مصدر سعادتي(مكتمله)

البارت 31

هلوو فراولاتي شلونكم اخباركم

يگولون اگو نجمه جوو اضغطو عليها وفرحوني⭐️

وين وين قبل لاتقرون لنجمه يلله😡

احبكم🥺❤️

الكاتبه:ايات جابر

قراءة ممتعه

وأعزاز گلبي مشوا
وچم ليل مر يالليل
والعمر يمشي العمر
والحيل ماظل حيل

________
فهد
____________

بعد مالگينا صگر بيومين گتلهم لازم اروح بعد صگر ورجع لحمدلله بس شنو صگر صحيح قمه الاخلاق والادب وانسان خلوق محترم غصبن عنك
يخليك تحترمه

احمد:ابقى هليومين وروح
فهد:لا والله احمد مااگدر دوام وامي بوحدها
احمد:بس والله ماستقبلناك حسب الاصول اجيتنا بوقت
موراهم ابد
فهد:ترا هذا حجيك تحسسني انا غريب عنكم
احمد:لايشهد الله موهذا القصد حسبت محمد ومصطفى انته

فهد:وكفو منكم انا ان شاء الله بس السنه اكمل اموري واجي هنانه
احمد:حياك الله يمتى تتوكل
فهد:الفجر اذا الله راد
احمد:الله يسهلك حيدر يروح وياك
فهد:إჂ̤ حاجيته گال اروح وياك

احمد:ليش مايبقى هوه
فهد:شعرفني انا ابن عمك وحاجيه
احمد:لاحولله
فهد:يلله توكل انته وخليني انام حتى اصحصح بلطريق

احمد:بعد وقت توها ثمانيه
فهد:إჂ̤ احسن احمد طريق طويل
احمد:براحتك يلله تصبح على خير
فهد:وانته من اهل الخير اجمعين

عافني وطلع تگلبت منا منا اريد انام ماجايني نوم فجأه اجت على بالي ام عيون مكحله ليش نزرعت بالي هاي لبنيه معقوله ياربي حبيتها لالا مستحيل
ولك انته ليش ماتوب ليش ماتنضبط له تحب وتتعذب بس والله عيونها لمكحله ماتروح من بالي
استغفرت غطيت راسي بلبطانيه ونمت بلااربعه تلفوني رن صحصحت گمت طلعت اريد اغسل واصلي
نزلي محمد

محمد:صباح الخير
فهد:صباح النور
محمد:مغبش
فهد:هم يلله
محمد:يلله صلي وانا راح اجيبلك ريوك
فهد:لا والله محمد ماتريك مااشتهي من الصبح بلطريق اكل
محمد:مايصير فهد بس شويه
فهد:لا والله ابد محمد اشكرك ارجع نام انا ماشي

محمد:صلي وانا رايح اگعدلك الولد يلله
فهد:لمن مگعدهم ولك
محمد:همه يردون يسلمون عليك

صليت وكملت ونزل احمد ومصطفى يمي كملت غراضي وسلمت عليهم وطلعت مريت على حيدر اتصلت عليه وطلعلي مجهز نفسه وتوكلنا لديرتنا نص الطريق وتعبت وحيدر كمل سواقه وصلنا بلااربعه العصر

فهد:السلام عليكم
امي:وعليكم السلام هلابعد امك وينك يايمه ليش طولت
فهد:يابعد روحي يايمه مشتاگلج شلونج اموري وينه
امي:استريح جوعان تريد شي اموري راح لعمته ضحئ