FLASH BACK
رامز:قولتلك الزفت ده دايق ميتلبسش تاني
هنا:دايق فين يا رامز متهزرش مش دايق ولا حاجة
رامز:تمام لو اتلبس تاني انتي حرة وتصرفي مش هيعجبك
هنا{وهي تمسك بحقيبتها لتنهض غاضبة}:تمام لما تبقي تكلمني كويس نبقي نتكلم واقعد معاك
رامز{ممسكا بيدها وقد شعر بنفسه وبما قاله وتفوه به}:خلاص استني مش قصدي والله بس انتي عارفة اني تعبت ومخنوق
هنا{وهي تجلس مشفقة علي حالته}:عارفة يا رامز عارفة والله وان شاء الله ربنا هيكرمك انت مهندس معماري كبير وقد الدنيا هتبقي حاجة بس اسعي ربنا قال اسعي يا عبد وانا اسعي معاك
رامز:علي ايدك والله بلف بس مفيش شغل ياما وسطي وانا مش همشي بالوسطي لو حصل اي ولا يمكن ابني حياتي غلط واصرف عليكي وعلي نفسي بعد كده بمال حرام
هنا:والله عارفة يا رامز وعارفة اخلاقك وعارفة انك يستحيل تعمل حاجة زي دي
رامز:خليكي جمبي يا هنا انا مش عارف اعمل اي ؟؟؟!
هنا{وهي تبتسم بعذوبة لتهون عليه ما يمر به}:ان شاء الله كل حاجة هتبقي تمام وانا معاك اهه هو انا طيرت مثلا ؟!
رامز:ربنا يخليكي ليا
"في منزل هنا شوقي"
شوقي{بغضب}:يعني برضوا مش لاقي شغل وانا المفروض استني ؟؟؟!
هنا:يا بابي والله هو بيدور وانت عارف ان رامز شاطر
شوقي:هو مش شاطر هو بيدلع انا مش جبتله شغل وهو اتبطر عليه حصل ولا لا ؟؟؟
هنا:بابي انا اسفة بس حضرتك رامز مش اتبطر علي الشغل رامز عارف ان الشغل بالوسطي حرام شايف ان لا انا ولا هو هيبقي عنده استعداد انوا يصرف علينا بمال حرام وانا اسفة يا بابي لو كان رامز قبل الشغل اللي حضرتك جبته ده انا اللي كنت تسيبه بس كونه رفض الشغل ده هو علي في نظري وانا هفضل جمبه لغاية اخر ثانية في حياتي بعد اذنكم
كاميليا{وهي تنظر لزوجها}:والعمل يا شوقي هنعمل اي البنت عاوزة تتجوز الولد اللي مش ليه اصل ده
شوقي:انا عارف انا هعمل اي
<في صباح اليوم التالي ذهبت هنا للخروج مع رامز بعد ان انهت عملها في الشركة وكانت الساعة تدق السابعة مساءً>
رامز:اتاخرتي لي ؟؟؟!
هنا:الطريق زحمة جدا يا رامز
رامز:طيب تاكلي اي ؟؟؟!
هنا:مليش نفس
رامز:انتي كلتي اخر مرة امتي؟؟!
هنا{وهي تحاول التهرب من السؤال}:حلو القميص ده جديد
أنت تقرأ
شجرة حياة ❤❤
Romanceلم تساندها الحياة في حياتها ولم تراف بها ظروفها قررت العيش بعيدا عن من ظلمها لتبدا مسيرتها في بلدة غير بلدتها شغف حب عطف لم تجده في حياتها فهل سوف يستمر ام لا ؟؟؟؟؟؟! تصنيف اول في شجرة 5/9/2020 ❤
