شجرة حياة ❤❤

Part 36 ☆ الجزء الاول☆

" يوم الزفاف "

" في غرفة سلمي"

< كانت تقف تجمع كل ما ستحتاجه اليوم وتتاكد انها لا تنسي شئ تنتظر صديقاتها ليصطحباها الي الفندق المقام به حفل الزفاف وسوف تتجهز به ليقطع كل ذلك دلوف حازم الي الغرفة وقد ظهر علي ملامحه الحزن>

سلمي{ وهي تنظر الي ملامح جازم باستغراب }:مالك يا حازم ؟؟؟!

حازم: مفيش جيت اسالك قربتي تخلصي ولا لسه ؟؟؟!

سلمي{ وهي تمسك بيده تجلس علي الفراش تجلسه بجانبها}: انا خلصت بس مالك في اي ؟؟؟!

حازم{ وقد التمعت عيناها بالدموع}: مش قادر اصدق اني خلاص الليلة دي انا وبابا هنسلمك بايدينا لخالد مش قادر اصدق اننا هنرجع من غيرك النهاردة ومش قادر اصدق اني مش هلاقيكي لما احتاج اتكلم معاكي مش هتبقي فاضية عشان هيبقي ليكي حياتك الخاصة انا لسه مش مستوعب لما ابقي مدايق هطلع غلبي علي مين وبعدين اروح اصالحها واجبلها شيكولاتة زي ما بتحب طيب مين هتتجنن عليا لما تتخانق مع خطيبها وتيجي تطلع جنانها عليا مش قادر اتصور البيت من غيرك مش قادر اتصور ان انتي مش هتبقي موجودة طول عمري معتبرك بنتي مش اختي وبعاملك كده

< كان يقص كل ذلك وقد خانته دموعه وسقطت في نفس اللحظات التي كانت تبكي هي بها حقا كانت هي تحاول الا تفكر في تلك الاشياء حتي لا تظل تبكي وتخرب يومها بتلك الدموع ولكن شقيقها له راي اخر .......>

سلمي{ وهي ترتمي في احضانه تبكي}: لا يا حازم انا هفضل معاكوا وهجيلكم كل يوم احنا مفيش بينا ربع ساعة هكون دايما معاك والله متخفش وانا هفضل بنتك حتي لو بقي عندي دستة عيال وبقيت تيتة كمان بس متقولش كده

حازم{ وهو يزيل دموعها بعد ان ابعدها عن احضانه ليهتف بمرح محاولا تغير الاجواء}: انتي متقدريش تعملي غير كده اصلا وعلي فكرة بقي كل يوم هكون عندك وهتعمليلي اكل كتير تمام والمكرونة بالذات دي اكله الطفولة وبس يا بت انتي متعيطيش وتنكدي علينا عيلة عيوطة بصحيح

سلمي{ وهي تزيل دموعه بكف يدها ثم تضعه امام وجهه لتريه }: عيوطة زيك يا عيل يا عيوط انت كمان

حازم{ بغيظ}: يا بت انتي اعمل فيكي اي لا بجد اعمل فيكي اي يخرب بيت لسانك

سلمي{ وهي تلكزه في كتفه}: طلعالك يخويا

حازم: انا كده ....استغفر الله

سلمي: نعععععم يا عووووومري انت تطول تبقي كده ؟؟!

حازم: ايوااا بقي طلعي فدوي اللي جواكي

سلمي: هههههههه ههههههههههه مش قادرة ههههههههه

حازم: يا بنتي والله انا خايف علي صاحبي منك اصلا

سلمي{ وهي تضع يدها علي كتفه تتحدث بجدية وكان ضحكاتها لم تكن تملا ارجاء الغرفة باكملها }: حازم حبيبي هو انت حد قالك قبل كده انك لا تطاق وبتكسر المقاديف بطريقة رهيبة ؟!