Naa ko sa cafeteria karon, wala si Keanna kay gisakitan ug tiyan, tuag clinic. Basin nabuntisan natong bayhana to.
Nagpadayon ko ug kaon, ug while gakaon ko naghuna-huna sad ko sa akong kantahon karong Sidlak. Para mainform na sad nako si Fel. Nangita pud ko ug motugtog sa drums, unya kay nag volunteer naman si Ian, gamay gamay nalang ang akong hunahunaon.
Nag list down ko ug mga kanta nga ganahan ko, tapos na remember nako ang kanta ni Moira... katong Patawad Paalam.
Kani nalang akong kantahon. Medyo personal kaayo ni siya nga kanta sa akoa kay mao ni nga kanta ang hindungdan nganong nagkaila ming duha ni Keanna. Gusto unta nako ni kantahon para mahinumduman niya ang iyahang kajejehan nga gibuhat.
Nakahinumdom ko atong nibyahe ko padulong Davao para lang maka attend sa concert ni Moira. Nakatapad nako si Keanna sa Bus... dili pami kaila ato.
Mutug-an pud ko sa tinuod nga una palang namong encounter, first impression nako sa iyaha kay 'weirdo' siya. Alangan abi guro niyag wa ko kabantay nga ginatuyo niya nga mag selfie tapos maapil ko. Unya tuyo-tuyuon niya nga mudikit sa akoa.
Iritado kayko the whole ride nga halos dili lang man gani ko makatulog para magpahulay kadali. Sa concert wala ko kabantay nga katapad diay nako si Keanna ug katong oras nga nikanta na si Moira atong Patawad Paalam kay didto na nako siya nabantayan. Dunggog kaayo nako iyahang tingog.
Ning sabay ug kanta ang tanan except guro sa akoa, kay akong atensyon naa kay Keanna. Grabe kulang nalang pangkulatahon ni niya iyahang katapad. Mas grabe pa siya sa nagmaoy nga hubog. Hilaka kaayo siya... murag wala na siyay labot kung unsay huna-hunaon sa uban basta nagmaoy lang siya.
Tungod ato kay murag na feel nalang nako nga kailangan nako siya tutukan. Human sa concert kay gisundan nako siya sa Jollibee. Atik atik nalang pud ko nga coincidence lang nga nagkita napud ming duha.
Wala pud kuy intention nga duolon siya... pero siya na mismo ang nitapad nako sa table.
Medyo awkward pero nawala rasad kay siya na mismo ang magbuhat ug conversation. Tabian siya ug genuine... Didto pud nako nahibal-an nga taga Monkayo siya ug nagskwela rapud diay ming duha sa same school, University Of Monkayo. Ang mas nakakurat pa kay silingan ra diay ming duha.
Nakatawa ko kay wala gyud diay kuy pakealam sa akong palibot. Sugod ato kay nakaila na nako siya... ug mas nipalawom na ang amoang relationship. Karon mura na siyag linta nga nakapilit sa akoa.
Mag practice kaya ko no? Try nako kung makaya ba sa akong range. But of course not in this place, obviously daghan kaayog tao dinhi unya magkanta-kanta ko.
Giingnan man pud mi ni Sir Toni nga we can use the Music room kung gusto mi mag practice pero murag dako ra kaayo ang music room para sa akoa, I also think na daghan ug tao didto karon since daghan ug mag perform sa Sidlak.
Nahinumduman nako akong tambayanan. Didto nalang ko, at least didto makapagfocus ko kay mingaw, walay tao.
Sa way pagduha-duha, ninghawa ko sa cafeteria dala-dala akong bag. People are still looking at me like I did something bad to them. Tungod gyud ni atong post ba. I hope the admins would turn down that post, gusto nako ipa turn down ang post pero akong gihunahuna pag-ayo ang consequences... If mawala ang post mas matingala ang tao, basin mutaas pa hinuon ilahang curiousty. Abi palang affected kaayo ta.
