مصدر سعادتي(مكتمله)

بارت 37 الجزء الثاني

هلوو شلونكم ترا اذا كتبتو تعليق وخليتو نجمه ماراح يصير شي والله

والبارت هذا اكثر من ٤٦٠٠كلمه قدرو التعب شويه

لاتعاتبنـــــــــــي وتـــزيد جرحي نار
آنـي كـلشي لخاطـــــــــرك سويتة
انتة امس كدام شـــــــماتي نطيت
بية وآني الشوف عينـــــــي انطيتة
جرحي بيدك فوك بيبان الـــــــدروب
كبال شماتي أمس طشيـــــــــــتة
يل تطش بجروحي خلف الله عليك
عمي آني أنسان مـو جكــــــــليتة

_____
فهد
_________

گعدت من النوم بليل تفاجاة محد مگعدني گمت غسلت وتوضيت وصليت ونزلت لگيت امي تسبح وزينب تسوي عشا وامير يلعب بااخته

فهد:شلون العافيه
امي:....
فهد:يمه شبيج
زينب:عمه تردين العشا بالصاله لو بلمطبخ
امي:لايمه بلمطبخ احسن
فهد:هنانه جيبيه مااحب گعدت المطابخ
امي:يلله جده اموري گوم اتعشا

فهد:ادري على شنو زعلانين مني هاا
امي انتي تزعل الدنيا مني بس انتي لا شبيج
امي:ليش معارك مرتك هاا وبعدين مخلي عقلك بعقل جاهل
فهد:يمه رجال محروم انت محروم انتحر گدامج هاا
امي:امشي اتعشا ويانا يلله
فهد:لا محد عزمني انا هذولاك الناس زعلانين
امي:گوم مازعلانين يدللون بس انته خفف عصبيتك

گمنا انا وامي واموري لحكني شفت ماده السفره گعدنا ناكل كملنا شربنا جاي گتلهن راح اطلع للولد ماروح بعيد رحت على صگر لگيتهم كلهم يمه مجمعين دگيت الباب طلعلي محمد

محمد:ياهلا ولك تعال ضاميلك مفاجئة ويمكن گلبك يطير منها😁
فهد:هاا شصاير

جرني من ايدي ودخلنا لديوان اشوف الولد يضحكون وشكلهم صحيح متفاجئين ماعرفت شبيهم سئلتهم

فهد:شكو شبيكم اشرلي صگر على حيدر باوعتله وانصدمت😳😳 منو هذا ولكم
احمد:مثلك مثلك والله
فهد:ياصلاتك يامحمد بقيت اصفر وهذوله ماصدكو

گام يريد يطلع ضاج رجعناه ونضحك

حيدر:والله انتم مو بعقلكم مخابيل
احمد:من وراك ضلعي انا عقلي وكف
فهد:شعجب فگيت العقد حيدر هاا محلق ومتشيك بطريقك ذاب الاسود بعد
حيدر:انجبو عني صوجي انا اجي يمكم اگوم اروح احسن
حمزه(اخو حيدر):اسكتو لو تشوفون ابوي شسوه ذب شماغك وضل يهوس بيه مامصدك😂😂
مصطفى:انا غسلت بماي حار يلله قتنعت شويه
حيدر:انتم ماصدگتم لگيتو سالفه تصنفون عليها
صگر:حقيقه ولك هااي شايف قبل وهسه انته شلون صرت

احمد:بقت المره حيدر
حيدر:احمد سد الموضوع بداعه ابوك

سكت احمد بقينا نتشاقه ونضحك وجبنا دومنا لعبنا بل١١كل واحد راح لبيته رجعت للبيت لگيته اضلم نايمين امير بلصاله نايم والرومنت بيده شلته وديته لغرفته وغطيته صعدت لغرفتي لگيت زينب تنوم بملوكه
لابسه دشداشه خفيفه وگصير سوده وفاتحه الشعر والحمره حمره غير وكف شعر راسي