شجرة حياة ❤❤

Part 34

"في فيلا مصطفي الغيطي"

مصطفي{ وهو يضع قدم فوق الاخري يجلس باريحيه علي ذلك المقغد}: اقعد يا رياض

رياض{ بتوتر وهو يجلس}: شكرا يا باشا

مصطفي: قولي بقي اي اللي بيحصل ؟؟؟!

رياض: بص يا باشا اللي بيحصل ان سليم وجازم مش هيسكتوا حتي بعد ما القضية اتسحبت منهم وحازم مش ناوي علي خير وانا بحاول اراقبه واعرف اي اللي في دماغه بقالي شهرين بس برضوا هو مش مامن لحد خالص ومش راضي يعرف حد حاجة والوحيد اللي يعرف هو سليم

مصطفي: ليه سكة ندخله بيها ؟؟!

رياض: بصراحية معرفش بس ممكن حضرتك تعرض عليه فلوس والفلوس بتجيب رجل اي حد

مصطفي: ههههه طيب يا رياض ابقي عدي علي جاد خليه يديك مبلغ حلو وعاوز سليم يكون عندي بكره وانت كان تبقي حاضر معانا القعدة دي عشان تقنعه وهنشوف بس لازم ابن المصراوي ميوصلش لحاجة ولازم العملية تتم بسلام

رياض: متقلقش يا باشا

مصطفي: يلا امش انت

رياض: تمام بعد اذنك سيادتك

< ليشير له به ثم يجلس بعد خروجه شاردا يفكر ويخطط حتي تتم تلك العملية بنجاح وسلام ليقطع شروده دخول جاد باحترام >

جاد{ بجدية}: حفيد خيري السويدي عايز يقابلك باي شكل

مصطفي{ وهو يضحك}: هههههههه يبقي اللي بفكر فيه صح

جاد{ باستغراب لضحكه الذي لا يظهر كثيرا}: هو اي يا باشا ؟؟!

مصطفي :سالم بااع خلاص

جاد: واي اللي عرف حضرتك ؟؟!

مصطفي: هههههه لسه معندكش الخبرة يا جاد بدري اوووي بس هقولك يا سيدي ...... انت عارف ان منصور هو اللي ورا قتل خيري وسالم حب يداري عليه علي حسي كلامه كانت وصية خيري وزي ما انت عارف ان منصور كان حابب يدخل الشغلانة من سنين بس اللي كان بيقف في وشه هو سالم وكان بيديله مبلغ كل فين وفين ولما سالم انسحب من الحكاية دي وهو وصله الخبر اللي وصلتهوله عن طريق الواد الاهبل اللي مسلطه يراقب سالم حب يرجع هو ويمسك مكانه وهو عارف انوا لما يجيي تحت طوعنا سالم مش هيقدر يمسه زي ما تقول كده بيتحامي فينا فهمت

جاد{ بانبهار}: دا انت دماغك سم يا باشا

مصطفي: عقبالك ......... المهم اديلوا ميعاد بس بعد اسبوع اسبوعين

جاد: تمام يا باشا

" في منزل شريف"

شريف{ وهو يفتح باب منزله يتحدث بسخرية}: حمدلله علي السلامة يا مدام

< لم تجيبه رنا وهذا اغاظه لذا قرر ان يستفزها حتي تعود روحها تملا المنزل من جديد>