شجرة حياة ❤❤

Part 28

"في منزل حياة"

<كانت تنام بعمق بفراشها تتوسد صدر والدها بينما هو كان يداعب خصلات شعرها الطويلة وهو يتنهد بالم وندم فغضبه قد تحكم به يتمني فقط او يعود به الزمن حتي يصلح جميع اخطاءه >

حياة{وهي مازالت تجاهد بفتح عيناها تبتسم بسعادة}: صباح الخير يا بابا 

سالم{وهو يقبل راسها بحنان}: صباح النور يا روح بابا 

حياة{وهي تعود لاحتضانه بسعادة تتنهد بسعادة يكاد قلبها يتوقف من شدة فرحها}: انا فرحانة اوي يا بابا فرحانة جدااا

سالم{وهو يبادلها العناق}: ومين سمعك يا نور عين بابا بس ربنا يهدي اختك وتسامحني 

حياة: بابا جهاد لازم تعرف الحقيقة احنا كلنا عيشنا شافينك الاب الوحش بس يا بابا انت مش كده اينعم غضبك كان عامي عينك بس يا بابا احنا ظلمناك كتير 

سالم {وهو يتنهد وكأن هموم العالم فوق صدره}: مش عارف اقولها ولا لا انا عارف ان هي بدات تتعامل معايا ولو سبتها شوية هي اللي هتقرب بس مش عايز اقولها دلوقتي 

حياة {بحزن}: تمام بس يا بابا انت محكتليش اي اللي بينك وبين ح....

<ليوقفها طرقات علي الباب لتجيب بالسماح بالدخول لتدلف جهاد وحينما دلفت اعتدلت حياة وهي مازالت بحضن والدها لتنظر جهاد بحزن فهي تريد الجلوس معهم ولكن كبريائها يمنعها .....>

حياة {بخبث وهي تنظر تجاه جهاد}: تعالي يا جهاد يا حبيبتي عايزة حاجة ؟؟؟؟!

جهاد{ بحزن حاولت عدم اظهاره}: لا مفيش بس كنت عاوزة افكر ومش بعرف افطر من غيرك

حياة{ وهي تمثل عدم الاهتمام}: لا يا حبيبتي افطري انتي النهاردة لوحدك عشان انا مش هقدر افطر معاكي هفطر مع بابا وانا رايحة الشغل 

جهاد {وقد امتلئت عيناها بالدموع}: خلاص بالهنا والشفا وانا مليش نفس اكل 

<لتهم بمغادرة الغرفة سريعا ليوقفها صوت والدها ....>

سالم{وهو يمنع ضحكاته }: بس انا كنت ناوي اخدك معانا

جهاد {بلهفةوسرعة قد تندم عليها}: بجد طيب انا هلبس بسرعة ......اا..قصد..قصدي مليش نفس خلاص 

سالم {وهو ينظر لابنته بحنان}: بس انا مش هاكل غير وانتي معايا 

جهاد {وقد التمعت عيناها بسعادة لم تلتمع بها من قبل}: بجد يعني مش هتديقوا مني ؟؟؟! 

<لتنهض حياة وتحتضنها> 

حياة {وهي تحتضنها بحنان}: انتي هبلة يا بت ندايق من مين بس يا جهاد خلاص بقي نسامح عشان نعيش اللي باقي من عمرنا في سعادة متضيعيش الايام دي في الزعل والقمص سامحي يا جوجو