بركة الله
انهت الاتصال وهي تحس حماسها انطفى بعد المكالمه ما تدري ليه !
رح تتواصل مع نايف يرسل لقدر مصروف على الاقل يساعد بالمصاريف ما تبغى تنقص عليها شيء!
كلما تتذكر الجامعة تحس بداخلها خوف وتردد من الحياه القادمة !
**
**
**
فياض قفل الخط منها ورجع يتصل براكان : الو
راكان بضحكه : اشوفك مشغول
فياض مب رايق: الحين كمل وين وصلتم ؟
راكان بجديه: مثل ما قلت لك المحامي يقول نهاية الاسبوع رح تكون الجلسه الاخيره لا تخاف كل الادلة معنا انه مختلس!
فياض عقد حواجبه بضجر : ما اطول حبال المحكمه !
متى نخلص من ذي هالقضية !
على كل حال مشكور يا راكان
راكان بابتسامه : حنا بالخدمة يا ابو وسيم !
فياض تنهد وهو يمسح على وجهه : ربي يبارك بك !
نردها لك بعرسك ان شاء الله ...مب ناوي تتزوج !
راكان بروقان : اذا حولك عروس مزيونه حنا بالخدمه ء-
فياض ابتسم : انتم ما تتزوجون الا من العائله ليه اغلب نفسي !
راكان بضحكة : لا مب شرط لا تنسى اني ناوي اتزوج اربعه مب مشكله اذا كانت وحده من برا العائله !
فياض: وش رايك بمطلقه او ارمله تاخذ اجر !
ضحك راكان : انت اخذت مطلقه وش شعورك تنصحنا والا
فياض تنهد بجديه : انا كنت اقول مستحيل اتزوج وحده مطلقه حتى لو كانت مخطوبة بدون زواج !
لكن سبحان الله الأقدار ساقتني لابنة خالي اتزوجها مطلقه وعندها بنت كمان!
لا تجلس تتشرط لانك ما تعرف نصيبك مع مين يمكن الحين جالسه مع زوجها هههههههه
راكان بهدوء: صحيح هذا النصيب !
ما فكرت ترجع علاقتك بجواد مثل أول
قاطعه فياض وهو يجلس : لا تظن انه من السهل تبعد عن صديق عمرك بذي السهوله ..لكن جواد ركب راسه وكبر الموضوع اكبر من حجمه ...دامك تبغاها ليه طلقتها !
وقلت له لو كنت ادري انها كانت على ذمتك ما خطبتها !
لكن ولد عمك راسه يابس مب قادر يفهم !
مرت الايام وكل واحد تابع حياته بطريق !
راكان تنهد وعقله يشتغل بالانسانه إلي فرقت صديقين عن بعض !!!
تكلم بهدوء:: عسى ترجع المويه لمجاريها وتهدى النفوس !،
فياض : امين !
**
**
**
••
يتبع