عذراء في مزادي

جزء 1

كنزة : تي شوفي ليا بنت مول رايب حتى هي ولات تصاحب بدأت تشمم ريحت بيطانها الخانزة..

يمنة : صمت

كنزة : ""ضربتها ليدها "" ياختي عقلتي فاش كانت تجي المدرسة ملسة شعرها بصابون البلدي ههههه ولابسه صندالة دالميكة..حالتها كاليك دجاجة مني توقف على رجليها تنسى ماداز عليها ههههههههه

يمنة : ""قاطعتها بزعفة "" سكتي صافي باركة من الهدرة لوووك لوووك لوووك ماعيتيش ياكما نتي نسيتي اصلك..ولا نتي باك وزير المالية وتتفيد

كنزة : مالكي الخرااا ضريتك نفس عليها..

يمنة : ماضربتني لا نفسسس لا زمر سرعتي ليا راسي..

كنزة : ""بابتسامة ماكرة "" صافي صافي تهدني لايسكت ليك القلب احبي هههههه

يمنة : ""حمرت فيها "" كنزةةةة حدك تم ماشي انا لي طنزي عليا ..

ضربت فيها وزادت..

كنزة : واصافي غي ضحكنا معاك تسناي ازمر..

يمنة : "" بقات غادة ماتسوقتش ليها دخلت لضربهم فكاريان ""جميكا"" عامرر غي شماكرية وعصابات ترويييج الحشيش والغبرة..وكاع أنواع الجرائم..فيه حي شعبي بامتياز عيالات دايرين كراسى وجالسين قدام بيبانهم كل وحدة وشنو كدير ها لي كتنقي فالخضرة هالي كدق الحنا..في المهراز وشادين تقرقيب نااب ودبان مكجكج عليهم واالوسخ من كل جيييه وواحد القادوس دايز كحل من حداهم ودراري صغار يتناقزو ويتغاوتو حداهم وربايع دشماكرية دايرين مجمووعاات...مع دخلة قشعها واحد فيهم ديما غي قاني عليها

""""""": ""شاد فقلبو ""ااحححح اقلبي والله يعطيني معاك شي 20 عام دالحبسس..حبك فكاشوشي ازهرتي

يمنة : صباحاتو للله بغيت ليك حبة فز*** ياربي ديما داير ليا شوهة تفووو على كمارة..

""""""""": واغي عايريني ولا ضربيني كااع ماكينش المشكيل المهم يجي نهار وتحني

مليكة : ""حطت صندالة من رجلها وقصداتو "" والله أولد عباس وماتبعد من بنتي ياحتى نجي نقجك حتى يخرجو بلالز دعينينك..

يمنة : ""دري هرب ويمنة جرتها ودخلو لبراكتهم ""زيدي امي ضروري ديري شوهة برا..""دورت عينيها فالبراكة وشعلت ""

واش انا نخرج نخلييك تنقي زرع ندخل نلقاك عودتاني مزال تتنقي فييه فيا الموت دجوع ماكين مايتحنجر..

مليكة : ""جلست فوق بونجة وجرت صينية قدامها ""هزي دووك جوج بيضات طيبيهم..

يمنة : اوووف واش فطور البيض الغدا البيض والعشا البيض ولينا حنوشة

مليكة : اشبغيتي ندير لييك مشيت اليوم ناخد داك المعاش كاليك سيري حتيل الغدا العمدة ماكينش

يمنة : ""ساطت بهمم ودخلت لواحد القفز دايراه بيتها فيه بونجا وكوافوز حاطة فوقو كتوبتها ومجورة فيهم حوايجها تلاحت ناعسة على كرشها فلحظة هزت عينيها لتصويرة قديمة وباهتة لباها ومها..هي لي بقات ليها منهم ملصقاها فوق رأسها مدت ايدها وجرتها وهي كنشوف فيهم بغممم وحزن..يمنة : اااه هادشي فاش حادكييين غي فهزان رجلييين فلول هزيتي رجليكم تكويتو مع مخكمم حتى خريتوني وفلخر عودتو هزيتهم وضربتوها بموتة كون غير ديتوني معاكممم نتهنى من هاد العداااب وهاد العيشة دلويل..