"في مكتب هنا"
سلمي:صباحوا يا اهل المكتب الكرام
هايدي: سلمي وحشتيني يا بنت الاي
سلمي: وانتي يا روحي مش بتسالي عليا
هايدي: الشغل والله بس هعوضهالك
سلمي: فلل قوليلي في حد عند هنا جوا ؟؟؟!
هايدي: اه عندها عميل بس بقولك اي شكلها جايبة اخرها
سلمي{وهي تخفض من نبرة صوتها}: اي دهه لي ؟؟؟!
هايدي{وهي تقلدها}: مش عارفة بس تقريبا وربنا يستر يعني متخانقة من رامز
سلمي: الله دا بينه هيبقي مرار طافح
هايدي: ههههههه اه والله بصي انا متجنباها من الصبح عشان متنفجرش فيا وللاسف الانفجار دهه هيبقي في وشك انتي يا حلوة
سلمي {وهي تدعي الانشغال}: ياااه انا افتكرت ميعاد مهم مكنتش هعمله بس هعمله دلوقتي
هايدي{وهي تمسك بيدها قبل ان تغادر}: تعالي هنا دا انتي جتيلي نجدة من السما تروحي فين ؟؟؟!
سلمي{وهي تحاول الافلات من يدها بطريقة كوميدية}: يا عم انا مش مستغنية عن عمري انا عروسة ابوس خالتك يا شيخة سبيني اتجوز وانا سليمة
هايدي: اه يختي طيب مانا كمان مخطوبة اينعم البارد اللي مخطوباله لسه بدري عليه عشان الفرح لكن انا كمان نفسي اتجوز يوووه
سلمي: انتي بتشتغلي هنا لكن انا .......
<ليقطع حديثهم خروج هنا مع العميل وهي تتكلم برسمية شديدة .... ليغادر العميل وتنظر هنا في اتجاه سلمي وهايدي بغضب لتدلف الي مكتبها غالقة الباب بقوة اصدرت ضجيج في ارجاء المكان دلالة علي غضبها .....>
سلمي: هو مفيش مفر خلاص انا اللي في وش المدفع بصي انتي ادعيلي وانا هدخل بس والنبي لو مطلعتش تقولي لخالد اني كنت بحبه
هايدي: ههههههههه هدعيلك وحاضر هقول لخالد
سلمي{ وهي تمسك بمقبض الباب}: اشهد ان لا اله الا الله واشهد ان محمدا رسول الله
<لتدلف بعدها الي المكتب تحت نظرات هايدي وضحكاتها من اسلوبها المضحك >
سلمي {وهي تغلق الباب بعد ان دلفت الي داخل مكتب هنا}: بصي البوز دهه بضرب اخوه لما اتخانق مع خالد فبراحة كده وفهميني في اي ؟؟؟!
هنا{ وهي تكاد تقتلع اضافرها باسنانها من كثرة التوتر}: خطوبة وبعد 4 ايام
سلمي{ باستغراب}: خطوبة مين ؟؟؟!
هنا{ بغيظ}: خطوبتي
سلمي{ بصدمة}: نععععم يختي خطوبة اي اللي بعد 4 ايام انتي بتهزري ؟؟؟!
أنت تقرأ
شجرة حياة ❤❤
Romanceلم تساندها الحياة في حياتها ولم تراف بها ظروفها قررت العيش بعيدا عن من ظلمها لتبدا مسيرتها في بلدة غير بلدتها شغف حب عطف لم تجده في حياتها فهل سوف يستمر ام لا ؟؟؟؟؟؟! تصنيف اول في شجرة 5/9/2020 ❤
