عدم وجود شهد في الخطوبه خلق جواي فراغ كبير م حسيت انو انا مبسوط على قدر م انا كنت متحمس إضافه لي انو هي خلتني اقلق عليها وافقد تركيزي شديد حتى م كنت متفاعل لا مع تولين ولا مع اهلها،على قدر م كنت متضايق من شهد وحركتها لأنها يومين ويوم الخطوبه يوم التالت كانت قافله تلفونها وم اتكلمت معي بس خوفي عليها كان طاغي...
...
من تلقاء نفسي قررتهه اني ابعد او اخت حدود وحواجز بيني وبين ماهر علشان خلاص الحصل حصل وهو زول مقرر مصيرو سلفاً واهو واضح اكتر من الشمس طيب انا بتلايق لييييهه؟لازم بعد كدة اعمل كنترول لنفسي ومشاعري،لازم ابعد علشان م اتعلق بزيادة،ولا غيرو ،على الاساس دة قللتهه مكالمات حتى المحادثاتوقللتها كنت كل م اشوف مكالمه منو بعمل التلفون صامت كنت بتصارع مع نفسي علشان م ارد،كل م اشوف منو مسج في الواتسب برد بعد كم ساعه وبتعمد ارفع استوري بس علشان اوصل ليه معلومه اني اونلاين وشايفه المسج متاعتك،الغريبه انو م كان بسألني او م كان بعاتبني على الحاجه دي ابداً كأنو هو بعمل كدة ك اداء واجب وتكليف ف اذا رديت اهلاً وسهلاً واذا لا م حنك م بتفرق😭💔زعلت اكتر وشلته في قلبي منو بزيادة،حتى هو بمرور الزمن قلل محادثات ومكالمات عادي بقى يتصل مرة كل يومين او يرسل لي "شهد"علاقتنا في فترة وجيزة اتغيرت 180درجه ،يعني بس تخيل انو نحن بالهشاشهه دي ،بالهشاشهه اللي تخلينا نبعد في فترة وجيزة بقيت اقول لنفسي يعني للدرجه دي الموضوع عادي عندو؟للدرجه دي عادي الانسان ممكن يتغير علشان في انسان دخل حياتو؟يعني خلاص اكتفى بيها؟باعني بجد ولا هو اصلاً م كان شاريني علشان يبيعني؟كنت بتكلم مع نفسي وبسألها الف سؤال يومي وانا ببكي وبرجع اقرا المحادثات م بينا وبفتح الريكوردات بتاعتو م عارفه هل دة كان هبل ولا جنون مني بس احياناً كتيرة كنت بركب السماعات وانا ببكي وبشغل ريكورداتو وبفضل اعيد فيها لغاايه م انوم...
...
إنشغلتهه فترة من شهد ودة نسبه لي انو كانت عندي مشاكل كتيرة مواجهاني في الشركه دة غير انو بعد الخطوبه رجعت امي واولاد عمي للبيت ومهند اخوي اللي محتاج تعامل خاص شدييييييد ولازمو الف حساب لأنو في لحظه ممكن يتحول لي كائن عنفواني جداً ف كان لازم اقيف في راسو كل الوقت وفجأة جاتني سفرة لمدة اسبوعين لي دبي سافرته من غير م اكلم شهد حتى او بمعنى ادق اتصلته عليها وانا في المطار مكالمتين بس للأسف م ردت،يعني وقتي كلو بقى ضايع م بين الشغل ومهند،اول حاجه عملتها بعد رجعته السودان هي إني إتصلته على شهد م ردت على مكالماتي الا اليوم التاني،و
من نبرة صوتها كنت واثق تماماً انها زعلانه او في تغير فيها حتى في كلامها كان في برود شرحته ليها إني سافرت قالت لي بجد؟طيب حمدلله على السلامه،يعني شهد النقاقه والبتعاتب والكلامها كتيييير وبتنكد ما كانت في المكالمه دي،يمكن هي زعلانه بس شهد وانا بعرفها حتى لو هي زعلانه مني م بتسكت بتعاتب ،بتشاكل وغيرو،رجعته كررته اتصالي وطلبته اشوفها كذا مرة اتعذرت بي انو هي في الجامعه وحتطلع متأخرة او انو هي في البيت وم حتقدر تطلع و...يعني كان واضح جداً انو هي بتحاول تتجنبني واكيد في سبب مقنع للحاجه دي هي م حابه تبينها خلت في راسي الف استفهام اااايوة الفترة المضت دي شبه كان في خمول في التواصل بينا بس انا عندي مبررات مقنعه للحاجه دي عكسها هي 💔شهد وانا بعرفها شافعه انفعاليه بترسم حاجه في راسها وبتصدقها ف اكيد في سبب م ساي،اتصلته على لجين بالليل وخليتها تتأكد لي من جدول شهد بكرة حيكون كيف ومواعيد محاضراتها،العرفتو انها شغاله محاضرة وLab اتصلته عليها بعد الساعه 4 اللي هي دي مواعيد طلوعها ،الغريبه انها ردت على طول
