مسجون وجنون

الفصل الخامس

‏روايه مسجون وجنون الفصل الخامس :

خرجت تلك الطلقه من سلاح إحدى الضباط لتستقر فى جسد جمال ليقع جمال من شدة الألم على الأرض وسلاحه بجانبه بينما ذهب رجال جمال واشتبكو بضباط وبدأت المعركه بأطلاق النار من كلتا الطرفين وكان الضباط هم المنتصرين فتشوش الرجلان الذين يمسكون بمالك فستغل مالك ذلك والتقط عصى من على الأرض وضرب بها كلهما وتوجه بسرعه إلى ورد وفك قيدها وهى تبكى بنهيار
ورد ببكاء/انا اسفه يا مالك انا اللى ورطتك فى كل ده اسفه
مالك مبتسما وهو يمسد بيده على وجهها/متقوليش كده ويلا نخرج، البوليس سيطر عليهم خلاص
ثم ساعدها على النهوض من على الأرض، فى نفس الوقت زحف جمال بجسده إلى سلاحه الملقى بجواره وامسك به ورفع يده بضعف ناحيه مالك ويده تترنح يمينا ويسارا، فجحظت ورد بعينيها بخوف وقد رأت جمال فبسرعه قامت بدفع مالك من أمامها ليسقط على الأرض وفى نفس الوقت ضغط جمال على الزناد لتستقر الرصاصه فى جسدها وتسقط على الارض ليقوم احدى الضباط بضرب رصاصه ناحيه جمال ليسقط جمال سلاحه ميتا
مالك بفزع/جنون!!
نهض مالك بسرعه وذهب إلى ورد وحملها على قدمه وقد تجمعت دموعه فى عينيه
مالك بخوف/ليه ليه عملتى كده
ورد بابتسامه باهته/ع... عشان.. مقدرش ا.. اشوف... حد بيتأذى.... تانى بسبب... شغلى وع.. عشان.. بحبك
ثم اغلقت عينيها مستسلمه لتلك الاغمائه التى اصابتها وهى لا تشعر بأى شئ فى جسدها
مالك بصراخ/لااااا... لااااا... ووررد... . جنووون
.................................
فى مستشفى(.....)
يقف مالك امام غرفه العمليات والخوف والقلق ينهشون فى قلبه ويقف بجواره ضابط شرطه
الضابط موسيا/ان شاء الله النقيب ورد هتبقا كويسه هى قويه طول عمرها بس اللى حصل لوالدها و والدتها مقدرتش تستحمله
ظل مالك صامتا لا يجيبه فاكمل الضابط وهو يضع يده على كتف مالك
الضابط /مع ان جمال مات بس خاد الموته اللى يستحقها ده شيطان قتل كتير من الأطفال ملهمش ذنب وبفضلك قدرنا نجيب عليه الدليل بسبب جهاز التتبع اللى كان فى هدومك والمسجل كمان، صحيح هو مات بس هنقدر نمسك اللى بيشتغلوا معاه ودلوقتى برأت ابو النقيب ورد كمان هتطلع
مالك بسخريه/ايوا هتطلع بس بعد ما اتعدم ظلم ومراته ماتت بحسرتها عليه!
اخفض الضابط رأسه بحرج ولم يعرف كيف يجيب مالك فاشاح مالك برأسه عنه وفجأه وجد رنا تقف أمامه فنظر لها بدهشه
مالك بدهشه/رنا.... انتى بتعملى ايه هنا
رنا بخوف/انت حصلك حاجه.... انا قومت من النوم ملقتكش فى البيت ورنيت عليك لقيت ظابط رد عليا وقلى انك هنا
مالك بتجاهل/لا انا كويس روحى البيت
رنا بأصرار/اروح البيت ده ايه.... انت هنا بتعمل ايه
انتبه مالك لخروج الطبيب من غرفه العمليات فتوجه اليه بسرعه هو والضابط
الطبيب بهدوء/متقلقوش جت سليمه هى الحمدلله كويسه و هننقلها اوضه عاديه عشان تقدرو تشوفوها وهى كمان شويه وهتفوق من البنج
مالك بحمد /الحمدلله يارب
.................................
بعد عدة ساعات فى غرفه ورد
كان مالك يجلس على مقعد بجوار فراش ورد وهو يمسك يدها ويضغط عليها بحنان و رنا تجلس بجواره على مقعد اخر
مالك وهو ينظر لورد/وبعدين نقلوها على المستشفى هنا بس ده اللي حصل
رنا وهى تضع يدها على كتفه/متقلقش يا مالك ورد هتقوم بسلامه أن شاء الله الدكتور قال هتفوق كمان شويه ولا تحب اقول "جنون "
ابتسم مالك رغما عنه وهو يتذكر ورد بضحكها وخجلها وكل شئ فيها قطعه صوت رنا وهى تكمل
رنا بغمزه وخبث/بس انا وقعت على بوزك اهو وحبيت
مالك بغيظ/بس يا جزمه وقومى هتيلى كوبايه عصير من الكافتيريا اللى تحت اصل ريقى ناشف
رنا بغيظ/ماشى يا مالك مردودالك
ثم خرجت من الغرفه واغلقت الباب فتنفس مالك بحريه وفى نفس الوقت شعر مالك بأن ورد تحرك يدها فى يده فنظر إليها بلهفه وقد وجدها تفتح عينيها ببطء لتتكيف مع ضوء الغرفه
مالك بسعاده/جنون
ورد بابتسامه باهته مازحه/مسجون
مالك بضحك /مالك
ورد بابتسامه /ما انت عارف ان أسمى ورد وبتقولى جنون ومتكلمتش
مالك بسعاده/انا فرحان اوى انك كويسه حمدالله على السلامه
ورد بتذكر/الله يسلمك بس هو انت اللى بلغت البوليس
مالك وهو يتنهد بمرح/ايوا وكمان كان معايا فى هدومى جهاز تتبع عشان يعرفو مكانى وجهاز تسجيل عشان اسجل لجمال وهو بيعترف على نفسه بقيت احسن منك اهو يا سيادة النقيب
ورد بغضب/متقولش نقيب دى تانى انا بكره اللقب ده وبكره اليوم اللى اتعينت فيه فى الداخليه
كاد مالك ان يرد عليها الا ان رنا قد اقتحمت الغرفه وهى تهتف
رنا بمرح/بصراحه انا كسلت انزل اشترى من الكافتيريا لقيتهم بيوزعو عصير معلب فجبته وخلاص........
صمتت عندما وجدت ان ورد قد استيقظت فعلا وجهها ابتسامه مرحه
رنا مبتسمه /ايه ده ورد انتى صحيتى
نظرت لها ورد بتعجب فتنحنح مالك
مالك بتوضيح/ورد دى تبقا رنا اختى
رنا وهى تلوح لها/ ورد ازيك
ورد مبتسمه بتعب/ الحمدلله
رنا بمرح/يلا قومى بقا انتى بتدلعى والله مكنتش رصاصه يعنى
مالك بغضب/اه صح افتكرت انتى متخلفه راحه تقفى قدامه وهو بيضرب نار انتى متخلفه يا بت انتى
ورد بضحك/رنا ونبى خلى اخوكى يوطى صوته عشان خرم طبلة ودنى
رنا بتذكر/اه بالحق الظابط اللى برا كان بيسألنى صحيتى ولا لا عشان باين عاوز يسأل على مكان ورق حاجة زى كده
ورد بغضب/الله يخرب بيت ده ورق دمرلى حياتى كفايه بقا كفايه ااه.....
توقفت عن اكمال عبارتها عندما المها جرحها من عصبيتها الزائده فقترب منها مالك بلهفه ومسد بيده ببطء على شعرها
مالك بهدوء/اهدى يا ورد عشان جرحك، رنا اطلعى وخمس دقايق بظبط ودخلى الظابط
رنا بنصياح/حاضر
ثم خرجت من الغرفه
ورد بغضب/ايه اللى انت قولتهولها ده انا مش..........
مالك بهدوء /شششش، انا من اول ما عرفتك عرفت انك مش محتاجه حد يتعامل معاكى كدكتور ومريضه لا محتاجه حد يكون صحبك يخليكى تبعدى شويه عن حزنك، كانت مشكلة الدكاتره اللى كانو بيجولك كانو يخشو يقعدو قدامك ويقولولك ها مالك ويقعدو يضغطو عليكى عشان تحكى وده طبعا غلط الواحد مننا عاوز حد يثق فيه ويصاحبه عشان يقدر يحيكله ويفضفضله انا عشان كده من اول ما عرفتك عمرى ما سألتك مالك او ايه اللى حصل
ثم ابتسم بحب واكمل
مالك /بس الصداقه وحدة وحدة اتحولت لحب تعرفى انى كنت ساعات بحس ان انا محتاجك اكتر ما انتى محتجانى عشان اقول اللى جوايا فى حاجات مكنتش اقدر اقولها لرنا ومع انك لحد دلوقتى متعرفيش عنى حاجه الا ان وجودك فى حياتى مطمنى من غير حتى ما اتكلم، واللى فهمته من كلام جمال وحالتك النفسيه انك فاكره ان موت مامتك وباباكى بسببك او بسبب شغلك، ورد انتى لازم تفهمى ان ابوكى وامك ليهم عمر محدد حياتهم بتقف عليه سواء حصل حاجه ولا محصلش فربنا كتبلهم انهم يجوله فى الوقت ده، شغلك بقا مش شغلك كنتى موجوده او لا هما مكتوبلهم كده والمؤمن مصاب "اذا احب الله عبدا ابتلاه" وانتى لازم تكونى راضيه باللى ربنا كاتبه واذا كان والدك اتظلم فى الدنيا فهو راح للى خلقه اللى مبيظلمش عارفه كمان ان فى مقوله دايما بتتردد فى دماغى"ويلك يا قاضى الارض من قاضى السماء" بس فانتى لازم تسبيها على الله
كانت ورد تنظر له ودموعها تتساقط ببطء من عينيها وفجأه طرق الباب ودخل الضابط و ورائه رنا
الضابط بمجامله/حمدلله على السلامه يا نقيب ورد
ورد بجمود/الله يسلمك
الضابط/يا ترى لسه فكره مكان الورق اللى بيدين الناس اللى جمال كان شغال معاهم؟
ورد بجمود/ايوا... هما موجودين فى.....
..............................
بعد اسبوعين فى المستشفى
مالك بغضب/يا بنتى افتحى بقك الدكتور قال مش هنمشى من المستشفى الا لما تاكلى
ورد بعناد/مش جعانه يا عم هو بالعافيه
مالك بنفاذ صبر/يا بنتى كولى ده انا جالى الضغط
ورد وهى تاخذ منه صنيه الطعام /هات يا سى مالك اما نشوف اخرتها
ثم ساد الصمت قليلا لتقول ورد وهى تمضغ الطعام فى فمها
ورد بابتسامه سخيفه /مالك انا عاوزه اسألك سؤال اهو اتسلى وانا باكل
مالك برفع حاجب/خير
ورد بمرح /رنا قالتلى ان ليكم اخ كمان اسمه رامى اصغر منكم طب انا عاوزه اعرف ليه رنا و رامى بيبدأو بحرف الراء وانت الميم يعنى انت اللى جيت الاول وسموك بالميم ليه مسموش رنا ورامى بالميم بردو يعنى ليه هما شبه بعض وانت اللى نكره كده
مالك بجديه/ببساطه عشان انا مش اخوهم .... يتبع