<دقت الساعة التاسعة مساءا في منزل حازم المصراوي>
سليم{وهو يطرق علي باب المنزل}:يا اهل الدار
سلمي{وهي تفتح الباب}:انت داخل شارع مستهتدي بالله كده واهدي يا عم
سليم{وهو يغمز لها}:سيبك انتي بس اي يا بت الحلاوة دي ؟؟!
سلمي:مسمعكش خالد
سليم:خالد مين بس والله انتي بتحلوي
سلمي{وهي تنظر خلف سليم}:احم طب اتلم عشان حازم هنا
سليم{غير منتبها لتلميحها}:يا بنتي حازم مين ده حازم ده بيخاف مني خوف
سلمي:احم احم لا بجد حازم بيخاف منك ؟؟؟!
سليم:ييييييي مقولكيش طب هقولك موقف
سلمي{وهي تنظر خلفه}:هتشفر فيه بلاش
سليم{وهو يشير باصبعه علي نفسه}:تعرفي عني الفشر هو اه اخوكي واه بحبه بس ميمنعش انوا بيخاف مني
سلمي{وهي تحرك كتفيها بلا مبالاة}:والله انا حذرتك يلا احكي يا شهرزاد
سليم:هقولك بصي يا ستي
سلمي:طب قبل ما تحكي احب اقولك اني مسمحاك
سليم{باستغراب}:علي اي ؟؟؟!
سلمي:علي اي حاجة كنت كيوت والله يا سليم بس متخفش هبقي اجيب قرص اوزعها علي الناس الغلبانة صدقة علي روحك
سليم{متعجبا من طريقتها}:اي يا بت الكلام ده ....سيبك سيبك بصي يا ستي الموقف بقي كنا قعدين انا وحازم في المكتب وانا كنت متعصب حب بقي هو يستظرف زي عادته مش بيبطل هزار يلا عادته ولا هيشتريها يعني المهم قعدت اقوله يا حازم بطل هزار هزارك رخم ومش راضي يسكت قولتله بطل يا حازم انا مش عاوز اتعصب عليك حسيته كش كده في نفسه راح هدي شوية وبعدها رجع يستظرف تاني روحت مسكته من لياقة القميص بتاعه وقولتله وانا بزعق اتلم بقي لقيته خاف وبيقولي ابوس ايدك يا سليم بهزر متزعلش خلاص بلاش تضربني
سلمي{باستغراب وهي تحاول عدم اخراج ضحكاته}:حازم!!!!
سليم{مؤكدا بثقة}:ايوووه المهم بس شفته شبه الكتكوت المبلول بين ايدي
سلمي:حازم!!!!!
سليم{بثقة اكبر}:ايوووووووووه انتي مستغربة كده لي ميغركيش عضلاته دي كلها حقن وانا اللي حقنه كمان
سلمي:حازم!!!!!!!
سليم:انتي عليكي عفريت اسمه حازم؟؟!
سلمي{وهي لا تستطيع التحدث من كثرة ارهقاقها في محاولاته الناجحة لكتم ضحكاتها}:انت حازم مش وحشك؟؟!
خالد:قطيعة يوحش مين ده شبه امنا الغولة
سلمي:حازم؟؟!
سليم{وهو يلتف خلفه منهيا حديثه مع تلك التي تردد اسم اخاها فقط ليري......}:ييييييي انتي زهقتيني انا هروح اشوف الحج كرم الطيب اقعد معاه نرغ.....
أنت تقرأ
شجرة حياة ❤❤
Romanceلم تساندها الحياة في حياتها ولم تراف بها ظروفها قررت العيش بعيدا عن من ظلمها لتبدا مسيرتها في بلدة غير بلدتها شغف حب عطف لم تجده في حياتها فهل سوف يستمر ام لا ؟؟؟؟؟؟! تصنيف اول في شجرة 5/9/2020 ❤
