مصدر سعادتي(مكتمله)

البارت 16

مرام:اععع عمتي دلال😲
احمد:شنو😳

———————-
مرام
———————-

مرام:ههههه😂 اشاقه شفت شلون گومتك
احمد:يخرب بليسج مضمومتلج ترا
مرام:المهم هسه گمت😂
احمد:يلله گومي نسبح ونتريگ ميت جوع
مرام:يلله

سبحنا واحمد نزل قبلي بقيت اتمكيج انا صعدلي البنات

غفران:الف مبروك ياكلبي
مرام:الله يباركلج
مريم:الف مبروك ولج يوم الولد ان شاء الله
مرام:الله يباركلج يوم لج على لي بالي😂
شعجب بس انتن صعدتن
مريم:امي مارضت كالت غرفه عروس ومايصير تنداس
مرام:اهاا يلله اوك اكمل صبغ اضافري وانزل
غفران:لاكملي ننزل سوه
مريم:ضافر من الصبح جاب ريوگ ويضحك يكول اريد اذل احمد بالريوگ لولد الولد وعمي يضحك عليه
مرام:مايقصر يلله كملت امشن ننزل الله عليجن خلني اخر وحده انزل
مريم:مايصير عيوني لازم انتي اول وحده
مرام:يبووي شينزلني

نزلت انا ولبنات جوا وگبت الهلال الكل فرحان ويهوسن عماتي وخالاتي بس عمتي دلال بوحدها گاعده هيه وبناتها ومبينه من غير نفس جاي اموت واعرف شنو هلكره لي بگلبها

ام احمد:الف مبروك يايمه يوم الولد ان شاء الله الصالح واكحل عيوني بشوفته قبل لااموت
مرام:الله يباركلج خاله بستها من راسها
وسلمت على امي وخالاتي وعماتي وگعدت يم مريم

خالتي رباب:ولج بلقيس يگلج لبارحه مراح مغتصبه احمد موهوه
مرام:😨 يعع يمه
امي:ياخيه شسوي بعد
مرام:يمه🥺
سميه(مره عمي مسلم):شبيجن ويه لبنيه هاا
خالتي رباب:نشاقه وياها
خالتي سماح:بدل شقاج روحي كملي مرگتج
خالتي رباب:يععع فلك نسيتها

بقينا نضحك عليها زينب جابتلي ريوگ تريگت قليل
رفت راسي دخل احمد ومحمد يوه
يمه فدوه اروحه يخبل بالدشداشه❤️

احمد:السلام عليكم
الكل:هلا يمه
خالتي ام احمد:تعال يمه تريگ طلعت بلا ريوگ
احمد:لايمه مااشتهي مرام تعالي شويه فوگ
مرام:اي جايه

صعدت وراها شوفه ماله خلك ومعصب
مرام:شبيك
احمد:تعال شوفيلي دشداشتي الاماراتيه
مرام:ان شاء الله شبيك احمد
احمد:مابيه يلله فدوه مرام
مرام:انطيته دشداشته غير ملابسه وتعطر باسني بجبيني ونزل نزلت وراه
خالتي رحمه:شبيه رجلج
مرام:مابيه غير ملابسه وطلع
اجت مريم گعدت يمي
مريم:ولج تدرين شصاير لبارحه
مرام:شنو😬
مرام:ضافر وصگر لاگين حيدر ومخلينه بيت مزرعه رجلج
مرام:الله عليج
مريم:اي والله شبيج
مرام:وانتي شمدريج ولج هاا😠
مريم:صگر گالي

مرام:احلفي صگر گايلج
مريم:انتي شكو تسئلين على النغل منو ابوه محمد گالي يلله رتاحيتي
مرام:اهاا مطوره العلاقه
مريم:ولج اسكتي لبارحه تفشلت فشلت العمر
مرام:منين من خالتي
مريم:ياا شكبر حضي لو من عمتي ولج طلعت اريد اصيح محمد يشوفلي درب اروح لبيتنا الله يسلمه بقئ يسولف مانسمع له صوت ورانا لتفت محمد وخلاني بظهره فنج منو
مرام:منو احجي فتيتيه لكلبي
مريم:ضافر
مرام:عزا😳 وشصار
مريم:ماصار گال هلا بعصافير الحب ولج بوگتها تمنيت الگاع تنشگ وتبلعني گله محمد انته گلته عصافير حب انته شكو تطفر فوگهم هنوب هوه استحه وراح
مرام:عزا عزاكم هيج مطوره العلاقه ديري بالج والله صگر تعرفين خبالاتي
مريم:ولج والله لبارحه صحتله علمود يوصلني للبيت
مرام:وصگر وين لو ماكو غير محمد
مريم:كيفي والله
عمتي رحمه:ماخلصتن حجي لو من هسه صرت تحالف
مريم:گايمه گايمه اريد اعرف انا عدوتج ماتحبين اگعد ترا ماازوج رجلج😂😂
عمتي رحمه:يبوووي لزمولي مريم ليوم اريد اموتها
امي:كلشي ولامريم هاي اخت الغالي